Спорт
Вимблдон: Крај за Чела и Вавринка, убедливи победи на Надал и Мари
Тројца носители го завршија својот настап на 125-то издание на најпрестижниот тениски турнир, Вимблдон. Третиот грен слем заврши за 14, 25 и 31 носител, Чела, Вавринка и Раониќ.
Тројца носители го завршија својот настап на 125-то издание на најпрестижниот тениски турнир, Вимблдон. Третиот грен слем заврши за 14, 25 и 31 носител, Чела, Вавринка и Раониќ. Хуан Игнасио Чела загуби од Алекс Богомилов јуниор, убедливо со 3:0 (0:6, 3:6, 4:6). Швајцарецот Станислас Вавринка е елиминиран од Симоне Болели со 3:0 ( 7:6, 6:3, 7:6), додека Канаѓанецот со црногорско потекло Милош Раониќ поради повреда му го предаде мечот на Жил Милер. Милер во следното коло ќе игра против првиот носител Рафаел Надал, кој без поголеми проблеми со 6:3, 6:2 и 6:4 го совлада Рајан Свитинг. Интересно Жил Милер е еден од тројцата тенисери кој на Вимблдон ина победа против Надал, во 2005 година. Минатогодишниот полуфиналист Томаш Бердих го мина Жилиен Бенето, додека домашниот фаворит Енди Мари во три сета го победи Тобијас Камке. Пласман во третото коло на Вимблдон обезбедија уште и Гаске, Фиш, Андерсон, Димитров, Кубот и Љубичиќ. Кај дамите, Венус Вилијамс, петкратната грен слем шампионака и ветеранката од Јапонија, 40-годишната Кимико Дате Крум го одиграа мечот на денот. Венус победи по нешто повеќе од три часа игра со 2:1 (6:7, 6:3, 8:6). Турнирот продолжува и за 13-та фаворитка Агњешка Радванска на која при водство од 1:0 во сетови и 3:0 во вториот сет поради повреда мечот и го предаде мечот на Олга Говортсова. Турнирот заврши и за 30-та носителка Матек-Сендс која загуби од Дои. Останатите фаворитки беа успешни, првото коло го минаа Цибулкова, Гергес, Гајдусова, и Хлавацкова. Покрај Венус Вилијамс второто коло го минаа уште и Марија Хозе Мартинез, Шпанката во првата рунда ја победи Јанковиќ и четвртата носителка Викторија Азаренка. крај/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Цолакис одбрани три пенали – Олимпијакос го елиминира Фенербахче
Познати се сите полуфиналисти во Конференциската лига. На Фиорентина, Астон Вила и Клуб Бриж им се приклучи Олимпијакос. Грците, по голема драма, успеаја да го минат Фенербахче по избедувањето пенали и за прв пат во својата историја да се пласираа во полуфинале во натпреварување одрганизирано од УЕФА.
Олимпијакос допатува на ревашот во Истанбул, против Фенербахче со предност од 3:2. Таа предност Фенер ја анулираше по само 11 минути игра, кога Кавечи погоди за 1:0.
Сепак до крајот на натпреварот немаше голови.
На крајот пенал серијата донсе невидена драма, од која како херој излезе голманот на Олимпијакос Цолакиз.
Цолакис ги одбрани ударите на Тадиќ, Ченгиз Ундер и Бонучи. Ел Араби не реализираше за Олимпијакос, исто како и Родинеи во последната серија, неговата топка по одбраната на Ливаковиќ удри во гредата и падна на гол линијата.
Олимпијакос во полуфиналето ќе игра против Астон Вила.
Спорт
(Видео) Милан и со играч плус немоќен во Рим, Баер ја продолжи серијата без пораз, Ливерпул елиминиран
Италија има два клуба во полуфиналето на Лига Европа. Пласманите на Рома и Аталанта меѓу најдобрите четири екипи во ова натпреварување и донесоа на Италија уште едно место во Лигата на шампионите наредната сезона.
