Спорт
Милан не го дава врвот
Во последниот неделен меч од 32-то коло до Серија А, миланезите дојода до важни бодови во Фиренца, победувајќи ја домашната Фиорентина со 2:1 и повторно се најблиску до скудетото
Головите за Милан ги постигнаа Клaренс Сидорф во 8., и Алеkсaндре Пато во 41 минута, додека за домашните намали Хуан Мануел Варгас во 79 минута. Иако „росонерите“ во текот на целиот меч имаа повеќ од играта и низа од одлуични шанси да обезбедат и поубедлива победа, глупоста на Златан Ибрахимовиќ кој на три минути пред крајот поради приговор за изведување аут беше уште еднаш опоменат и исклучен од игра, можеше да се случи домашните без своја вина во судиското дополнување да дојдат до бод. За среќа по Милан, фудбалерите на Фиорентина немаа сили да го ја искористат поголемата бројноста на теренот, па така Милан сега е повторно сам на врвот со три бода предност пред Наполи и пет пред ланскиот шампион Интер. Во неделата навечер се очекуваше многу тежок меч за Милан, освен затоа што Фиорентина претендира за што повисок пласман и по тоа што во тимот на лидерот на табелата поради повреди отсуствуваа Алесандро Неста, Андреа Пирло, Масимо Амбросини, Даниел Бонера, Марек Јанкуловски и Филипо Инзаги. Но напротив Милан тргна силно решен многу рано да дојде до предност во осмата минута по проигрувањето на Ибрахимовиќ до Пато кој му намести убава топка на Сидорф. До вториот погодок Ибрахимовиќ и Пато имаа уште неколку убави прилики, а бразилскиот тинејџер во 41 минута по акцијата на Ибрахимовиќ и Кевин-Принс Боатенг успеа да поентира. Во вториот дел Фиорентина се обиде рано да дојде до погодок кој ќе и’ овозможи да се надева дека на крајот ќе остане непоразена, но по неколку посериозни напади дури во 79 минута Варгас успеа да го погоди штотуку влезениот во игра Џенаро Гатузо и да го совлада Абиати.До крајот на сезоната остануваат уште шест кола, кои со оглед на постојаното десеткување на екипата на Милан и забревтаниот Наполи а треба да се има предвид и Интер кој не се откажува од потврдување на ланската титула, носат многу неизвесност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Фенер во Монако и на Олимпијакос во Барселона
Кошаркарите на Фенербахче и Олимпијакос славеа како гости бво Монако и Барселона, во првите плеј-оф натпревари во Евролигата.
Фенербахче, во малото кнежевство славеше по дополнителните пет минути со 95:91. Во регуларниот дел натпреварот заврши 81:81. Победата на Фенер ја засени повредата на Скоти Вилбекин, кој веројатно нема да биде подготвен за вториот натпревар.
Во победничкиот тим најефикасен беше Најџел Хејс-Дејвис со 19 поени, Ник Калатес додаде 17, а Нејтан Сестина 16 поени.
Во редовите на Монако Ели Окобо имаше 19, а Џордан Лојд и Мајк Џејмс постигнаа по 16.
Следниот натпревар се игра на истото место во петок на 26 април од 19 часот.
Олимпијакос во „Палау Блауграна“, го контролираше натпреварот од првата до последната секунда и заслужено ја победи Барселона со 77:75. Имаше Олимпијакос 13 поени предност во третиот период, Барселона се врати во мечот со серија 8:0. До крајот на натпреварот играчите на грчкиот тим ги одбија сите напади на Барселона.
Црвено-белите до брејк стигнаа со 15 поени на Најџел Вилијамс-Гос, 14 на Ајзеа Кенан, додека Петрушев имаше 12 со пет скока, а Мустафа Фал 11 поени.
Во тимот на Барселона Вили Ернангомез и Џабари Паркер постигнаа по 13 поени, Алекс Абриаес 11, а Рики Рубио 10 поени.
Вториот меч на програмата е во петок во Барселона.
Спорт
(Видео) Аталанта ќе се бори за трофејот во Купот на Италија
Аталанта вечерва избори пласман во финалето, во Кушот на Италија. Во реваншот, талнат ја победи Фиорентина со 4:1.
Предноста со која Фиорентина допатува во Бергамо ја анулира Копмајнерс во осмата минута.
Фиорентина остана со фудбалер помалку во 53.минута, кога Миленковиќ како последен човек во одбраната направи фаул врс Скамака.
И со играч помалку Фиорентина успеа да изедначи преку Мартинез Кватра во 68.минута. Работите во вкупниот резултат ги врати Скамака со евро-гол во 75.минута.
Драмата кулминираше во самиот финиш Лукман погоди во 95. за 3.1, а три минути подоцна точка на натпреварот стави Пашалиќ.
Фиорентина сигурно ќе има жестоки поплаки за судењето на Ла Пења. Впечаток е дека Фиорентина не доби пенал при водство на Аталанта 1:0, а исто така спорен е почетокот на акцијата при третиот гол, кога Бираги беше фаулиран, а и спорна е позицијата на стрелецот на голот Лукман.
Таму ги чека Јувентус кој претходно го победи Лацио.
Финалето е закажано за 15 мај.
Спорт
(Видео) Евертон ги згасна шампионските сништа на Ливерпул
Шампионските сништа на Ливерпул во „Мерсисајд“ дербито ги згасна Евертон. „Карамелите“, вечерва славеа со 2:0 и прв пат по 14 години славеа како домаќини над градскиот ривал.
Корнерите му пресудија на Ливерпул на „Гудисон парк“. Најпрвин реализираше Брејтвајт во 27., а точка на мечот стави Калверт-Лувин во 58.минута.
Ливерпул остана втор на табелата со три бода помалку од Арсенал, трет е Манчестер сити со четири бода и два натпревари помалку.
Евертон, со сите проблеми што ги има сезонава (одземањето на бодови), се чини дека со овој триумф го обезбеди опстанокот во лигата.
На „Олд Трафорд“, нова мачна партија на Манчестер јунајтед. Тимот на Тен Хаг губеше до 61.минута од најслабиот тим во Премиер лигата. На крајот „црвените ѓавли“ славеа со 4:2.
Шефилд поведе во 35. минута преку Богл, а Мегваер израмни во 42. Гостите го вратија водството во 50. минута, кога Чилеанецот Бреретон-Дијаз го совлада Онана. Бруно Фернандеш од пенал во 61. минута изедначи на 2:2.
Во финишот дојде до израз напаѓачкиот квалитет на Јунајтед, па домашните славеа со головите на Бруно Фернандеш во 81. минута и Хојлунд во 85. минута.
Кристал Палас е во одлична форма под водство на новиот менаџер Оливер Глезнер, а по Ливерпул и Вест Хем неговата сила ја почувствува и Њукасл. Двоен стрелец беше Матета во 55. и 88. минута.
Во Вулверхемптон, Бурнемаут со голот на Семења во 37. минута победи со 1:0.