Хокеарот на „Локомотив“, Александар Галимов кој се здоби со тешки повреди во авионската несреќа крај градот Јарослав, единствениот преживеан од тимот, во понеделникот наутро почина во институтот за хирургија во Москва.

Хокеарот на „Локомотив“, Александар Галимов кој се здоби со тешки повреди во авионската несреќа крај градот Јарослав, единствениот преживеан од тимот, во понеделникот наутро почина во институтот за хирургија во Москва.Како што се наведува во соопштението на болницата што го цитира агенцијата РИА Новости, и покрај тековната терапија со користење на сите можни современи третмани за изгореници во Институтот за хирургија „Вишневски“, 26-годишниот  Александар Галимов починал од здобиените изгореници.Авионот од типот „јак-42“ со кој патуваше целата хокеарска екипа на „Локомотив“, се урна на 7-ми септември во регионот на Јарослав. Во авионската несреќа загинаа речиси целиот тим на „Локомотив“ кој патуваше на натпревар во Минск со тамошниот „Динамо“ во рамките на Континенталната хокеарска лига. Во хаваријата загинаа вкупно 45, лица: 37 патници и осум членови на екипажот. Несреќата ја преживеаја двајца, хокеарот и интендантот Александар Сизов. Според досегашните сознанија, причина за несреќата се неисправност на леталото и грешка на пилотот.Двајцата спасувачи од руското министерство за вонредни ситуации само минута по катастрофата пристигнале на местото, забележале дека од делот на авионот кој паднал во реката Волга се движат двајца мажи за кои отпрво сметале дека се рибари. Според нив Галимов бил во свесна состојба, зборувал и се движел сигурно, но имал многу тешки изгореници, а тие му помогнале да се качи во чамецот за спасување.Според еден од спасувачите, Галимов со силните изгореници чувствувал студ и барал да го покријат со ќебе, а тие до патот до болницата во Јарослав постојано зборувале со него за да не падне во бесознание. „Тој се однесуваше многу храбро, точно знаеше што се случува“, вели спасувачот Дмитриј Коноплев.Еден ден по несреќата, Галимов и Сизов беа префрлени со специјален авион за реанимација во Москва, каде што во нивниот третман беа вклучени водечките експерти од Институтот за хирургија „Вишневски“ и од Институтот за итна медицинска помош во вонредни ситуации „Склифосовски“. Меѓутоа, Галимов се здоби изгореници на 90 отсто од телото.„Тој почина утрово. Причината е застој на срцето. Ние сторивме се’ што е возможно.“, изјави началникот на институтот „Вишневски“, Андреј Алексеев, кој претходно за новинарите изјави дека состојбата на пациентот се влошува.Александар Глимов, е роден во Јарослав на 2 мај 1985 година. Хокеј на мраз почнал да игра од 5-годишна возраст во младинските селекции на јарославски „Локомотив“. По неколку години минати во детските и младинските екипи со кои трипати го освојува шампионатот на Русија за овие категории, во 2004 година дебитира за сениорскиот тим на „Локомотив“. Како дел од тимот во 2008 и 2009 година станува вицешампион Русија, а во 2005 и 2011 година беше трет во силното руско првенство.Со младинската репрезентација на Русија, Галимов го освои сребрениот медал Светското првенство (2005). Во правата селекција на Русија дебитираше на Купот Карјала одигрувајќи три меча.Руските хокеарски стручњаци сметаа дека на Галимов кој зад себе остави сопруга и ќеркичка, доправа му претстоеја ѕвездените моменти./крај/рн/сн