Спорт
Вебер на пол позицијата во Каталуња
Пилотот на Ред Бул, Марк Вебер, ќе стартува од пол позицијата на утрешната трка за ГН на Шпанија, која ќе се вози на патеката Каталуња. Австралиецот за пол позицијата се избори пред својот тимски колега, Себастијан Фетел.
Пилотот на Ред Бул, Марк Вебер, ќе стартува од пол позицијата на утрешната трка за ГН на Шпанија, која ќе се вози на патеката Каталуња. Австралиецот за пол позицијата се избори пред својот тимски колега, Себастијан Фетел. Лидерот во Генералниот пласман зад Вебер задоцни две десетинки. Вебер со освоеното прво место на денешниот тренинг ја прекина доминацијата на Фетел на квалификациите од почетокот на сезоната. Зад возачите на Ред Бул, од вториот стартен ред трката ќе ја стартуваат Луис Хамилтон (Мекларен Мерцедес) и домашниот миленик, Фернандо Алонсо (Ферари). Колегата на Хамилтон, Џенсон Батон заедно со Виталиј Петров (Рено) го комплетираа третиот стартен ред. Меѓу најдобрите десет на денешните квалификации пласман изборија Розберг (Мерцедес), Маса (Ферари), Малдонадо (Вилијамс) и Шумахер (Мерцедес). Трката за Големата награда на Шпанија, петта во годинешното првенство на Ф1, ќе се вози утре со почеток во 14 часот. рај/макфакс/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.
Спорт
Баерн го контактирале Арсен Венгер
Баерн се уште е во потрага по нов тренер кој ќе го замени Томас Тухел на крајот од сезоната. Многу имиња „циркулираа“ низ клубот од Минхен, кандидати беа и Чаби Алонсо, Јулијан Нагелсман и Зинедин Зидан, но конкурсот се уште е отворен.
Германските медиуми открија дека клупата на Баерн му била понудена и на легендарниот Арсен Венгер, поранешниот менаџер на Арсенал.
„Долго време не сум во фокусот и мислам дека во овој момент то а не ми е потребно. Јас сум во пензија. Им се заблагодарив на челниците на клубот од Минхен кои се сетија на мене, но мислам дека е време да најдат помлад тренер, кој ќе ја врати старата слава“, откри легендарниот француски тренер.
Поранешниот менаџер на Арсенал вели дека најдобро решение за Баерн би било доколку го ангажираат Зинедин Зидан, кој со Реал покажа дека е роден да освојува трофеи.
„Голем број на клубови ќе бараат тренери во овој преоден рок. Ќе им биде тешко на моите колеги да решат каде ќе одат. Мислам дека најдобро решение за Баерн би бил Зинедин Зидан, но прашање е дали тој сака да работи во Германија, бидејќи мислам дека проблем би бил што тој не зборува германски“, изјави Арсен Венгер.