Спорт
Барса граби напред, Виљареал изненаден од Леванте
Некогаш мечевите меѓу Барселона и Атлетико Мадрид беа вистински дерби натпревари, но имајќи ги предвид формите на двата состава лесната победа на каталонците од 3:0 не претставува изненадување
Ова беше 16-та победа во серија за Барселона што е нов најдобар резултат во историјата на клубот. Лионел Меси ги постигна головите во 17., 28., и 79 минута. Фудбалерите на Атлетико Мадрид кои се наоѓаат во криза којашто се продлабочува, само со неколку напада покажаа дека се дела од богатата славна историја на шпанскиот клупски фудбал. Непотребната затвореност на играта и покрај првичните грешки во одбраната просто не и’ дадоа можност на гостинската екипа да направи нешто пред големиот и разигран противник, кај кого не одеше се’ како вообичаено, но сосема доволно да се совлада ваквиот Атлетико. Барса со меч повеќе ја зголеми предноста пред вториот Реал на десет бодови создавајќи пред денешниот меч уште поголем притисок врз „кралските“ фудбалери. Третопласираниот тим во Ла Лига во саботата навечер сосема разочара со настапот против гостите Леванте кои се борат за голиот прволигашки статус. Виљареал на својот „Мадригал“ беше поразена со голот на Валдо во 48. минута од мечот. И покрај поразот Виљареал останува на третата позиција со 45 бодови, четири повеќе од четвртопласираната Валенсија која во недела го игра својот меч од 22-то коло со Херкулес. Леванте е 18-ти со 21 бод еден помалку од Спортинг, Осасуна, Херкулес, Расинг Сантандер и Депортиво Ла Коруња кои се наоѓаат на местата кои и обезбедуваат опстанок во лигата. Атлетик Билбао беше сигурен против Спортинг Хихон со 3:0, со говите на Давид Лопез од пенал во 16. минута, Токверо во 27. и Љоренте во 74. минута. Реал Сарагоса ги подел бодовите со Расинг откако Бутахар во 40. минута го анулираше водството на гостите што го постигна Кристиан со голот во 14. минута.Со истиот резултат 1:1 заврши и мечот меѓу Осасуна и Мајорка. Домашните поведоа со голот на Флано во 8. , а изедначи Гонзало Кастро во 37 минута.Хетафе високо го порази Депортиво со 4:1. Колуња во 19 и 27., Мику во 44 и Педро Риос во 57. минута беа стрелци за домашните, а Рики во 69. минута од пенал го постигна почесниот погодок за гостите. Алмериа за 18 минути дојде во голема предност против Епсањол, но во завршницата се бореше да ја сочува победата. За Алмериа стрелци беа Марсело Силва во 5., Уче во 7. и Бернандељо во 18. минута, а Еспањол намали преку Верду во 34. и Алваро во 50. минута Покрај мечот меѓу Валенсија и Херкулес, во недела ќе се одиграат и средбите Севиља – Малага и Реал Мадрид – Реал Сосиедад.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.
Спорт
„Заминувам ако Алегри остане тренер“
Федерико Киеза (26) е подготвен да го напушти Јувентус. „Газета дело Спорт“, дури тврди дека италијанскиот репрезентативец им поставил ултиматум на клупските челници.
Енрико Киеза, сезонава не игра на вообичаеното ниво откако се опорави од тешката повреда.
Иако италијанскиот репрезентативец постигна скромни осум гола и две асистенции за неговите стандарди, Јувентус би сакал да го задржи, но се уште нема никаков напредок во преговорите.
Неговиот актуелен договор е до 2025 година, што значително го намалува просторот за маневрирање на клубот.
Киеза на лето би можел да влезе во последната година од договорот и тоа ќе биде последна шанса да клубот заработи од неговиот трансфер.
„Газета дело Спорт“, пишува дека Киеза својот потенцијален останок во клубот го условува со ултиматум. Италијанскиот весник пишува дека Киеза на затворен состанок јасно им кажал на клупските челници дека сигурно ќе го напушти клубот доколку Масимилијано Алегри остане тренер и во следната сезона.
Сериозен интерес за Киеза покажа Рома, односно нејзниот тренер Даниеле Де Роси, кој ќе ја доби довербата да го предводи тимот и наредната сезона.
Спорт
Барселона подготвува мегатрансфер, го продава Араухо за 100 милиони евра
Барселона е подготвена да го продаде Роналд Араухо (25), објави каталонски „Спорт“. Овој извор наведува дека Барселона мора да заработи од трансфери на играчи во летниот преоден рок за да избегне финансиски проблеми и да ги исполни критериумите од финансискиот фер-плеј.
Уругвајскиот дефанзивец е еден од фудбалерите кои имаат најголема пазарна вредност. Раководството на Барселона смета дека од неговиот трансфер би можеле да заработат повеќе од 100 милиони евра.
„Трансфермаркт“, неговата вредност ја проценува на 70 милиони евра, а неговиот договор со Барселона истекува во јуни 2026 година.
Барселона смета, тврди „Спорт“, дека во суперталентот Пау Кубарси (17), има квалитетна дефанзивна опција. Доколку би го продале Араухо, Барселона би се обидела да донесе слободен играч кој би му бил партнер на Кубарси.
Араухо ја започна својата кариера во уругвајските клубови Рентистас и Бостон Ривер. Во 2018 година Барселона го донесе за речиси пет милиони евра, а оттогаш забележа 147 настапи, постигна осум гола. Со Барселона има освоено три трофеи.