Спорт
Избрани репрезентативците во карате за ЕП во Швајцарија
Во неделата во Скопје се одржа изборниот турнир организиран од страна на Карате федерацијата на Македонија, за избор на репрезентативци кој ќе ја преставуваат државата на престојното Европско првенство кое треба да се одржи во Цирх, Швајцарија од 6 до 8 мај годинава
Првенството изобилуваше со многу квалитетни борби, беше демонстрирано врвно и модерно карате но мора да се каже дека искусните репрезентативци не дозволија да има некое поголемо изненадување и уште еднаш ја покажаа својата голема форма и доминација над останатите спортисти.Кај жените во дисциплината борби најдобро се престави нашата најдобра каратистка на сите времиња и спортистка на Македонија за 2009/10 г. Наташа Илиевска, таа делуваше како вистинска шампионка и професионална спортистка, едноставно нејзините напади секогаш како по некое правило завршуваа во противниците и се ефектуираа со поени, таа сите свој конкурентки ги порази со максимален број на поени и извојува четири победи и постави уште еден рекорд имено таа освои 28 поени а при тоа не загуби ни еден поен.Кај мажите во категоријата + 84 кг, секако дека најдобро се престави нашиот моментално најдобар каратист Жарко Арсовски, тој исто така не дозволи да има некое изненадување, во финалната борба повторно го порази веќе по втор пат за само еден месец, извонредниот каратист од редовите на Металурзите Мартин Несторовски и уште еднаш покажа дека во моментов е неприкосновен и најдобро подготвен спортист.Најнеизвесен натпревар беше во категоријата на – 84 кг, во која се сретнаа Огнен Груевски и Сашко Арсовски двајца медалисти и спортисти од Светска категорија на македонскиот спорт, по изедначена борба сепак судиите победата му ја доделија на поискусниот Сашко Арсовски од Штип.Најголемо изненадување, пак, направи Богдан Мицов од Макпетрол тој сите свој конкуренти, пет најдобри каратисти во таа категорија ги порази и успеа да влезе во репрезентацијата.Во останатите категории немаше некое поголемо изненадување односно се си остана онака како што беше и на неодамна одржаното државно првенство, државните шампиони повторно победија и го потврдија своето учество за Европското првенство во Швајцарија.Во Швајцарија ќе не преставуваат: Ико Ташев во -60 кг(Металург).Дејан Ристевски во -67 кг (Металург), Богдан Мицов во -75 кг( Макпетрол), Сашко и Жарко Арсовски во -84 односно +84 кг.од (Штип и Макпетрол)Кај жените Мери Ефремова во -50 кг (Македонка), Наташа Илиевска -55 кг.Наташа Стефановска -61кг, Моника Стефановска-67 кг(сите од Макпетрол) и Дренуше Мерко во + 67 кг.од (Струга)Во дисциплината кати Марко Секуловски (Металург) кај мажите а Верица Трајковска (Ронин) во женска конкуренција се најуспешни.Во ката тимовите повторно Металурзите се најдобри кај мажите додека кај жените тоа е екипата на Ронин од Прилеп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА го суспендира Емилијано Мартинез
Голманот на Астон Вила, Емилијано Мартинез, поради суспензија ќе го пропушти првиот полуфинален натпревар од Конференциската лига против Олимпијакос, потврди Европската фудбалска унија (УЕФА).
Мартинез, во четвртокот, во реваншот од четвртфиналето против Лил доби жолт картон во 39. минута, а втор жолт картон при изведувањето на пенали поради неспортско однесување кон домашните навивачи.
Аргентинскиот голман не беше исклучен, бидејќи жолтите картони во текот на натпреварот не важат во пенал серијата.
Сепак светскиот првак со Аргентина доби суспензија. УЕФА го казни Мартинез бидејќи во пенал-серијата константно ја провоцираше домашната публика.
Астон Вила по изведувањето пенали го победи Лил со 4:3, а Мартинез одбрани два пенали, во првата и петтата серија им одбрани на Бенталеб и Андре.
Првиот натпревар од полуфиналето на Конференциската лига меѓу Астон Вила и Олимпијакос ќе се одигра на 2 мај во Бирмингем, а реваншот седум дена подоцна во Грција.
Спорт
Барселона сака да го врати Олмо
Дани Олмо, веројатно ќе го напушти Лајпциг во летниот преоден рок. Шпанскиот репрезентативец има откупна клаузула од 60.000.000 евра, сума која за богатите клубови не претставува никаков проблем.
Меѓу заинтересираните екипи се Манчестер јунајтед, Баерн и Барселона, од чија младинска школа потекнува Олмо.
Шпанецот оваа сезона одигра 22 натпревари за Лајпциг, постигна осум гола и забележа пет асистенции.
Како јуниор од Барселона премина во Динамо Загреб, како дел од трансферот на Ален Халиловиќ, а потоа за 29 милиони евра се пресели во Лајпциг.
Спорт
Ферстапен на пол-позицијата во Кина, Хамилтон ќе стартува од 18.место
Макс Ферстапен по победата во спринтот, доминираше и во квалификациите во пресрет на трката за Големата награда на Кина. Апсолутната доминација на Ред Бул ја потврди Серхио Перез кој трката ќе ја стартува од второто место.
Актуелниот светски првак со време 1:33.660 ја освои 37 пол-позиција во кариерата, а на Ред Бул му ја донесе јубилејната 100. победа во квалификациите.
Зад возачите на Ред Бул, од вториот ред трката ќе ја започнат Фернандо Алонсо (Астон Мартин и Ландо Норис (Мекларен).
Во Топ 10 место изборија Оскар Пјастри (Мекларен), двоецот од Ферари, Шарл Леклер и Карлос Саинц, односно Џорџ Расел (Мерцедес), Нико Хулкенберг (Хас) и Валтери Ботас (Заубер).
Во квалификациите потфрли Луис Хамилтон. Седумкратниот светски првак, откако спринт трката ја заврши на второто место, во квалификациите заврши на 18.место.
Траката за Големата награда на Кина, утре ќе започне во 9 часот по македонско време.