Спорт
Ливерпул oдвај ја мина Спарта
Најдраматичните мечеви во Европа лигата во четвртокот ги одиграа островските клубови, во кои Ливерпул среќно ја мина прашка Спарта а глазговски Ренџер во последните секунди го елиминираше лисабонски Спортинг
Кени Далглиш кој имаше релативно позитивен но и незгоден резултат од првиот меч во Прага (0:0) изведе на теренот значително ослабен Ливерпул без капитенот Стивен Џерард и двете јануарски засилувања Луси Суарез и Енди Карол, кој не се покажа уверлив против цврстата Спарта. Малку недостигаше и овој меч да заврши со идентичен резултат без голови, но Дирк Кајт беше снаодлив во 86. минута, откако корнер изведе Раул Меирелес.Ренџерс избори место во осминафиналето откако во третата минута од судиското продолжение изедначија на 2:2, преку Еду. Ова беше многу интересен натпревар полн со пресврти. По глазговските 1:1 во Лисабон прво Диуф во 20. минута ги доведе во водство гостите, а домашните изедначија преку Мендес во 42. минута. Спортинг дојде во водство во поведоа гостите преку Џало во 83. минута а десет минути подоцна неколку мига пред последниот свиреж на судијата дојде студениот туш за домашните навивачи. Инаку во дербито на вечерта Виљареал го совлада Наполи со 2:1, иако италијанскиот претставник поведе со голот на Хамшик во 17. минута. Меѓутоа „жолтата подморница“ уште во првото полувреме преку Нилмар во 42 Роси во 45. минута направи пресврт. Во второто полувреме фудбалерите на Наполи двапати ја погодија пречката, но не успеаја да го свртат резултатот во своја полза. Во осминафиналето на најмасовното клупско првенство во Европа се пласираа три руски клуба. Зенит во реваншот надомести еден гол заостанување од првиот меч притв швајцарски Јанг бојс и во Санкт Петербург победи со 3:1. Московски Спартак по гостинската победа од 3:2 во минатиот меч во Швајцарија, така што на домашен терен против Базел се задоволи со 1:1. ЦСКА во вторникот се пласираше во двомечот против грчки ПАОК: Русија лесно можеше да има и четврт претставник, но Рубин од Казан беше елиминиран од холандски Твенте. Рубин на минус 15 Целзиусови степени во првиот меч загуби дома со 0:2, што веќе до 24 . минута ги имаше надоместено кај Твенте со головите на Ансалд во 22. и Нобоа во 24. минута. Сепак во судиското дополнување од првиот дел нмали Јансен а во 47. минута конечните 2:2 ги постави Даглас. Брага против Лех го надомести поразот од 0:1 и на свој терен победи со 2:0. Пари сен жермен во првиот меч против белорускиот БАТЕ Борисов одигра 2:2, па му беше доволно и 0:0 дома за пласман во осминафиналето. Манчестер сити сосема рутински го одработи двомечот со грчки Арис. На првиот меч беше 0:0 а во четвртокот навечер на градскиот стадион во Манчестер домашните беа убедливи со 3:0.Високите обеди на Динамо Киев за кого настапи Попов и за Ајакс во првите мечеви на гости (Динамо 4:1 во Турција и Ајакс 3:0 во Белгија) беа потврдени на домашен терен. Динамо го совлада Бешикаш со 4:0 а Ајакс – Андерлехт со 2:0.Така двојките за осминафиналето во Европа лига се: Бенфика – ПАри сен жермен, Динамо Киев – Манчестер сити, Твенте – Зенит, ЦСК Москва – Порто, ПСВ Ајндховен – Ренџер, Баер – Вљареал, Ајакс – Спартак Москва и Ливерпул – Брага.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Рома преговара околу трансферот на Киеза
Тренерот на Рома, Даниеле Де Роси, кој го продолжи договорот со клубот, е голем фан на фудбалерот на Јувентус, Федерико Киеза. Де Роси не кри дека би сакал да го има во својот тим крилниот напаѓач.
