Пјеро Ферари, синот на Енцо Ферари и потпретседател на компанијата која го носи нивното презиме, го нападна Формула 1 шампионатот за трошење на милиони долари на развој на технологија, која потоа останува тајна.

Ферари вели дека многу од технологијата која се развива во Ф1 не се користи често на патеката.

„Неодамна зборував за тоа со Берни Еклстоун, со кого честопати се слушам на телефон. Формула 1 мора да биде спорт кој враќа на компаниите за шоуто кое ги забавува ентузијастите за спортот. Имаме многу брзи болиди со многу напредната технологија, но никој не знае за тоа. Секако, бидејќи многу од идеите се покриени со патенти. Трошиме страшни суми пари и потоа тоа останува тајна. Која е поентата на тоа? Исто така, сега во време на пандемија можеме да следиме Ф1 само на телевизија и иако ги имаме најбрзите болиди на светот, тоа што го гледаме на ТВ не дава чувство како да си таму, туку нешто сосема поинаку. Болидите возат 330 км/ч, а кога ги гледате исто како да гледате Формула 2. Не сум против технолошкиот развој, но тоа мора и да се гледа“, вели Ферари.

Ветеранот на Милан, Златан Ибрахимовиќ има повреда на десниот бутен мускул и ќе пропушти четири важни натпревари на „росонерите“, вклучувајќи ја пресметката со својот поранешен клуб Манчестер јунајтед.

Ибрахимовиќ беше заменет при вчерашната 2:1 победа над Рома и прегледите покажаа дека има повреда на левиот адуктор, по што ќе паузира најмалку 10 дена, пропуштајќи ги мечевите со Јунајтед во осминафиналето на Лига Европа и дуелите од Серија А, Верона, Удинезе и можеби Наполи.

Со ова, Златан ќе може на мир да отпатува на музичкиот фестивал Санремо, каде што ќе биде посебен гостин и како што е најавено ќе пее во дует со тренерот на Болоња и негов близок пријател, Синиша Михајловиќ.

Пеп Гвардиола смета дека европските и светски шампиони Баерн Минхен се најдобриот клуб на светот и покрај тоа што неговите Манчестер сити имаат 20 победи едноподруго.

Ова го тврдеше менаџерот на Вест хем, Дејвид Мојс, по 2:1 поразот од Сити на „Етихад“ во саботата, кога Сити поставија рекордни 20 победи во низа, но Гвардиола смета дека Ливерпул, како актуелни шампион се најдобри во Европа, додека Баерн се најдобри на светот.

„Најдобар тим во Европа и во светот се Баерн Минхен, бидејќи освоија се што можеше. Тие се најдобри. Во Англија, шампионите се Ливерпул бидејќи се најдобри. Ако сакате да ја земета таа круна, тогаш треба да ја освоите. Во март никој не е шампион. Мора да играме добро, но и да признаеме дека последните неколку месеци беа одлични за нас“, вели Гвардиола.

Баерн во моментов се носители на шест титули – Бундеслига, Лига на шампиони, Светско клупско првенство, УЕФА Суперкуп, ДФБ куп и Германски суперкуп. Барселона, тогаш под водство на Гвардиола, беше единствен клуб кој имаше шест титули во исто време во 2009 година (Ла Лига, Копа дел реј, Суперкопа Еспања, ЛШ, УЕФА Суперкуп и Светско клупско првенство).