Вечерва по завршувањето на 5-то коло од фазата по групи на Европското првенство во кошарка што се игра во Литванија, познати се составите на двете групи во кои репрезентациите ќе се натпреваруваат во другиот круг од шампионатот.

По почетниот пораз од Црна Гора и четирите победи над Хрватска, Грција, Финска и вечерва над Босна и Херцеговина во Групата Ц, кошаркарската репрезентација на Македонија, заедно од Франција и Русија е единствените три селекции од вкупно 12-те коишто ќе разигруваат во групите Е и Ф, кои влегуваат со максимални четири бодови. „Иако можеше да се почувствува умор кај играчите на двете екипи, сметам дека одигравме добар натпревар, кој беше решен пред се поради нашата добра одбрана. Не сакам прерано да размислуваме како до пласман меѓу најдобрите, планот останува да одиме од натпревар во натпревар како што правевме досега. Сметам дека играме одлична кошарка, дека состојбата на тимот е на многу високо ниво и поради тоа, амбициозно гледам на продолжението на првенството. Тука нема слаби екипи, па како до сега, така и понатаму, максимумот мораме да го даваме на секоја средба“,„рече селекторот Марин Докузовски по натпреварот за интернет страницата на Кошаркарската федерација на Македонија. Вечерва во Алитус, против Босна и Херцеговина,македонските кошаркари во првото полувреме играа за со помала концентрација во нападот, што придонесе и покрај изедначениот тек на мечот, босанците да го добијат првиот дел со три поена разлика (38:35) Но во второто полувреме, особено по почетокот четвртата четвртина кога Македонија ја направи серијата од 14:0, очигледно беше дека кошаркарите се решени да не ја испуштат неверојатната можност пред светската кошаркарска јавноста да се претстават со индивидуалните способности кои ги сплотија во дициплонирана колективна игра. Победата против БиХ е зивојувана најмногу благодарение на добрата игра во одбраната и во скоковите под обрачите, при што беше запрен клучниот тандем на противникот, Домеркант и Телетовиќ, кои вкупно постигнаа само 13 поени.Лестер Мекејлеб со 22 поени беше најпрецизен кај Македонија, Перо Антиќ постигна 15 поени а повторно беше расположен за скокови (14 скокови од кои 4 офанзивни), Тодор Гечевски постигна 13, а Владо Илиевски и Ѓорѓи Чековски постигнаа по седум кошеви. Војдан Стојановски имаше забележителна игра во одбраната, а првпат на шампионатот во дресот на Македонија се појави Димитар Мираковски.Македонија како водечка е вброена во новоформираната Група Ф, којашто се формира со вкрстување на групите Ц и Д, а зад неа следи Русија до исто така четири бодови, кои ги пренесуваат бидејќи во групата се пласираа и Грција и Финска кои ги совладавме. Во нашата група се уште и Словенија и Грција со по 3 бода, а Грузија и Финска стартуваат во втората фаза со по два бода. Првиот меч во Вилнус, Македонија ќе го има во четврток на 8-ми септември против Грузија, и според пресметките тоа е одлична шанса со уште една победа да се направи исчекор во следната нокаут рунда на шампионатот. Грузија вечерва беше поразена од Бугарија со резултат 69:79. Во првото коло од Групата Ф истиот ден ќе се одиграат и натпреварите меѓу Словенија и Грција и Финска и Русија. Второто коло се игра на 10-ти септември и се среќаваат Македонија – Словенија, Грузија -Финска и Русија – Грција. На 12-ти септември ќе се одигра третото коло во кое двојките ги сочинуваат Македонија – Русија, Грција – Грузија и Словенија – Финска. Во Групата Е, којашто се чини е далеку поинтересна барем судејќи според титулите што ги имаат освојувано репрезентациите што ја сочинуваат, Франција стартува со максималните 4 бодови,додека Србија, Шпанија, Турција и Литванија имаат по 3 а Германија има 2 бода. Оваа група ќе стартува со мечевите во среда на 7-ми септември меѓу Германија – Шпанја, Србија – Литванија и Турција – Франција. Второ коло се игра на 9-ти септември и на распоредот се мечевите Шпанија – Србија, Германија – Турција и Литванија – Франција. Третото коло на 11-ти септември ги донесува мечевите Франција – Шпанија, Литванија – Германија и Србија – Турција./крај/макфакс/сн