Македонскиот репрезентативец Езгијан Алиоски, по завршувањето на сезоната, ќе го напушти Лидс јунајтед. Алиоски е во Лидс од 2017 година, а неговиот договор важи до 30.јуни 2021 година.

Англиските медиуми пишуваат дека Алиоски би сакал да остане во Лидс, дека му се допаѓа атмосферата во тимот и начинот на кој со тимот работи тренерот Марсело Бијелса, но не бил задоволен од новиот договор што му го понудиле клупските челници.

Поради тоа тој веќе му кажал на менаџерот да му бара нов клуб. Најверојатно, од наредната сезона, Алиоски ќе го носи дресот на Галатасарај.

Алиоски, сезонава, настапил на 23 натпревари во Премиер лигата, постигнал два гола.

Тренерот на Лајпциг, Јулијан Нагелсман, наводно бил заинтересиран да застане на кормилото на Тотенхем, доколку Спарс му врачат отказ на Жозе Мурињо.

„Билд“, тврди, дека Нагелсман, не би го Тотенхем, доколку претседателот Даниел Леви излезе со конкретна понуда.

Од друга страна во Лајпциг се веруваат дека Нагелсман ќе остане кај нив.

„Кога добро работите, тогаш сите се заинтересирани за вас. Јулијан се чувствува добро кај нас, има се што му треба. Тимот се развива на вистински начин. Поради то не гледам зошто би сакал да направи промена во кариерата. Покрај тоа тој има цврст договор“, рекол директорот на Лајпциг, Маркус Кроше.

Нагелсман со Лајпциг, оваа сезона, се бори за титулата во Бундес лигата, на табелата имаат два бода помалку од лидерот Баерн Минхен.

Лаутаро Мартинез, потврдил дека наскоро ќе го стави својот потпис на новиот договор со Интер. Неговиот актуелен договор истекува во јуни 2023 година. Аргентинецот, минатото лето, беше пред трансфер во Барселона, меѓутоа клубот од „Ноу Камп“, немаше пари да го покрие обесштетувањето од 111 милиони евра, а Интер ја одбија можноста за Лаутаро да добијат помала сума на пари и еден или двајца фудбалери.

„Вистина е дека преговарав со Барселона и трансферот за малку ќе се реализираше. Сепак тоа не се случи, тоа го оставив зад себе. Сега воопшто не размислувам за Барселона, само Интер ми е во мислите, тоа и му го кажав на тренерот“, рекол Лаутаро за „Газета дело Спорт“ и дополнил.

„Сигурно ќе го продолжам договорот. Не знам кога тоа ќе се случи, но ќе се случи. Уште долги години се гледам себе си во Интер. Ми се допаѓа градот, тимот, храната, навивачите. Навистина уживам“.

Лаутаро во 2018 година, за 25 милиони евра, од Расинг се пресели во Интер. За Интер има одиграно 117 натпревари, на кои постигнал 45 голови, 15 од нив постигнал оваа сезона.