Спорт
Уште еден дебакл на црвено жолтите
Македонија – Република Ирска 0:2. Фудбалската репрезентацијата на Македонија продолжи со јаловите настапи и го нанижа и четвртиот пораз во квалификациите за ЕП 2012.
Македонија – Република Ирска 0:2. Фудбалската репрезентацијата на Македонија продолжи со јаловите настапи и го нанижа и четвртиот пораз во квалификациите за ЕП 2012. По овој нов неуспех пропаднаа и последните шанси за било каков пробив до второто место во групата кој сеуште постоеше како теорија.Република Ирска иако ослабена уште на почетокот на мечот покажа дека дојде во Скопје да биде уште една од репрезентациите кои од овде си заминале со полн плен и тоа на крајот го оствари.7 минута. 0:1. Победата ја најави Роби Кин кога упати удар, топката го закачи Новевски и заврши зад грбот на Богатинов.12 минута. Пандев одлично беше послужен во шеснаесетникот на Ирците, изби сам пред Гивен но се посрамоти шутирајки му млако во нозете.15 минута. Сајмон Кокс навремено беше послужен по десната страна влезе во шеснаесетникот и даде гол чист како солза. Македонската одбрана застана рекламирајќи недозволена позиција. Линискиот судија погрешно сигнализира офсајд, главниот судија Флоријан Меер ја направи првата грешка. Го поништи голот, а згора му даде и жолт картон на центарфорот на Ирците.24 минута. Втора грешка на Меер. Пандев беше свлечен на земја во шеснаесетникот на Ирците, а тој само одмавна со рака. Пеналот беше видлив и од авион.36 минута. 0:2. Катастрофална грешка на Бобан Грнчаров. Несмасно се обиде да ја врати топката на Богатинов, но тоа го направи почетнички лошо, па Кин не ја пропушти укажаната шанса. Биеше остро и прецизно и го постигна својот втор гол искористувајќи го подарокот на Грнчаров.40 минута. Пенал за Македонија. Пандев беше во шанса да упати удар од десетина метри, но доби удар отпозади по кој падна. Овој пат Меер го свирна пеналот. Ама кој да даде гол. Тричковски шутираше високо и силно и ја погоди стативата.Во второто полувреме Македонија имаше посед на топка но освен ударот на Марио Ѓуровски немаше ништо вредно за споменување. Германскиот судија ја направи и третата грешка не досадувајќи пенал овој пат за Република Ирска.Резултати 6 коло група Б:Русија – Ерменија 3:1, Словачка – Андора 1:0, Македонија – Р. Ирска 0:2.Табела: Р. Ирска 13, Русија 13, Словачка 13, Ерменија 8, Македонија 4, Андора 0.Крај/макфакс/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гигантите од Евролигата се против влезот на Дубаи
Според сознанијата на шпанскиот кошаркарски портал „Енцестандо“, неколку гиганти од Евролигата се против идејата Дубаи да се приклучи во елитното натпреварување.
Иако пред неколку месеци беше претставено дека Дубаи дефинитивно ќе биде дел од европското натпреварување, може да дојде до пресврт.
Парите кои тимот би ги донел во Евролигата засега не се доволна причина.
„Енцестандо“ пренесува дека Реал е предводник на клубовите кои се противат на влезот на Дубаи цели седум години.
Наводно на страната на Реал застанале и Фенербахче и Баерн кои не сметаат дека парите треба да бидат пресуден фактор.
Еден од проблемите што би можел да го донесе Дубаи е нарушувањето на пазарот на играчи, бидејќи може да понуди многу повисоки плати од оние што моментално се во Европа.
Таму не се плаќаат даноци, па би било многу полесно да се ангажираат играчи отколку во другите европски земји.
„Енцестандо“ пренесува дека Дубаи наводно веќе им понудил договори на некои од играчите на најдобрите европски тимови со избраниот тренер Светислав Пешиќ.
Шпанците пишуваат и дека датумот кога ќе се гласа за влез на Дубаи се уште не е ни блиску.
Првобитното гласање требаше да се одржи во средината на март, а потоа беше одложено.
Во меѓувреме Дубаи е примен во АБА-лигата и примарната идеја е следната година прво да игра во Еврокупот, па дури потоа да дојде за прием во Евролигата.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.