Спорт
Нови предизвици за Антиќ, Мекејлеб, Вилкинсон и Илиевски во ЕЛ
Вечерва во кошаркарската Евролига започнува вториот круг од на натпреварите, во фазата по групи. На програмата ќе биде по еден меч од секоја група, а свој настап ќе имаат сите македонски преставници во елитното натпреварување.
Вечерва во кошаркарската Евролига започнува вториот круг од на натпреварите, во фазата по групи. На програмата ќе биде по еден меч од секоја група, а свој настап ќе имаат сите македонски преставници во елитното натпреварување.
Капитенот на македонската репрезентација, Перо Антиќ со Олимпијакос ќе го пречека Билбао, двата тима по првите пет кола имаат учинок од две победи и три порази. Билбао на првиот меч победи, убедливо, со 76:61.
ЦСКА Москва по пет кола, во Групата Б, има исто толку победи, во шестото коло „армејците“ ќе играат на домашен терен против Жалгирис. ЦСКА во првото коло како гостин, во Каунас, го победи Жалгирис со 87:74. На овој меч ЦСКА ќе настапи без својата прва ѕвезда, Андреј Кириленко.
Владо Илиевски со Анадолу Ефес ќе го пречека Партизан, турскиот тим по пет кола има негативен скор од две победи и три порази. Партизан во Истанбул доаѓа на крилјата, на големата победа во Милано против Армани. Илиевски и Ефес ќе се обидат да ја забележат и втората победа против овој противник оваа сезона, на првиот меч во Белград, Анадолу Ефес победи со 84:73.
Еден против друг, во рамките на Групата Д, ќе играат натурализираните Лестер Бо Мекејлеб и Мајк Вилкинсон. Монтепаски на Мекејлеб е второпласиран во оваа група, „банкарите“ имаат еден пораз досега, додека рускиот Уникс се наоѓа на третото место со три победи, во петте одиграни натпревари. На првиот меч одигран во Казан, Монтепаски победи со 79:71. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.