Спорт
Илиевски за историско полуфинале
Кошаркарската репрезентација на Македонија вечерва ја испиша историјата, победувајќи ја Литванија на нејзин терен, со што обезбеди пласман во полуфиналето и борба за медал.
Кошаркарската репрезентација на Македонија вечерва ја испиша историјата, победувајќи ја Литванија на нејзин терен, со што обезбеди пласман во полуфиналето и борба за медал.Македонија жестоко се бореше на и теренот и повторно одигра повеќе од феноменално во одбраната против најпрецизната селекција на турнирот, што се покажа клучно за конечниот резултат 67:65 (18:20, 12:14,19:18, 18:13) за нашата репрезентација.Покрај ова, Македонија обезбеди и најмалку влез во квалификациите за наредните Олимписки игри, што ќе се одржат во Лондон.Јунак на натпреварот е бекот Владо Илиевски, чија рака беше смирена во решавчките моменти на натпреварот.Најнапред Илиевски на 11 секунди до крајот стрелаше прецизно за три поени, со што ја доведе Македонија за прв пат на натпреварот во водство од 66:65. Потоа, Илиевски освои топка во одбраната и врз него беше направен прекршок. Илиевски смирено го реализира првото слободно фрлање, по што намерно го промаши второто фрлање за да не и остави време за напад на Литванија. Домашната репрезентација водеше во најголемиот дел од натпреварот, но не успеа да се одлепи. Македонија во третата четврти во два наврати израмни, имаше и неколку можности за водство, но без успех. Сепак, Македонија прв пат поведе на мечот, кога беше најзначајно во последните секунди.Лестер Бо Мекејлеб беше најефикасен со 23 поени. Особено клучни беа неговите влезови, во моментите кога Македонија бркаше резултатски приклучок. Извонредни заслуги за успехот има и Војдан Стојановски, кој постигна 15 поени, стрелајќи непогрешно од линијата за три поени 5/5. Перо Антиќпостигна осум поени, а оствари истотолку скокови.Литваниците имаа многу лош шут за три поени, погодувајќи само два пати од 15 обиди. Најголем дел од поените, домашните играчи ги постигнаа од рекетот.Натпреварот во Каунас го следее близу 15.000 гледачи, но на крајот се радуваа околу 150 македонски навивачиМакедонија повеќе од заслужено ќе игра во полуфиналето против Шпанија на 16 септември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Лунин го однесе Реал во полуфиналето – Европа ќе добие нов шампион
Реал Мадрид го елиминира европскиот првак Манчестер сити во четвртфиналето, во Лигата на шампионите. „Кралскиот клуб“, во Манчестер, го доби пенал рулетот со 4:3, откако во основниот дел и во дополнителните 30 минути натпреварот заврши 1:1. Херој на победата е голманот Луни кој во пенал серијата ги одбрани ударите на Бернардо Силва и Ковачиќ.
Четвртфиналниот реванш на „Етихад“ се движеше во еден смер. Сити напаѓаше во текот на целиот натпревар, Реал во најголемиот дел се бранеше во низок блок, на 20-25 метри од голот.
Намерата на Анчелоти беше јасна да се одбрани својот гол, а према напред да се бара шанса преку контранапади. И таквата определба му донесе гол од првата шанса. Во 12.минута Родриго од втора го совлада Едерсон.
Сити и покрај тоа што напаѓаше не успеа да створи многу чисти шанси. Во првиот дел најдобрата ја пропушти Халанд кога ја погоди гредата.
Притосокот на Сити вроди со плод во 76.минута, кога по ударот на Доку, Ридигер лошо реагираше, а одбиената топка во голот ја смести Де Брујне.
Реал во полуфиналето ќе игра против Баерн Минхен. Втората полуфинална двојка вчера ја формираа ПСЖ и Борусија Дортмунд.
Спорт
(Видео) Баерн преку Арсенал до полуфиналето во ЛШ
Баерн Минхен ќе игра во полуфиналето, во Лигата на шампионите, откако во реваншот го победи Арсенал со 1:0. Првиот натпревар на „Емирати“, во Лондон, заврши 2:2.
Важноста на натпреварот, иницираше тактичка брба од двете страни. Арсенал беа малку поофанзивни во привот дел, Баерн шансите ги бараше преку контранападите. Со исклучок на ударот на Мартинели во првото полувреме немаше ниту една шанса
Баерн беше тој кој прв се закани во вториот дел. Во еден напад два пати се тресеше рамката на голот на Арсенал. Најпрвин Горецка ја погоди гредата,а поттоа Гереиро биеше во стативата.
Арсенал имаа среќа во оваа ситуација, но среќата ги напушти во 64.минута кога центрашутот на Гереиро, Кимих од 11 метри со глава го совлада Раја.
До крајот Тухел со измените што ги направи добро ги затвори приодите кон голот на Ноер и Баерн успеа да ја одбрани победата.
Спорт
МЗТ влезе во полуфиналето во АБА2 лигата
Кошаркарите на МЗТ Скопје Аеродром изборија пласман во полуфиналето на плеј-офот, во АБА 2 лигата. МЗТ загуби од Широки со 70:68 и со +13 влезе во полуфиналето Првиот натпревар во Скопје заврши со победа на МЗТ со 85:69.
На гости кај Широки кошаркарите на МЗТ одиграа лошо прво и одлично втро полувреме. Широки во втората четвртина имаше предност од 15 поени, на полувреме таа изнесуваше 11. Првиот дел со тројка го заклучи Војдан Стојановски.
Во вториот дел играчите на МЗТ ја стигнаа предноста на Широки, имаа водство 65:64 на четири минути до крајот по што беше јасно кој ќе излезе како победник од овој двомеч.
МЗТ на овој натпревар го предводеше Делалиќ со 18 поени, четири скока и две украдени топки, браќата Стојановски постигнаа по 13 коша, имаа по три асистенции, Дамјан имаше осум, а Војдан три скока. Двоцифрен со 10 поени беше и Баковиќ.
МЗТ во полуфиналето ќе игра прптив Спартак.