Спорт
Кливленд ја продолжи црната серија
Екипата на Кливленд Кавалирс со црни букви се запиша во историјата на НБА лигата, откако против Портланд го запишаа 24-от натпревар на кој не забележаа победа.
Портланд го совлада Кливленд со 111:105, благодарение на учинокот на Весли Метјуз (31 поен) и Ламаркус Олдриџ (20 поени и 10 скокови). Екипата на Кливленд сеуште нема победа во 2011 година.
Лејкерси полека излегуваат од мини кризата, актуелните шампиони предводен од тандемот Гасол (34 поени и 10 скокови) – Брајант (32 поени, 9 скокови, 5 асистенции) победија во Њу Орлеанс со 111:95.
Играчите на Оклахома погодија 13 тројки од 21 обид и во Солт Лејк Сити ја победија Јута со 121:105. Расел Вестбрук постигна 33, а Кевин Дурант 22 поени за Оклахома. Јута ја предводеше Пол Милсап со 34 поени, 10 скокови и 6 асистенции.
Екипата на Далас во Шарлот ја забележа осмата последовна победа. Дирк Новицки со 25 поени го предводеше Далас до победата од 101:92.
На другите натпревари:
Вашингтон-Атланта 92:99
Хјустон-Мемфис 95:93
Милвоки-Детроит 78:89
Минесота-Денвер 100:113
Голден Стејт-Чикаго 101:90. крај/нба/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ѓоковиќ: Горан е член на семејството, пријател
Ден по веста дека Новак Ѓоковиќ и Горан Иванишевиќ ја прекинаа соработката, српскиот тенисер тренираше во Белград, во Кошутњак со Ненад Зимоњиќ.
Хрватските медиуми во Белград, се обидоа да добијат дополнителни одговори, зошто тенисерот и тренерот ја прекинаа соработката.
Ѓоковиќ се подготвува за Мастерсот во Монте Карло.
Српскиот ас не сакаше да дава дополнителни коментари на актуелната тема, но љубезно им се заблагодари на сплитските новинари.
„Сега не можам ништо да коментирам, извинете што нема да ви го дадам тоа што го барате, но ви благодарам што дојдовте. Добредојдени сте да останете овде, но јас и Горан ја завршивме нашата соработка. Ја видовте објавата, така што…“, рече Ѓоковиќ и додаде.
„Горан е член на семејството, пријател засекогаш и така ќе биде. Професионално едноставно се разделивме, направивме историски резултат – најтрофејниот играч и тренер досега, па мислам дека се е кажано во тоа смисла“.
Спорт
Интер сериозно заинтересиран за голманот на Бразил
Бразилскиот голман Бенто (24), максимално ја искористи шансата која му се укажа по повредите на Алисон Бекер и Едерсон.
Бенто го бранеше голот на Бразил на неодамнешните пријателски натпревари против Англија (1:0) и Шпанија (3:3).
Она што го демонстрираше на „Вембли“ и „Сантијаго Бернабеу“ не мина незабележано, иако од претходно е на радарот на европските клубови. Наводно интерес за Бенто покажуваат Интер, Челзи, Нотингем Форест.
Бразилските медиуми пишуваат дека Атлетико Параненсе за него ќе бара отштета од 20.000.000 евра, а италијанските медиуми пренесуваат дека најблиску до него е Интер. Во клубот сметаат дека добро е Јан Сомер да добие силна конкуренција, а исто така Бразилецот би бич залог за иднината бидејќи има само 24 години.
Спорт
Јувентус најде тренер за следната сезона
Болоња е хитот на сезоната во Серија А. Тимот кој од клупата го предводи Тиаго Мота се бори за место во Лигата на шампионите. Она што е извесно е дека Мота на крајот од сезоната ќе ја напушти Болоња.
Медиумите на Апенинскиот полуостров го поврзуваа со Милан, но тоа нема да се случи. Поранешниот фудбалер на Интер, во овој момент е најблиску до клупата на Јувентус.
Мота ќе го наследи Масимилијано Алегри од чија работа во клубот од Торино не се задоволни.
До пред два месеци Јувентус се тркаше со Интер за шампионската титула, но откако на последните осум натпревари „старата дама“ забележа една победа, тимот на Алегри сега се бори за второот место со Милан.
Наводно, челниците на Јувентус и Алегри спогодбено ќе го раскинат неговиот договор кој важи до јуни 2025 година. За да се реализираа ова работа, двете страни треба само да ја договорат оштетата која ќе му биде исплатена на тренерот.