Спорт
СП: Франција го одбрани ракометниот трон
Ракометната репрезентација на Франција ја одбрани титулата светски првак, откако во финалниот натпревар, по продолжението ја совлада Данска со 37:35. Во регуларниот дел натпреварот кој се одигра во Малме заврши со резултат 31:31. Титулата освоена на Муднијалот во Шведска е четврта во историјата на ракометната репрезентација на Франција, со што на вечната листа се израмни со Шведска и Романија. До титулата Франција дојде и повеќе од заслужено, во финалето „триколорите“ ја диктираа играта од самиот почеток, имаа предност од два до четири гола. Данска во регуларниот дел само трипати стигна до израмнување, а првото водство го имаше во 64 минута, меѓутоа капитенот на Франција со два брзи гола ја врати предноста кај својот тим. Најкорисниот играч на шампионатот Никола Карабатиќ со 10 и Мишел Гигу со седум гола ја предводеа Франција, на спротивната страна Микел Хансен постигна 10 погодоци, а голманот Никлас Ландин имаше 21 успешна одбрана. Бронзениот медал на 22-то СП го освои репрезентацијата на Шпанија. Шпанците во „малото финале“ ја совладаа Шведска со 24:23. Меѓународната ракометна федерација (ИХФ) ја избра најдобрата постава на СП. Голман е Тиери Омеје (Франција), на крилните позиции се Харвард Тведтен (Норвешка) и Ведран Зрниќ (Хрватска), бекови: Микел Хансен (Данска), Далибор Додер (Шведска) и Александер Патерсон (Исланд) и пивот Бертран Жил (Франција). крај/макфакс/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Помошникот на Артета ќе го преземе Феенорд?
Челниците на Феенорд се свесни дека тренерот Арне Слот ќе го напушти клубот во летниот преоден рок.
Англиските медиуми пренесуваат дека тој ќе го наследи Јирген Клоп во Ливерпул. Овие извири тврдат дека двете страни се блиску до конечен договор.
Ливерпул ќе треба да му плати на Феенорд десет милиони евра како обештетување, бидејќи Слот има уште две години од договорот со клубот од Ротердам.
Замената за Слот, како што пишува холандскиот весник „АД“, Феенорд ќе ја донесе од Арсенал. Според овој извор, нов тренер на Феенорд ќе биде асистентот на Микел Артета во Арсенал, Алберт Стуивенберг (54).
Стуиенберг, работел во јуниорските категории на Феенорд, потоа во Англија му беше помошник на Луис ван Гал во Манчестер Јунајтед.
Тој е со Артета во Арсенал од 2019 година, а доколку биде ангажиран во Феенорд, тоа би му била прва самостојна работа.
Спорт
Удинезе и Рома го завршија прекинатиот натпревар, славеа гостите
Фудбалерите на Удинезе и Рома го завршија прекинатиот натпревар од 32. коло во италијанската Серија А. Гостите од Рим славеа со гол во судиското надополнување со 1:2.
Натпреварот кој се играше на 14 април беше прекинат во 72. минута, откако дефанзивецот на Рома, Еван Ендика колабираше на теренот. Вечерва се одиграа преостанатите 18 минути.
Од 72.минута дуелот продолжи со резултат 1:1. Рома забележа значајна победа со голот на Брајан Кристанте во судиското надополнување, на асистенција на Пауло Дибала.
На двете екипи им беа неопходни бодови, Удинезе бидејќи се бори за опстанок, Рома е во трака за место Лигата на шампионите. Рома е петта на табелата со 58 бодови, четири помалку од Болоња на четвртото место. Удинезе е на 17. место со 28 бодови, колку шт има и Фросиноне.
Спорт
„Де Брујне подобар од Лампард, Сколс и Џерард“
Кевин Де Брујне, „мозокот“ на Манчестер Сити е најдобриот офанзивен играч за врска во Премиер лигата, смета поранешниот англиски репрезентативец и поранешен играч на Вест Хем, Челзи и Ливерпул, Џо Кол.
Според Кол, Де Брујне не е најдобар само во оваа ера, туку и воопшто, подобар дури и од големите англиски ѕвезди и легенди на Челзи, Манчестер Јунајтед и Ливерпул.
„Тој е главниот кум меѓу офанзивните играчи од средниот ред во светскиот фудбал. И понатаму мислам дека тој е најдобар во моментов. Кевин Де Брујне е над секој играч од средниот ред во историјата на Премиер лигата. Навистина го мислам тоа. Тука ги вклучувам Френк Лампард, Пол Сколс, Стивен Џерард и сите останати“, изјави Џо Кол и предизвика мал земјотрес меѓу навивачите на овие клубови.
Нема потреба да се споменува што значи Френк Лампард за навивачите на Челзи, колку е ценет Пол Сколс на „Олд Трафорд“ и каква икона е Стивен Џерард на „Енфилд“.
Тешко е да се каже дали Кевин Де Брујн е најдобриот на сите времиња, но неговите настапи во дресот на Манчестер Сити се потврда дека тој секако е еден од најголемите.