Де Роси работеше со него додека му беше асистент на Роберто Манчини во италијанската репрезентација.
Договорот на Киеза со Јувентус истекува во јуни 2025 година, што значи дека ова лето влегува во последната година од истиот.
Тоа значи дека ова лето е веројатно последна шанса клубот да заработи нешто од неговата продажба.
Свесни за ова, челниците на Рома веќе закажале состанок со неговиот менаџер Фали Рамадани.
Покрај Рома, интерес за Киеза покажува и Њукасл.
Спорт
Манчестер сити подготвува мега трансфер, мета е играч на Баерн
Манчестер сити, во летниот преоден рок ќе се обиде да го нагажира Џамал Мусиала (21), тврди „Гардијан“. Информацијата е пласирана во јавноста откако Реал Мадрид во четвртфиналето на Лигата на шампионите го исфрли тимот на Пеп Гвардиола, кој нема да може да ја одбрани титулата европски првак од минатата година.
Гвардиола сака дополнителни опции во редот за врска, а главна цел е еден од најголемите таленти во светот. Пред да пристигне во Баерн во 2019 година, Мусиала играше за германски СГ Барокштад Фулда-Ленерц, а потоа и за Саутемптон и Челзи во Англија.
За првиот тим дебитираше во 2020 година и досега има одиграно 161 натпревар, има постигнато 43 гола со 30 асистенции. Досега со Баерн осови 10 трофеи. Иако е роден во Штутгарт, има германско и англиско државјанство. Избра да игра за Германија, во чиј дрес досега одигра 27 натпревари и постигна два гола.
„Трансфермаркт“, веб-страницата која се занимава со проценка на вредноста на фудбалерите, наведува дека Мусиала вреди 110 милиони евра, што го прави еден од најскапите во светот, веднаш зад Фил Фоден и Букаја Сака (130 милиони евра), Винисиус Жуниор (150), Килијан Мбапе, Ерлинг Халанд и Џуд Белингем (180).
Сепак, Баерн нема намера да го пушти Мусијала, кој има договор до летото 2026 година.
За потсетување, најскап играч на Манчестер сити е Џек Грилиш, кој во 2021 година пристигна од Астон Вила за 117,5 милиони евра. Богатите арапски сопственици на Сити веројатно би морале да го соборат тој рекорд за Мусиала.
Спорт
Озил: Барселона е виновна што ел класико повеќе не е најголемиот натпревар во светот
Месут Озил, поранешен фудбалер на Реал, во интервју за „Марка“, го коментираше ривалството помеѓу Реал и Барселона.
„Кога играв во Реал, Ел Класико беше најважниот натпревар на светот. За наша жал, игравме против најдобрата Барселона во историјата. Сега вниманието на гледачите е повеќе насочено кон натпреварите како Ливерпул – Сити или други дерби натпревари во Премиер лигата. Ел Класико не предизвикува толкаво внимание, за тоа виновен Реал, туку Барселона, која е во пад“, вели поранешниот германски репрезентативец.
Тој смета дека неговиот поранешен клуб Реал е најблиску до освојување на Лигата на шампионите.
„Натпреварот против Сити беше фантастичен. Англичаните доминираа речиси во текот на целиот натпревар, но Реал играше интелигентно и се бранеше брилијантно. Извикав „Хала Мадрид“, по последниот пенал. Верувам дека Реал ќе ја освои Лигата на шампионите”.
Европско првенство?
„Англија и Франција имаат неверојатни екипи. Не само првите 11, туку и ширината на нивниот ростер е неверојатна. Сепак, на вакви турнири треба да имате и малку среќа. Мислам дека Шпанија, Португалија или Германија исто така би можеле да стигнат до финалето”.
Озил кариерата ја започна во Шалке, од кој по две години замина во Вердер. За Реал играше од 2010 до 2013 година, а потоа мина осум години во Арсенал. Кариерата ја заврши во Турција каде прво настапуваше за Фенербахче, а потоа и за Истанбул Башакшехир.