Спорт
Симончели загина во Малезија
Италијанскиот мотоциклист Марко Симончели, загина во тешкиот судар на трката на големата награда на Малезија.
Италијанскиот мотоциклист Марко Симончели, загина во тешкиот судар на трката на големата награда на Малезија. Симончели во вториот круг од трката на патеката „Сепанг“ ја загуби контролата врз својот мотор во инцидентот во кој учествуваа тој со неговиот мотор „Хонда“, а потоа во него удрија возачите на „Јамаха“ Колин Едвардс и Хироши Аојама исто така од „Хонда“, а подоцна налета и на „Дукати“, Валентино Роси. Медицинските екипи брзо реагираа и Симончели веднаш беше префрлен во медицинскиот центар, но иако првите вести кажуваа дека тој бил свесен, првиот човек на Дорна, Кармело Еспелета потврди веднаш дека неговата состојба е многу сериозна. По пол час неизвесност беше соопштено дека 24-годишниот Симончели починал. Со смртта на Симончели мотоциклизмот загуби многу од својата привлечност бидејќи Италијанецот беше еден од најдобрите возачи, но и го пленеше вниманието на медиумите. Многумина го сметаа за вистински наследник на својот сонародник и неприкосновен владетел на мото пистите Валентино Роси, кој и самиот во повеќе наврати истакна дека би сакал неговиот пријател Симончели еден ден навистина тоа и да стане.Уште до своето деби во класата до 125 кубици во 2002 година, Симончели покажа дека мотоспортот треба да очекува многу од него, а веќе две години подоцна на „Хеерс“ и тоа по силен дожд дојде до својот прв триумф. По три сезони минати во најслабата класа, тој мина во класата до 250 кубици, и две години се мачеше да постигне забележителни резултати, за дури во 2008 година да го искаже целиот талент и да ја освои титулата. Следната година, титулата му избега за малку. Веднаш потоа премина во најсилната „кралската класа“, каде во првата сезона како член на „Сан Карло Ходна Гресини“ постигнуваше скромни резултати а шампионатот го заврши на осмо место. Но уште на почетокот од сезоната покажа дека на него треба да се смета, предизвикувајќи ги докажаните асови од „Репсол Хонда“ и „Јамаха“, а умееше и да се поигра и со шампионот Роси. Тој ја освои и првата пол позиција во Каталонија, а потоа и првпат се искачи на победничкиот подиум во Чешка. За најдобриот пласман да го оствари пред една седмица со второто место на Големата награда на Австрија. Смртта на Симончели е втора трагедија во авто-мото спортот последната седмица, откако минатиот викенд загина и поранешниот шампион на Индикар шампионатот, Ден Велдон.Симончели е првиот возач кој го загуби живото на патека од Мото Гран при шампионатот од минатогодишната Голема награда на Сан Марино, којга настрада Јапонецот Шоа Томизава./крај/анса/б92/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Баер Леверкузен ја одреди цената за Флоријан Вирц
Баер Леверкузен ја одреди цената за еден од своите најдобри играчи, Флоријан Вирц.
„Фармацевтите“, на пет кола до крајот и математички ја обезбедија првата титула во клупската историја. До крајот на сезоната ќе се борат за трофеите во Купот на Германија и Лига Европа.
Еден од најталентирани играчи во светот, Вирц, во досегашниот тек од сезоната има учинок од 17 гола и забележа 18 асистенции.
Интерес за неговите услуги покажале Реал Мадрид, Манчестер Сити, Ливерпул…
Сепак, во Леверкузен не размислуваат да се откажат од него. Доколку пак тоа се случи, клубот ќе ја наполни клупската каса од неговиот трансфер.
„Имаме двојно помал буџет од Дортмунд, и пет пати помал буџет од Баерн. Немаме толку моќни спонзори и јасно е дека мора да живееме од продажбата на фудбалери. Вирц е наш лидер на теренот, но се си има своја цена. Ако некој понуди 150 милиони евра или повеќе, можеме да разговараме“, изјави Фернандо Каро, извршен директор на Баер Леверкузен.
Спорт
Врие во Барселона, Чави го откажал денешниот тренинг
Тренерот на Барселона Чави Ернандез го откажал денешниот тренинг. Шпанските медиуми пишуваат дека елиминацијата од ПСЖ во четвртфиналето на Лигата на шампионите предизвикала сериозни потреси во клубот.
На тренингот се појавиле само капитенот Серхио Роберто, Педри и Гави кој се опоравува од повредата на коленото.
Атмосферата е лоша, а тензиите се зголемија по изјавите на Илкај Гиндоан. Германскиот репрезентативец отворено критикуваше неколку соиграчи за лошите одлуки во текот на реваншот со ПСЖ.
„Силна е поделбата во соблекувалната по изјавите на Гундоган“, пишува „АС“.
Чави заедно со членовите на стручниот штаб решија да ии дадат слободен ден на фудбалерите, поради што и го откажале денешниот тренинг.
Барселона, викендов, ја очекува Ел Класико, в недела од 21:00 часот во Мадрид.
До крајот на првенството остануваат уште седум натпревари, а на табелата води Реал со осум бодови повеќе од Барселона.
Да потсетиме, Чави следната недела треба да разговара со претседателот Џоан Лапорта, доколку не добие ветувања дека ќе му ги добие засилувања во летниот преоден рок, тој на 1.јули ќе го напушти клубот.
Спорт
Обезбедувањето го спасило Мбапе од бесните играчи на Барселона
Шпанските медиуми пренесуваат дека по реваншот од четвртфиналето на Лигата на шампионите, во кој ПСЖ победи гостувањето кај Барселона (4:1), Килијан Мбапе предизвикал сериозен инцидент.
Мбапе, кој веројатно ги игра последните натпревари за ПСЖ по натпреварт имал „блиска средаб“ со играчите на Барселона.
Според информациите на шпанските медиуми, Мбапе еуфорично ја прославил победата на ПСЖ извикувајќи: „ова е фудбал, ние зборуваме на теренот“, што некои играчи на Барселона го сфатиле како провокација.
Неколку луѓе од обезбедувањето и луѓето од двата клуба спречиле неколку играчи на Барса кои се упатиле кон Мбапе.
ПСЖ за финалето ќе игра против Борусија Дортмунд.
🚨 Ce geste de Kylian Mbappé aurait rendu furieux certains joueurs du Barça après le match.
Le Français aurait déclaré : « c’est le football et c’est sur le terrain qu’il faut parler. »
— BeFootball (@_BeFootball) April 18, 2024