Спорт
Бекам сака на Олимпијадата следната година
Иако има 36 години и е многу блиску до завршувањето на фудбалската кариера, еден од најдобрите англиски фудбалери во историјата, Дејвид Бекам откри дека неговата преокупација е настапот на Летните олимписки игри што во 2012 година ќе се одржат во неговиот роден град Лондон.
Иако има 36 години и е многу блиску до завршувањето на фудбалската кариера, еден од најдобрите англиски фудбалери во историјата, Дејвид Бекам откри дека неговата преокупација е настапот на Летните олимписки игри што во 2012 година ќе се одржат во неговиот роден град Лондон. „Не ми е важно каде ќе ја продолжам кариерата. Не е битно дали ќе останам во ЛА Галакси, ќе минам во ПСЖ или во некој друг клуб. Единствено ми е важно да играм за да можам да изборам настап во репрезентацијата за Олимписките игри во Лондон“, вели Бекам. Дејвид Бекам е роден во лондонската четврт Лејтонстон и настапот во својот роден град на Олимпијадата е неговата голема желба,„Мечтаам, за тоа да со репрезентацијата на Велика Британија о градот во кој израснав да го освојам олимпиското злато. Само да се биде дел од екипата на Велика Британија би била голема работа“, изјави поранешниот капитен на англиската репрезентација, играч на европските фудбалски гиганти Манчестер јунајтед и Реал Мадрид.Британските медиуми пишуваат дека главен кандидат за селектор на британскиот олимписки тим е Стјуарт Пирс, сегашен селектор на англиската репрезентација за играчи до 21 година. На фудбалскиот турнир на Олимписките игри настапуваат селекции од фудбалери до 23 години, кои можат да се засилат со тројца играчи постари од оваа возраст./крај/хи/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.