Глазгов Ренџерс под водство на Стивен Џерард ја освоија титулата од Шкотската Премиер лига, нивна рекордна 55-та домашна титула, откако вечните ривали Селтик одиграа само 0:0 со Данди јунајтед, давајќи има на „кралско сините“ недостижна предност од 20 поени по 38 одиграни кола.

Во периодот од тие 10 години, Ренџерс еднаш банкротираше, но успеа да се врати на врвот на шкотскиот фудбал под водство на Џерард на клупата, додека Селтик одеа на рекордна 10-та титула во низа во сезона во која го сменија и долгогодишниот менаџер Нил Ленон. По банкротирањето Ренџерс беше пратен во третата дивизија и следните пет сезони не играше во елитата.

Овој успех на Џерард исто така ќе ги зголеми шпекулациите дека тој е природен наследник на Јирген Клоп на клупата на клубот каде што беше капитен, Ливерпул.

Фановите на Ренџерс уште вчера се собраа пред „Ајброкс“ за да ја прослават титулата, а и фудбалерите имаа фантастично славје во соблекувалната. За време на денешниот меч на Селтик, навивачите на Ренџерс платија авион да го надлета стадионот со порака: „Не гледате ли сега, број 55“.

This was the banner flown over Tannadice earlier.

If Celtic don’t beat Dundee Utd, Rangers will be confirmed as champions today pic.twitter.com/MMmIyIdQLh

— PA Dugout (@PAdugout) March 7, 2021

Absolutely brilliant! 🇬🇧 pic.twitter.com/bOzrrFIosK

— Chris Hughes (@Hughesy80C) March 6, 2021

Steven Gerrard in his car

Oh my god #RangersFC

What a view

OH MY HEART ❤️ pic.twitter.com/Ys9A0OVwH3

— SCARFACE (@LFC_LION) March 6, 2021

Словачката скијачка атракција Петра Влхова стигна до драматична победа на домашен снег во Јасна, победувајќи на велеслаломот пред новозеландската атракција Алис Робинсон и својата вечна ривалка, Американката Михаела Шифрин, која ја бркаше 70-тата победа во кариерата.

Ова беше прва победа на Влхова оваа сезона и 19-та во кариерата, но доаѓа во вистинско време – таа сега има 1.220 поени во генерален пласман, само 36 помалку од лидерката во генерален пласман, Лара Гут-Бехрами и со надеж дека на следните два слаломи во Оре ќе може да ја помине Швајцарката.

Сепак, најрадосна беше четвртопласираната на трката, Италијанката Марта Басино, која со овој пласман го обезбеди малиот кристален глобус во велеслалом, прв во нејзината кариера. Басино имаше четири велесласломски победи оваа сезона, за да собере вкупно 510 поени, со што второпласираната Французинка Теса Ворлеј не може да ја стигне (има 362 поени), со само последниот велеслалом од сезоната на финалето во Ленцерхајде.

Денеска за Барселона може да е клучен ден, откако членовите на славниот каталонски клуб излегоа на избирачките места да го дадат гласот за следниот претседател на клубот. Фаворит, секако, е поранешниот претседател Жоан Лапорта, а противкандидати му се Тони Фреича и Виктор Фонт.

Покрај членовите на клубот, право на глас имаат и фудбалерите на клубот, така што капитенот Лионел Меси го искористи правото и излезе на гласање заедно со својот тим.

За кого гласаше и со кого има поголеми шанси да остане во клубот, останува да се види.

🔥 The captain of the first team, Leo Messi, exercises his right to vote at the Camp Nou 🔥 pic.twitter.com/oiPVRcQHtl

— FC Barcelona (@FCBarcelona) March 7, 2021