Спорт
Милан шампионски, Цезар спаси катастрофа
Во големото миланско дерби со уште поголемо значење бидејќи овојпат решава за титулата, Милан сигурно го совлада вечерва индиспониранито Интер со 3:0, одлепувајќи се на врвот со пет бодови разлика
Надеждта на Интер дека ќе може да го задржи скудетото и наредната сезона почна да ги крши Алесандре Пато уште во првата минута од мечот на „Сан Сиро“. Најверојатно раното водство ги збуни играчите на „нероаѕурите“ и во конфузија ја доведе тактиката на поранешниот играч на „росонерите“ сега на клупата на противникот, бразилскиот стратег Леонардо. Во ова конфузија се вклопи и македонскиот интернациоанлец Горан Пандев кој беше стартер во 275-то миланско дерби, а беше принудно замент откако во 64. минута Романецот Кристан Киву доби директен црвен картон откако пред својот 16-ник го собори вечерва извонредно расположениот Пато. Пато е херојот на Милан, бидејќи беше стрелец и на вториот гол. А Антонио Касано од пенал во 90. минута ги постави конечните 3:0, но во судиското продолжение непромислено стартуваше и придонесе мечот официјално да заврши израмнето барем што се однесува до бројноста на теренот. Како што споменавме, Пато му ја донесе на Милан 108-та победа наспроти 95-те триумфи на Интер во долгата историја на миланското дерби со голот во 44 секунда на додавање од Џенаро Гатузо а во 62. минута беше проигран од Кларенс Сидорф. Но бразилскиот голман на Интер, Хулио Сезар за разлика од своите соиграчи беше расположен и барем на трипати успеа да спаси сигурни погодоци на противникот. Колку „нераѕурите“ беа очајни во саботата навечер доволно сведочи фактот дека еден од најдобрите реализатори во светот Камерунецот Самуел Ето, при крајот на првото полувреме од само еден метар и осамен на десната статива од небранетиот гол на Милан само ја прати топката во гол-аут. Во второто полуврме, пак, Интер не успеа да создаде ни полушанса, препуштајќи ја домаинацијата на противникот.Сега Милан има пет бодови предност пред Интер, кој може да го падне на третото место доколку Наполи кој е зад него еден бод во недела го совалда Лацио. Претходно, во првиот меч од 31-то коло во Серија А, Бреша со 3:1 ја совлада Болоња. Домашните поведоа преку Перперим Хетемај во 3. и Давиде Заболи во 9. минута, во меѓувреме во 30. минута намали Марко ди Ваио,а конечниот резултат го постави Андреа Кадачоло во 65. минутаБреша е 17-та со 29 бодови и е уште во опасната зона, додека Болоња останува на 10-то место со 40 бодови. Во недела колото продолжува со мечевите Наполи – Лацио, Катанија – Палермо, Чезена – Фиорентина, Киево – Сампдорија, Џенова – Каљари, Лече – Удинезе, Парма – Бари и Рома – Јувентус. Рома на домашен терен, во дуел на екипи кои разочараа оваа сезона, ќе го пречека Јувентус. Рома сѐ уште има надеж дека може да стигне до четвртото место, додека Јувентус најпрвин ќе ја брани позицијата која му гарантира излез во Лига Европа. Жестоко во недела се очекува да биде и на сицилијанското дерби, каде силите ќе ги одмерат Катанија и Палермо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Фенер во Монако и на Олимпијакос во Барселона
Кошаркарите на Фенербахче и Олимпијакос славеа како гости бво Монако и Барселона, во првите плеј-оф натпревари во Евролигата.
Фенербахче, во малото кнежевство славеше по дополнителните пет минути со 95:91. Во регуларниот дел натпреварот заврши 81:81. Победата на Фенер ја засени повредата на Скоти Вилбекин, кој веројатно нема да биде подготвен за вториот натпревар.
Во победничкиот тим најефикасен беше Најџел Хејс-Дејвис со 19 поени, Ник Калатес додаде 17, а Нејтан Сестина 16 поени.
