Спорт
Реднап не го сака Тевез
Менаџерот на англискиот премиерлигаш Тотенхем, Хари Реднап, ја отфрли можноста неговиот клуб да го ангажира напаѓачот на Манчестер сити, Аргентинецот Карлос Тевез , кој во својот клуб е суспендиран поради недисциплина.
Менаџерот на англискиот премиерлигаш Тотенхем, Хари Реднап, ја отфрли можноста неговиот клуб да го ангажира напаѓачот на Манчестер сити, Аргентинецот Карлос Тевез, кој во својот клуб е суспендиран поради недисциплина. Управата на Манчестер сити донесе одлука да го суспендира Карлос Тевез, кој одбил да влезе во игра во второто полувреме на мечот од Лигата на шампионите, што неговиот клуб го загуби во Минхен против домашниот Баерн со 0:2 .Менаџерот на манчестерските „граѓани“, италијанскиот стратег Роберто Манчини, по натпреварот изјави дека Тевез веќе нема да заигра додека тој ја води екипата.„Како прво, Тотенхем не може да си дозволи скап играч. Исто така, никако не може да биде оправдан неговиот потег. Играч да одбие да влезе во игра на меч од Лигата на шампионите, е за неверување.. Целосно го рабзирам Манчини, и ја има мојата поддршка“, изјави Реднап за британсктие медиуми. Сепак, според пишувањето на медиумите на Островот, Тевез најверојатно нема да има проблеми во зимскиот преоден рок да си пронајде нов голем клуб. Меѓу заинтересираните за услугите на аргентинскиот репрезентативец се споменуваат италијанскиот калчолигаш Јувентус и францускиот Пари Сен -Жермен. Британските медиуми во средата по поразот на Манчестер сити во Минхен од 0:2 во второто коло од Групата Ц во Лигата на шампионите, пишуваа дека со новиот инцидент, најверојатно дефинитивно е на излезната врата од редовите на „граѓаните“ .Манчини го остави Тевез на клупата на почетокот од мечот, а во 55 минута кога Баерн ја имаше веќе предноста од 2:0 и наметна своја доминација на теренот, се обиде да измени нешто во соодносот на тревникот внесувајќи го во игра Аргентинецот. Но Карлос Тевез одби да го послуша Манчини.Манчини изјави дека е разочаран од односот на Тевез, а Тевез во писмено соопштение изјави дека бил подготвен за игра, велејќи дека настанала конфузија на клупата на Сити по што тој не бил добро разбран.Тевез повеќепати изјавуваше дека е обременет со животот во Манчестер и раздвоеноста од семејството и летово најави дека сака да си замине од клубот. Сега се чини дека со последниот инцидент тоа ќе му се оствари./крај/ббц/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.
Спорт
„Заминувам ако Алегри остане тренер“
Федерико Киеза (26) е подготвен да го напушти Јувентус. „Газета дело Спорт“, дури тврди дека италијанскиот репрезентативец им поставил ултиматум на клупските челници.
Енрико Киеза, сезонава не игра на вообичаеното ниво откако се опорави од тешката повреда.
Иако италијанскиот репрезентативец постигна скромни осум гола и две асистенции за неговите стандарди, Јувентус би сакал да го задржи, но се уште нема никаков напредок во преговорите.
Неговиот актуелен договор е до 2025 година, што значително го намалува просторот за маневрирање на клубот.
Киеза на лето би можел да влезе во последната година од договорот и тоа ќе биде последна шанса да клубот заработи од неговиот трансфер.
„Газета дело Спорт“, пишува дека Киеза својот потенцијален останок во клубот го условува со ултиматум. Италијанскиот весник пишува дека Киеза на затворен состанок јасно им кажал на клупските челници дека сигурно ќе го напушти клубот доколку Масимилијано Алегри остане тренер и во следната сезона.
Сериозен интерес за Киеза покажа Рома, односно нејзниот тренер Даниеле Де Роси, кој ќе ја доби довербата да го предводи тимот и наредната сезона.
Спорт
Барселона подготвува мегатрансфер, го продава Араухо за 100 милиони евра
Барселона е подготвена да го продаде Роналд Араухо (25), објави каталонски „Спорт“. Овој извор наведува дека Барселона мора да заработи од трансфери на играчи во летниот преоден рок за да избегне финансиски проблеми и да ги исполни критериумите од финансискиот фер-плеј.
Уругвајскиот дефанзивец е еден од фудбалерите кои имаат најголема пазарна вредност. Раководството на Барселона смета дека од неговиот трансфер би можеле да заработат повеќе од 100 милиони евра.
„Трансфермаркт“, неговата вредност ја проценува на 70 милиони евра, а неговиот договор со Барселона истекува во јуни 2026 година.
Барселона смета, тврди „Спорт“, дека во суперталентот Пау Кубарси (17), има квалитетна дефанзивна опција. Доколку би го продале Араухо, Барселона би се обидела да донесе слободен играч кој би му бил партнер на Кубарси.
Араухо ја започна својата кариера во уругвајските клубови Рентистас и Бостон Ривер. Во 2018 година Барселона го донесе за речиси пет милиони евра, а оттогаш забележа 147 настапи, постигна осум гола. Со Барселона има освоено три трофеи.