Спорт
Загина фудбалерот што ги изведуваше пеналите со петица
Фудбалскиот репрезентативец на Обединетите Арапски Емирати, Теијаб Авана, кој се прослави по тоа што ги изведуваше ударите од белата точка, загина во сообраќајна несреќа во главниот град Абу Даби.
Фудбалскиот репрезентативец на Обединетите Арапски Емирати, Теијаб Авана, кој се прослави по тоа што ги изведуваше ударите од белата точка, загина во сообраќајна несреќа во главниот град Абу Даби. Дваесет и едногодишниот Теијаб Авана , според пишувањето на локалните медиуми, користел мобилен телефон при управувањето со автомобилот, што била причината да се зарие во камион кој возел пред него, а починал на пат кон болница од здобиените повреди. Младиот фудбалер се стекна со светска слава откако постигна погодок изведувајќи ја најстрогата казна со петица на мечот меѓу Обединетите Арапски Емирати и Либан. Авана беше еден од најголемите фудбалски таленти во Емиратите. Снимката од изведувањето на фамозниот 11-ерец поставена на You Тube имаше повеќе од милион „кликнувања“.Меѓутоа, со овој потег не беше задоволен поранешниот селектор на македонската фудбалска репрезентација сега тренер на Емиратите, Сречко Катанец, кој веднаш по изведувањето на пеналот го извади од игра, поради несериозност. Младиот фудбалер изминатата среда настапи против Австралија во квалификациите за Олимписките игри во Лондон 2012 година, и за жал тоа беше неговиот последен натпревар во животот./крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.
Спорт
Ларкин од еден се сели во друг крај на Истанбул
Шејн Ларкин е еден од кошаракрите чии договор истекува на крајот од сезоната.
Американецот, пет сезони го носи дресот на Ефес. Со овој клуб освои две титули во Евролигата.
Ларкин ја има најголемата плата во Евролигата. Годишно тој заработува четири милиони евра.
Прашање е дали Ефес ќе му понуди нов договор на 31-годишниот Американец.
Наводно, целата ситуација внимателно ја следат од другиот крај на Истанбул. Фенербахче е заинтересиран да го донесе Ларкин од наредната сезона.
Фенербахче не е единствениот клуб кој покажува интерес за Ларкин, но според медиумите води во трката за неговиот потпис.
Оваа сезона Ларкин има 17 поени по натпревар, 5,2 асистенции, три скока и 1,1 украдена топка.
Спорт
Ѓоковиќ: Горан е член на семејството, пријател
Ден по веста дека Новак Ѓоковиќ и Горан Иванишевиќ ја прекинаа соработката, српскиот тенисер тренираше во Белград, во Кошутњак со Ненад Зимоњиќ.
Хрватските медиуми во Белград, се обидоа да добијат дополнителни одговори, зошто тенисерот и тренерот ја прекинаа соработката.
Ѓоковиќ се подготвува за Мастерсот во Монте Карло.
Српскиот ас не сакаше да дава дополнителни коментари на актуелната тема, но љубезно им се заблагодари на сплитските новинари.
„Сега не можам ништо да коментирам, извинете што нема да ви го дадам тоа што го барате, но ви благодарам што дојдовте. Добредојдени сте да останете овде, но јас и Горан ја завршивме нашата соработка. Ја видовте објавата, така што…“, рече Ѓоковиќ и додаде.
„Горан е член на семејството, пријател засекогаш и така ќе биде. Професионално едноставно се разделивме, направивме историски резултат – најтрофејниот играч и тренер досега, па мислам дека се е кажано во тоа смисла“.