Спорт
Сензација во ЛШ, Базел го елиминира Манчестер Јунајтед
Швајцарскиот шампион Базел со елиминацијата на Манчестер Јунајтед, приреди сензационален крај на натпреварите од фазата по групи, во Лигата на шампиони.
Швајцарскиот шампион Базел со елиминацијата на Манчестер Јунајтед, приреди сензационален крај на натпреварите од фазата по групи, во Лигата на шампиони. Базел, на домашен терен со головите на Штрелер и Александар Фрај ги совлада „црвените ѓаволи“ и си обезбеди пласман во осминафиналето во Лигата на шампиони. Поранешниот европски првак, Манчестер Јунајтед, утеха ќе бара во второто според квалитет фудбалско натпреварување на Стариот континент, Лига Европа. Несреќата, за менаџерот Алекс Фергусон, да биде поголема, е што неговата екипа по се изгледа на подолго време остана без капитенот Немања Видиќ, кој по еден дуел со Штрелер, во 44-таминута, се здоби со повреда на коленото. Покрај Базел, пласман во следната фаза, од оваа Ц група, уште претходно избори Бенфика. Лошата ноќ за тимовите од Манчестер ја надоплни и лидерот во Премиер лигата, Сити, кој и покрај победата над Баерн Минхен, не успеа да стигне до второто место во А групата, бидејќи и Наполи си ја заврши работата во Виљареал победувајќи со 0:2. Горан Пандев, во победата на својот тим ги одигра последните осум минути, тој во игра влезе на местото на Кавани. Трилер завршница имаше и во Б групата, ЦСКА во Милано го победи Интер со 1:2, со голот на Василиј Березуцки во 87-та минута, и благодарение на нерешениот резултат на натпреварот Лил-Трабзон, избори пласман во осминафиналето. Лион направи чудо во Д групата, откако и Реал одработи за францускиот тим. Реал го задржа максималниот ефект победуваќи го Ајакс, додека Лион во Загреб бркаше гол-разлика и успеа во намерата, на Динамо му даде седум гола, четири од нив ги постигна Гомис. Лигата на шампиони осминафиналните дуели ќе продолжи напролет, Македонија во нокаут фазата ќе ја преставуваат Иван Тричковски-АПОЕЛ и Горан Пандев-Наполи. Група А: Манчестер Сити-Баерн Минхен 2:0, Виљареал-Наполи 0:2Табела: Баерн 13, Наполи 11, Манчестер Сити 10, Виљареал 0Група Б: Лил-Трабзон 0:0, Интер-ЦСКА Москва 1:2Табела: Интер 10, ЦСКА 8, Трабзон 7, Лил 6Група Ц: Базел-Манчестер Јунајтед 2:1, Бенфика-Оцелул 1:0Табела: Бенфика 12, Базел 11, Манчестер Јунајтед 9, Оцелул 0Група Д: Динамо Загреб-Лион 1:7, Ајакс-Реал 0:3Табела: Реал 18, Лион 8, Ајакс 8, Динамо 0. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.