Спорт
УЕФА ги отфрли жалбите на Барса и Реал
Европската фудбалска федерација (УЕФА) (УЕФА) ги отфрли жалбите на Реал Мадрид и Барселона кои меѓусебно се обвинуваат по првиот меч од полуфиналето во Лигата на шампионите во кој на „Сантјаго Бенрабеу“ во Мадрид победија каталонците со 2:0
Реал Мадрид бараше казни за фудбалерите на Барселона, Дани Алвеш, Серхио Бускeтс и Педро поради симулирање и притисоци врз судијата Волфганг Старк, но УЕФА го одби ова барање. Покрај тоа мадриѓаните бараа и казнување на Сејду Кеита, Виктор Валдес и Хавиер Маскерано за притисок врз судиите, но тоа воопшто не ни било разгледувано.„УЕФА утврди дека не постоела никаква ситуација ниту стратегија да биде испровоциран Пепе, ниту судијата бил под влијание на играчите на Барселона“, стои во соопштението кое попладнето европската фудбалска асоцијација го издаде од своето седиште во Нион. Исто така, одбиено е и барањето на Барселона да биде казнет стратегот на „кралевите“ Жозе Мурињо поради неговите изјави дадени по натпреварот. Португалскиот тренер по мечот жестоко го нападна германскиот судија Старк и инсинуираше дека каталонците ја имаат наклонетоста на УЕФА, од каде .одговорија дека „УЕФА не отвори никаква дополнителна истрага за Мурињо“. Жозе Мурињо заради исклучувањето на првиот меч во Мадрид е суспендиран и нема да седи на клупата на Реал на реваншот кој ќе се игра на „Камп Ноу“, ниту ќе има права да влее во соблекувалната пред натпреварот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.