Спорт
Тројца полицајци повредени по натпреварот Тетекс-Шкендија
Тројца полицајци биле повредени, а неколку лица приведени во инцидентот, што изби по завршување на фудбалскиот натпревар меѓу тетовскиот прволигаши Тетекс и Шкендија.
Тројца полицајци биле повредени, а неколку лица приведени во инцидентот, што изби по завршување на фудбалскиот натпревар меѓу тетовскиот прволигаши Тетекс и Шкендија.Инцидентот настанал откако полицијата направила кордон, со намера двете навивачки групи „Балисти“ и „Војводи“ одвоено да излезат од стадионот, за да не дојде до меѓусебна пресметка.Во тоа време, дел од навивачката група „Балисти“ (околу 700 лица) застанале од надворешната страна на стадионот и почнале да фрлаат со камења и други предмети кон припадниците на полицијата.Заради одбивање на нападот и потиснување на групата, од страна на униформирани полицајци употребено е средство за присилба гумена палка и физичка сила.За време на нападот, со телесни повреди во пределот на нозете се здобиле тројца полициски службеници од Тетово. Од страна на полицијата досега се извршени разговори со лицата С.А. (16), Д.Е. (15), Ф.Е. (18), А.А. (40), В.А. (25), Е.А.(16) сите од Тетово и В. Џ. (21) од Гостивар. По целосно расчистување и документирање на случајот, против нарушителите ќе биде поднесена соодветна пријава.Вчерашниот натпревар заврши со победа на Тетекс од 2:0, а двете екипи натпреварот го завршија со по еден исклучен фудбалер. Натпреварите помеѓу овие две екипи секогаш носат висок безбедносен ризик и често доаѓа до инциденти. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Интер сериозно заинтересиран за голманот на Бразил
Бразилскиот голман Бенто (24), максимално ја искористи шансата која му се укажа по повредите на Алисон Бекер и Едерсон.
Бенто го бранеше голот на Бразил на неодамнешните пријателски натпревари против Англија (1:0) и Шпанија (3:3).
Она што го демонстрираше на „Вембли“ и „Сантијаго Бернабеу“ не мина незабележано, иако од претходно е на радарот на европските клубови. Наводно интерес за Бенто покажуваат Интер, Челзи, Нотингем Форест.
Бразилските медиуми пишуваат дека Атлетико Параненсе за него ќе бара отштета од 20.000.000 евра, а италијанските медиуми пренесуваат дека најблиску до него е Интер. Во клубот сметаат дека добро е Јан Сомер да добие силна конкуренција, а исто така Бразилецот би бич залог за иднината бидејќи има само 24 години.
Спорт
Јувентус најде тренер за следната сезона
Болоња е хитот на сезоната во Серија А. Тимот кој од клупата го предводи Тиаго Мота се бори за место во Лигата на шампионите. Она што е извесно е дека Мота на крајот од сезоната ќе ја напушти Болоња.
Медиумите на Апенинскиот полуостров го поврзуваа со Милан, но тоа нема да се случи. Поранешниот фудбалер на Интер, во овој момент е најблиску до клупата на Јувентус.
Мота ќе го наследи Масимилијано Алегри од чија работа во клубот од Торино не се задоволни.
До пред два месеци Јувентус се тркаше со Интер за шампионската титула, но откако на последните осум натпревари „старата дама“ забележа една победа, тимот на Алегри сега се бори за второот место со Милан.
Наводно, челниците на Јувентус и Алегри спогодбено ќе го раскинат неговиот договор кој важи до јуни 2025 година. За да се реализираа ова работа, двете страни треба само да ја договорат оштетата која ќе му биде исплатена на тренерот.
Спорт
Проблеми за Сити пред дербито со Арсенал – шестмина првотимци повредени
Пеп Гвардиола го нарече предизвикот да се одбрани тројната круна „невозможен“, но неговиот Манчестер сити сè уште е во конкуренција за сите три големи трофеи. Во Премиер лигата заостанува бод зад лидерите Ливерпул и Арсенал, во полуфиналето на ФА Купот Сити игра против Челзи, додека во Лигата на шампионите трета сезона по ред игра против Реал Мадрид.
Во недела, Сити ќе го одигра еден од најзначајните натпревари во сезоната, во Манчестер доаѓа Арсенал.
Репрезентативната пауза му донесе големи проблеми на Гвардиола. Шестмина со повреди се вратија воклубот. Станува збор за норвешкиот напаѓач Ерлинг Халанд, Англичаните Џон Стоунс и Кајл Вокер и двајцата Португалци Рубен Дијаш и Бернардо Силва.
Сите тие се под знак прашалник за големото дерби каде Сити може да го прескокне тимот на поранешниот помошник на Гвардиола, Микел Артета. Заедно со шестмината, репрезентативната пауза поради претходни повреди ја прескокнаа и Кевин Де Брујн и Мануел Аканџи.