Спорт
Денвер со шеста победа во серија
Кошаркарите на Денвер ја постигнаа и шестата последователна победа, но и многу вредна бидејки победија во Стејплс Центарот против Лејкерси со 95:90.
Кошаркарите на Денвер ја постигнаа и шестата последователна победа, но и многу вредна бидејки победија во Стејплс Центарот против Лејкерси со 95:90.Во пресрет на последната четвртина екипите беа израмнети (69:69) но во финишот Нагетс ја задржаа концентрацијата и ги совладаа Езерџиите со 5 поени разлика. Најдобри во Денвер беа Данило Галинари (22 п. 7 ск.), Кевин Мартин (18 п. 8 ск.) и Рајмон Фелтон (16 п. 5 ск.). Во екипата на Лејкерси најефикасни беа Коби Брајант (28 п.), Ламар Одом (17 п. 7 ск.), По Гасол (16 п. 12 ск.), а Андре Бунум имаше 16 скокови, најмногу на овој меч.Останати средби:Сан Антонио – Феникс 114:97 (Грент Хил 29 п., Мат Бонер 16 п. 11 ск. / Џаред Дадли 12 п. 10 ск.)Шарлот – Вашингтон 91:97 (Мат Керол 26 п. Ди Џеј Аугустин 21 п. / Андреј Блач 25 п. 17 ск. Џордан Крофорд 23 п. 5 ск.)Бостон – Детроит 101:90 (Кевин Гарнет 23 п. 8 ск. Пол Пирс 22 п. 6 ск. / Вил Бунум 20 п.)Њу Џерси – Мајами 94:108 (Дерон Вилијамс 18 п. 12 ас. Тревис Аутлоу 17 п. 9 ск. / Леброн Џејмс 31 п. 11 ск 7 ас. Ерик Дампие 10 п. 14 ск.)Њујорк – Кливленд 123:107 (Амар Стадемаер 28 п. 7 ск. Кармело Ентони 25 п. 5 ск. Чонси Билапс 23 п. 7 ас. / Џеј Џеј Хиксон 23 п. 8 ск. Бајрон Дејвис 22 п. 6 ас.)Сакраменто – Јута 106:97 (Тајрек Еванс 24 п. 10 ск. Демаркус Кузинс 17 п. 9 ск. 6 ас. / Пол Милсап 21 п. 7 ск. )Торонто – Орландо 102:98 (Демар Дерозен 24 п. 5 ск. Џарид Бејлес 23 п. 8 ас. / Двајт Хауард 31 п. 9 ск. Џамир Нелсон 21 п. 7 ас.)Њу Орлеанс – Индијана 108:96 (Тревор Ариза 19 п. 9 ск. Емека Окафор 14 п. 17 ск. / Дени Гренџер 15 п.)Хјустон – Атланта 114:109 (Кевин Мартин 35 п. 5 ас. Чак Хејс 19 п. 12 ск. / Џо Џонсон 25 п. 7 ас. Џош Смит 21 п. 11 ск.)Портланд – Далас 104:96 (Џералд Волис 19 п. 8 ск. Ламаркус Алдриџ 18 п. 8 ск. / Шон Мерион 19 п. 6 ск. ) /крај/макфакс/м.н
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ферстапен на пол-позицијата во Кина, Хамилтон ќе стартува од 18.место
Макс Ферстапен по победата во спринтот, доминираше и во квалификациите во пресрет на трката за Големата награда на Кина. Апсолутната доминација на Ред Бул ја потврди Серхио Перез кој трката ќе ја стартува од второто место.
Актуелниот светски првак со време 1:33.660 ја освои 37 пол-позиција во кариерата, а на Ред Бул му ја донесе јубилејната 100. победа во квалификациите.
Зад возачите на Ред Бул, од вториот ред трката ќе ја започнат Фернандо Алонсо (Астон Мартин и Ландо Норис (Мекларен).
Во Топ 10 место изборија Оскар Пјастри (Мекларен), двоецот од Ферари, Шарл Леклер и Карлос Саинц, односно Џорџ Расел (Мерцедес), Нико Хулкенберг (Хас) и Валтери Ботас (Заубер).
Во квалификациите потфрли Луис Хамилтон. Седумкратниот светски првак, откако спринт трката ја заврши на второто место, во квалификациите заврши на 18.место.
Траката за Големата награда на Кина, утре ќе започне во 9 часот по македонско време.
Спорт
Капитенот на Реал го напушта клубот на крајот од сезоната
На капитенот на Реал, Начо Фернандез (34) му истекува договорот на крајот од сезоната. „Марка“ објави дека Начо го известил Флорентино Перез дека нема да потпише нов договор туку дека ќе го напушти клубот по истекот на постоечкиот.
Начо оваа сезона забележа 36 настапи и главно беше стартер, акумулирајќи 2497 минути на теренот. Сепак, тоа се должи на повредите на Давид Алаба, Едер Милитао и Антонио Ридигер.
Анчелоти претходно изјави дека случајот на Начо е идентичен со оној на Лука Модриќ и Тони Крос. Поточно, тој му порачал дека доколку како клупска легенда сака да потпише нов договор и да остане во Реал, може да го стори тоа. Очигледно тој решил поинаку.
Начо целата своја кариера е во Реал, со клубот освои 24 трофеи и одигра вкупно 348 натпревари, на кои постигна 16 гола, иако никогаш не беше прво име на одбраната.
Начо има 24 настапи и за шпанската репрезентација со која лани ја освои Лигата на нации. „Трансфермаркт“ неговата вредност ја проценува на пет милиони евра.
Според медиумите, Начо, кариерата ќе ја продолжи во Серија А, наводно прв фаворит за неговиот потпис е Интер.
Спорт
Пиоли ќе добие отказ, постои список со пет имиња за негов наследник
Стефано Пиоли ќе биде тренер на Милан до крајот на сезоната, по што ќе добие отказ, пишуваат италијанските медиуми. Тоа ќе биде крај на петгодишната соработка која на Милан му ја донесе првата титула во Серија А по 11 години во 2022 година. На „Сан Сиро“ веќе размислуваат кој ќе биде нов тренер, а моментално се издвојуваат пет кандидати.
Според „газета дело Спорт“, најголеми фаворити се Пауло Фонсека и Хулен Лопетеги.
Фонсека е 51-годишен Португалец кој моментално раководи со Лил, а две години работеше во Италија како тренер на Рома. Лопетеги (57) оваа сезона е без работа откако се раздели со Вулверхемптон, во минатото тој беше тренер на Реал и Севилја и селектор на Шпанија.
Како резервни опции се споменуваат Кристоф Галтиер, поранешниот тренер на ПСЖ кој сега го води катарскиот Ал-Духаил и Марсело Гаљардо, долгогодишниот тренер на Ривер Плата, кој моментално го тренира саудискиот Ал-Итихад.
Во потрагата по нов тренер се приклучи и клупскиот советник Златан Ибрахимовиќ, а „Тутоспорт“, пишува дека тој го предложил Марк ван Бомел. Ван Бомел е актуелен тренер на Антверпен, со кој беше и шампион на Белгија, а во Милан играше во сезоната 2011/12 кога му беше соиграч Ибрахимовиќ.