Во редовите на Монако Ели Окобо имаше 19, а Џордан Лојд и Мајк Џејмс постигнаа по 16.
Следниот натпревар се игра на истото место во петок на 26 април од 19 часот.
Олимпијакос во „Палау Блауграна“, го контролираше натпреварот од првата до последната секунда и заслужено ја победи Барселона со 77:75. Имаше Олимпијакос 13 поени предност во третиот период, Барселона се врати во мечот со серија 8:0. До крајот на натпреварот играчите на грчкиот тим ги одбија сите напади на Барселона.
Црвено-белите до брејк стигнаа со 15 поени на Најџел Вилијамс-Гос, 14 на Ајзеа Кенан, додека Петрушев имаше 12 со пет скока, а Мустафа Фал 11 поени.
Во тимот на Барселона Вили Ернангомез и Џабари Паркер постигнаа по 13 поени, Алекс Абриаес 11, а Рики Рубио 10 поени.
Вториот меч на програмата е во петок во Барселона.
Спорт
(Видео) Аталанта ќе се бори за трофејот во Купот на Италија
Аталанта вечерва избори пласман во финалето, во Кушот на Италија. Во реваншот, талнат ја победи Фиорентина со 4:1.
Предноста со која Фиорентина допатува во Бергамо ја анулира Копмајнерс во осмата минута.
Фиорентина остана со фудбалер помалку во 53.минута, кога Миленковиќ како последен човек во одбраната направи фаул врс Скамака.
И со играч помалку Фиорентина успеа да изедначи преку Мартинез Кватра во 68.минута. Работите во вкупниот резултат ги врати Скамака со евро-гол во 75.минута.
Драмата кулминираше во самиот финиш Лукман погоди во 95. за 3.1, а три минути подоцна точка на натпреварот стави Пашалиќ.
Фиорентина сигурно ќе има жестоки поплаки за судењето на Ла Пења. Впечаток е дека Фиорентина не доби пенал при водство на Аталанта 1:0, а исто така спорен е почетокот на акцијата при третиот гол, кога Бираги беше фаулиран, а и спорна е позицијата на стрелецот на голот Лукман.
Таму ги чека Јувентус кој претходно го победи Лацио.
Финалето е закажано за 15 мај.
Спорт
(Видео) Евертон ги згасна шампионските сништа на Ливерпул
Шампионските сништа на Ливерпул во „Мерсисајд“ дербито ги згасна Евертон. „Карамелите“, вечерва славеа со 2:0 и прв пат по 14 години славеа како домаќини над градскиот ривал.
Корнерите му пресудија на Ливерпул на „Гудисон парк“. Најпрвин реализираше Брејтвајт во 27., а точка на мечот стави Калверт-Лувин во 58.минута.
Ливерпул остана втор на табелата со три бода помалку од Арсенал, трет е Манчестер сити со четири бода и два натпревари помалку.
Евертон, со сите проблеми што ги има сезонава (одземањето на бодови), се чини дека со овој триумф го обезбеди опстанокот во лигата.
На „Олд Трафорд“, нова мачна партија на Манчестер јунајтед. Тимот на Тен Хаг губеше до 61.минута од најслабиот тим во Премиер лигата. На крајот „црвените ѓавли“ славеа со 4:2.
Шефилд поведе во 35. минута преку Богл, а Мегваер израмни во 42. Гостите го вратија водството во 50. минута, кога Чилеанецот Бреретон-Дијаз го совлада Онана. Бруно Фернандеш од пенал во 61. минута изедначи на 2:2.
Во финишот дојде до израз напаѓачкиот квалитет на Јунајтед, па домашните славеа со головите на Бруно Фернандеш во 81. минута и Хојлунд во 85. минута.
Кристал Палас е во одлична форма под водство на новиот менаџер Оливер Глезнер, а по Ливерпул и Вест Хем неговата сила ја почувствува и Њукасл. Двоен стрелец беше Матета во 55. и 88. минута.
Во Вулверхемптон, Бурнемаут со голот на Семења во 37. минута победи со 1:0.