Американката Микалела Шифрин победи на трката во слалом, која попладнево се возеше во Јасни, Словачка. Шифрин сега има 69 победи во кариерата, 45 од нив забелжала во слалом.

Американката ги разочара домашните навивачи, бидејќи за 34 стотинки, ја победи нивната миленичка Петра Влхова.

Третото место и припадна на Венди Холендер од Швајцарија.

До крајот на сезоната ќе се взат уште три трки во слалом, две во Оре и една во Ленцерхајден.

Во пласманот за слалом Влхова води со 480 поени, 45 повеќе од Шифрин и 70 од светската првенка, Австријката Катерине Линсбергер.

Барнли и Арсенал одиграа без победник 1:љ, во 28.коло, во Премиер лигата. Головите на „Турф Мур“, беа постигнати во првото полувреме.

Дуелот започна според желбите на Арсенал, во раната фаза постигнаа гол. Обамејагн, изведе соло-акција во шестата минута и го совладаа Поуп. Тимот на Микел Артета доминираше во првиот дел, а откако не ја дуплираа предноста, Џака им подари гол на противниците.

Арсенал напаѓаа и во вториот дел, а во последните пет минути извршија опсада кон голот на Барнли. Во 84.минута добија пенал, кој беше поништен од ВАР собата. Во таа кација „тобџиите“ ја погодија гредата.

Последната шанса ја имаа во 93.минута кога ударот на Себаљос заврши во дирекот.



Актуелниот шампион во „кралската класа“, Џоан Мир и неговиот колега Алекс Ринс, го открија новиот дизајн на Сузуки за претстојната сезона.

Сузуки, последни го покажаа својот адут за сезоната 2021. Моторот, со кој Мир ќе се обиде да ја одбрани титулата ја носи ознаката „GSX-RR“.

Сузуки во новата сезона влегува со новиот спонзор Монстер Енерџи.

Возачите на Сузуки во новата сезона ќе имаат тешка задача да ги повторат резултатите од 2020 година, кога Мир ја освои титулата, а Ринс заврши на третото место во генералниот пласман.

Новата сезона во Мото ГП шампионатот ќе започне на 28.март, со трката за Големата награда на Катар.