Спорт
Антиќ, Илиевски и Мекејлеб во конкуренција за идеалната петорка на ЕП во Литванија
На списокот на играчи што најмногу покажаа на континенталниот собир покрај македонската тројка се уште и Николас Батум, Жоаким Ноа, Тони Паркер (Франција), Витали Фризон, Андреј Кириленко, Тимофеј Мозгов (Русија), Пау Гасол, Марк Гасол и Хуан-Карлос Наваро (Шпанија)
Дури тројца македонски кошаркари имаат можност да се најдат во идеалната петорка на кошаркарското Европско првенство (ЕП), кое изминатгиве дваесетина дена се одржува во Литванија. Станува збор за Перо Антиќ, Владо Илиевски и Лестер Бо Мекејлеб, кои се на списокот од 12 кошаркари за кои можат да гласаат новинарите кои известуваат од континенталниот кошаркарски собир на Балтикот. Ова е првпат воопшто македонски кошаркар да се најде во можност да биде дел од најдобриот состав на еден шампионат од највисок европски ранг.
Според добрите познавачи на кошаркарските прилики речиси е сигурно дека меѓу најдобрите петмина ќе се најде Мекејлеб, кој е една од најголемите ѕвезди на 37. ЕП во кошарка. Натурализираниот Американец со македонски пасош е во игра и за најпрестижната индивидуална награда на првенството во Литванија, титулата за најкорисен, МВП-играч на континенталниот шампионат. Најголема конкуренција во оваа категорија ја има во шпанците Хуан-Карлос Наваро и Пау Гасол како и во францускиот ас Тони Паркер.
Сите акредитирани новинари што го следат ЕП имаат право да го дадат својот глас за најдобрите петмина кошаркари по свој вкус. Според правилата, четири кошаркари мора да бидат избрани од понудениот список додека петиот глас, според желбата на новинарите, може, но и не мора, да биде даден за кој било друг кошаркар што настапил на ЕП.
Самото номинирање е огромно признание за Антиќ, Илиевски и Мекејлеб, но и уште една од многуте потврди за феноменалниот настап на македонската кошаркарска репрезентација на ЕП во Литванија.
На понудениот список на играчи што најмногу покажаа на континенталниот собир покрај македонската тројка се уште и Николас Батум, Жоаким Ноа, Паркер (Франција), Витали Фризон, Андреј Кириленко, Тимофеј Мозгов (Русија), Пау Гасол, Марк Гасол и Наваро (Шпанија).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тен Хаг задоволен по победата над Шефилд Јунајтед
Фудбалерите на Манчестер Јунајтед со пресврт слаеа со 4:2 против нјлошиот тим во Премиер лигата, Шефилд Јунајтед на свој терен го пречекаа последно пласираниот Шефилд Јунајтед .
Славниот клуб двапати загуби, но на крајот успеа да победи. Тренерот на Јунајтед, Тен Хаг, по натпреварот рече дека неговиот тим одиграл добар натпревар,
„Имавме целосна контрола! Извинете, јас на поинаков начин г гледав натпреварот. Да, имавме две грешки, затоа двапати губивме. Зборуваме за две негативности, концентрација и дисциплина. Но, во остатокот од натпреварот имавме целосна контрола. Тимот покажа издржливост. Не е лесно кога губиш, но успеавме да направиме пресврт против компактен тим. Ги надигравме, бевме многу мирни“, изјави Тен Хаг и додаде:
„Мораме да го запреме тој процес. Вакви грешки не смее да се прават на врвно ниво ако сакаш да постигнуваш цели, ако сакаш трофеи. Не смеете да дозволите вакви пропусти во концентрацијата и дисциплината, бидејќи животот е многу полесен без нив.“
Спорт
Заврши сезоната за Енцо Фернандес
Играчот од средниот ред на Челзи, Енцо Фернандес, ја заврши сезоната, бидејќи наскоро ќе мора да оди на операција на препоните, пишува аргентинскиот весник „Оле“. Според овој извор на Фернадес ќе му бидат потребни неколку недели за рехабилитација.
Поранешниот фудбалер на Ривер Плејт и Бенфика, извесно време се жалеше на болки, но сепак играше. Постоеше опција лекувањето да се одложи до лето, но по консултација со лекарите на Челзи и аргентинската репрезентација тој одлучи веднаш да биде опериран.
Планот е Фернандес да има доволно време целосно да се опорави за претстојната Копа Америка која започнува на 20 јуни.
Светскиот шампион пристигна на „Стемфорд Бриџ“ од Лисабон во јануари 2023 година во трансфер вреден 121 милион евра. Неговите настапи оваа сезона, сепак, се во склад со перформансите на повеќето играчи на Челзи – неубедливи и нестабилни.
Енцо оваа сезона одигра 40 од 45 натпревари за „сините“.
Спорт
Ла Лига од следната година ќе се игра во САД
Претседателот на шпанската Ла Лига, Хавиер Тебас, даде неколку интересни коментари во интервју за „Експансион“. Тамошната јавност најмногу ја коментира изјавата во која тој отворено призна дека навива за Реал Мадрид. Овој факт е познат одамна, но сега за прв пат е и јавно потврден. Тебас го откри овој детал коментирајќи ја приказната за доаѓањето на Килијан Мбапе во Реал.
Сепак, претседателот на една од најдобрите светски лиги донесе и по малку шокантна вест за сите љубители на традиционалниот фудбал. Имено, од сезоната 2025/26, некои натпревари од Ла Лига ќе се играат во Соединетите Американски Држави.
Тоа значи дека веќе следната година би можеле да го видиме првиот натпревар од шпанското првенство на американска почва.
„САД е втор најголем пазар за нас, веднаш по Шпанија. Тоа ќе ја зајакне нашата позиција таму. Другите европски лиги веќе работат таму и немаме избор, во спротивно ќе не избришат“, рече Тебас.
Инаку, уште во 2018 година имаше предлог да се игра каталонското дерби меѓу Барселона и Џирона во САД, но УЕФА го блокираше тој потег.