ЦИЕС Фудбалската опсерваторија, организација што врши фудбалски анализи и дава интересни ранг-листи, ја објави листата на најветувачките млади фудбалери, односно оние што се родени во 2000.

Овој пат рејтингот е направен според клучното искуство во домашните лиги, како и учеството на младите фудбалери во глобалните натпреварувања.

Прв на листата е англиската ѕвезда на Борусија Дортмунд, Џејдон Санчо, пред уште двајца фудбалери што играат во Бундеслигата, Канаѓанецот Алфонсо Дејвис во Баерн Минхен и соиграчот на Санчо во Борусија, Норвежанецот Џејдон Санчо.

На табелата на фудбалери родени во 2001 година на врвот се двајца англиски фудбалери – Букајо Сака (Арсенал) и Мејсон Гринвуд (Манчестер јунајтед), а врвот за фудбалерите родени во 2002 го има Педри Гонзалез од Барселона пред Леонидас Стергиу од Санкт Гален. За родените по 2003 година, прв на листата е уште еден фудбалер на Борусија Дортмунд, Англичанецот Џуд Белингам.

ТОП-20 НАЈВЕТУВАЧКИ МЛАДИ ФУДБАЛЕРИ

1. Џејдон Санчо (Борусија Дортмунд)

2. Алфонсо Дејвис (Баерн Минхен)

3. Ерлинг Халанд (Борусија Дортмунд)

4. Свен Ботман (Лил)

5. Винисиус Жуниор (Реал Мадрид)

6. Педро Нето (Вулверхемптон)

7. Фил Фоден (Манчестер сити)

8. Феран Торес (Манчестер сити)

9. Дејан Кулушевски (Јувентус)

10 .Џонатан Дејвид (Лил)

11. Сержињо Дест (Барселона)

12. Макс Аронс (Норич)

13. Илан Меслие (Лидс)

14. Максенс Лакроа (Волфсбург)

15. Весли Фофана (Лестер)

16. Себастијан Валукевич (Каљари)

17. Орелиен Чуамени (Монако)

18. Абнер Винисиус (Параненсе)

19. Сандро Тонали (Милан)

20. Моисе Кин (Пари Сен-Жермен)

Issue number 3⃣2⃣8⃣ of the @CIES_Football Weekly Post presents the most promising youngsters worldwide 🌏 @Sanchooo10 🏴󠁧󠁢󠁥󠁮󠁧󠁿 leads the table for players born in 2000 ahead of @AlphonsoDavies 🇨🇦 & @ErlingHaaland 🇳🇴 💪 Full tables ➡️ https://t.co/1ujiaQ7K3b pic.twitter.com/VekTT4K8id

— CIES Football Obs (@CIES_Football) March 8, 2021

Колумбиската поп-дива Шакира беше цел на навивачите на Пари Сен-Жермен пред реваншот од осмина-финалето на Лигата на шампионите против Барселона, каде што игра нејзиниот сопруг Жерард Пике.

Ултрасите на ПСЖ се пофалија со неколку фотографии од подготовките за мечот (на кој нема да може да присуствуваат), и покрај навредите за Барселона, на еден банер пишуваше: Shakira a la Jonquera во гратчето Жонкера на границата помеѓу Шпанија и Франција, познато по проституцијата.

И тоа пред 8 Март, Денот на жената.

-Paris ville lumière, faites briller nos couleurs
-Barcelona no bienvenido
-Shakira à la jonquera
-L’Europe à genoux, tout Paris debout

07/03/2021#psgbarça #putabarca pic.twitter.com/zS6a17Yi1J

— Paname-ReBirth (@PanameReBirth) March 7, 2021

Пред точно половина век, на 8 март 1971 година, во „Медисон сквер гарден“ во Њујорк се одржа боксерскиот меч што ќе остане запаметен како меч на столетието, пресметката на двајца боксери во тешка категорија, кои немаа пораз и кои беа на спротивните страни во поделените САД за време на војната на Виетнам и владеењето на Ричард Никсон.

Мухамед Али (31-0) против Џо Фрејзер (26-0) во време кога боксот привлекуваше повеќе внимание од американскиот фудбал и кошарката во Америка.

Од едната страна беше ѕвездата Мухамед Али. Освои златен медал на Олимпијадата во Рим во 1960, го смени името од Касиус Клеј, го победи Сони Листон двапати, а потоа влезе во конфликт со американската држава кога во 1967 година го регрутираа за војната во Виетнам и тој одби со зборовите: „Немам караница со Виет Конг“. Тој, дефинитивно, беше бунтовникот.

Од другата страна беше Фрејзер, 12-тото дете на фармер од Јужна Каролина, работејќи на плантажа, каде што пред стотина години работеа робовите, пред да избега во Филаделфија, градот полн со боксерски сали за вежбање. Тој беше оригиналниот Роки – работеше во месарници, удираше месо и трчаше по скалите, нешто што Силверстер Сталоне ќе го прикаже на филм. И покрај своето потекло, тој беше прикажуван како дел од естаблишментот поради неговите врски со боксерските менаџери.

Во рингот беше пеколно! И тоа во 15 рунди. Мечот не е класика без причина, а особено последната 15-та рунда, во која Фрејзер го прати Али на подот и иако стана по три секунди, мечот беше готов.

Ова беше само почеток на лутото ривалство меѓу двата боксера за што има снимено и документарни филмови и за тоа како Фрејзер никогаш не му простил на Али. Во 1974 година се одржа суперборбата два, а во 1975 година трилерот во Манила, два меча што ги доби Али.