Рома и во реваншот го победи Милан (2:1) и покрај тоа што повеќе од 60 минути играше со фудбалер помалку. Вкупниот резултата во овој двомеч е 3:1 за „волчицата“.
Аталанта загуби на домашен терен од Ливерпул (0:1), но победникот во двомечот го реши триумфот на Аталната во Ливерпул, пред една недела (3:0).
Во полуфиналето е и германскиот шампион Баер Леверкузен. „Фармацевтите“, во 89.минута избегнаа пораз во Лондон од Вест Хем (1:1). Баер ја продолжи неверојатната серија, тимот на Чаби Алонсо нема пораз оваа сезона.
Милан практично беше нокаутиран во Рим по 20-ина минути. Рома поведе со 2:0 со головите на Манчини во 12. минута и Дибала во 22. минута и дојде до вкупни 3:0. Малку надеж Милан доби во 31.минута кога Зеки Челик доби црвен картон.
Сепак и со играч плус на теренот, Милан не успеа сериозно да се закани. Во вториот дел Рома имаше две големи шанси преку Спенацола и Ејбрахам. Се што направи Милан на овој меч е голот на Габија во 85.минута.
Ливерпул и покрај сериозната негатива од првиот меч, се обиде да направи чудо во Бергамо. на крајот не успеа и покрај тоа што со голот на Салах во 10.минута од пенали дојде до предност.
Египќанецот имаше уште една одлична шанса во првото полувреме, но неговиот обид за лоб помина покрај голот. Во продолжение Ливерпул не успеа да постигне уште еден гол, а не создаде ниту голема шанса. На крајот, сепак, Аталанта немаше многу проблеми да ја одбрани големата предност од првиот меч.
Баер во Лондон дојде во одлично расположение. Обезбедена првата титула во клупската историја, без претрпен пораз во сите натпреварувања во сезоната и предност од 2:0 од првиот натпревар.
Но во 14. минута Вест Хем ја преполови таа предност преку Антонио. Но, за жал, на Вест Хем, тоа беше се што успеа да направи премиерлигашот. „Чеканите“ не успеаја да му го нанесат првиот пораз на Баер во сезоната, бидејќи Фримпонг постигна гол за 1:1 во 89. минута.
Спорт
(Видео) Мартинез ја однесе Вила во полуфиналето, Фиорентина во продолженијата ја „скрши“ Викторија
Астон Вила и Фиорентина изборија пласман во полуфиналето на Конференциската лига. Фиорентина во продолженијата ја елиминира Викторија Плзен, а Астон Вила го доби пенал-рулетот, во Франција против Лил, благодарение на голманот Емилијано Мартинез.
Фиорентина заслужено влезе во полуфиналето. Чудо е како „виолетовите“ не успеаја да го решат прашањето околу кончениот победник во регуларните 90 минути.
Неколку пати фудбалерите на Фиорентина ја погодија стативата, а од 66.минута имаа и фудбалер повеќе на теренот.
Нико Гонзалес (92) и капитенот Кристијано Бираги (108) ги постигнаа головите, во победата 2:0, во продолженијата.
Фиорентина во полуфиналето ќе игра против подобриот од натпреварот Фенербахче – Олимпијакос.
Астон Вила „спаси“ глава во Лил. Најпрвин со голот на Кеш во 87.минута тимот на Унаи Емери се избори за дополнителни 30 минути фудбал, а потоа го искористи своето најсилно оружје во пенал-драмата, голманот Мартинез.
За Лил стрелци во регуларниот дел од натпреварот беа Јазичи во 15. и Андре во 67.минута.
Мартинез го одбрани пеналот на Бенталеб во првата серија, а во четвртата неговиот колега Шевалие го запре обидот на Бејли. Реши последниот пенал, Мартинез го прочита капитенот на Лил Андер и ја однесе Вила во полуфиналето.
Emi Martinez saves the pen then dances. He is so unserious man.. 😭😭
— Conn (@ConnCFC) April 18, 2024