Спорт
Пеџа Стојаковиќ заминува во пензија
Предраг Стојаковиќ, по 13 сезони минати во НБА лигата, реши да замине во спортска пензија, пренесува ESPN. Еден од најдобрите српски кошаркари, во историјата на овој спорт, во 34-година од животот, на ваков чекор се реши поради проблемите со вратот и грбот.
Предраг Стојаковиќ, по 13 сезони минати во НБА лигата, реши да замине во спортска пензија, пренесува ESPN. Еден од најдобрите српски кошаркари, во историјата на овој спорт, во 34-година од животот, на ваков чекор се реши поради проблемите со вратот и грбот. „Кога ќе започнете за се натпреварувате со своето тело, повеќе отколку што се подготвувате за натпревар, тоа ќе ве разбуди. Си ветив дека ќе се повлечам во оној момент кога моето срце и тело нема да бидат 100 отсто посветени. Дојдов до тој момент и знам дека е вистинско време да се повлечам“, изјави Стојаковиќ. Пеџа Стојаковиќ ќе биде запаметен како еден од најдобрите шутери во историјата на НБА лигата. За време на својата 13 годишна кариера играше за Сакраменто, Индијана, Њу Орлеанс, Торонто и Далас. Просечно во кариерата постигнувал по 17 поени на натпревар, тројки шутирал со 40% реализација, и се наоѓа на четвртото место на вечната листа според уфрлените шутеви за три поени (1.760 тројки). Кариерата ја започна во 1994 година во Црвена звезда со која ја освои шампионската титула во домашното првенство, за потоа да се пресели во ПАОК од Солун, каде мина четири години. Од ПАОК, Стојаковиќ се сели во престолнината на Калифорнија во дресот на Сакраменто Кингс. Како член на Сакраменто ја игра својата најдобра кошарка во животот, четири пати беше учесник на „Ол стар“ натпреварите, а во сезоната 2003/04 имаше просечни 24,2 и 6,2 скока по натпревар. И покрај извонредните игри во Сакраменто, како дел од генерацијата на Дивац, Вебер, Биби, Кристи, Туркоглу, Полард тој не успеа да стигне до шампионскиот прстен. Стојаковиќ во 2006 година беше разменет во Индијана, но таму не се задржа долго. Следните четири години ги мина во Њу Орлеанс, каде имаше големи проблеми со повредите. Сепак во Њу Орлеанс на 14. ноември 2006 година постигна рекордни, во кариерата, 42 поени, а притоа стана единствениот играч во историјата на НБА лигата, кој во серија постигнал 20 поени за својот тим. Минатата сезона ја започна во Торонто, каде одигра само два натпревари за во јануари да се пресели во Далас, каде даде голем придонес во освојувањето на шампионскиот прстен, особено во плеј оф дуелите со ЛА Лејкерс. Извонредната спортска кариера Стојаковиќ ја заокружи и со своите настапи во националниот тим, во 2001 година стана европски првак со тогашна СР Југославија и беше избран за најкорисен играч на првенството, а само една година подоцна беше еден од клучните играчи за освојување на светската титула во Индијанаполис. крај/espn/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ембид го прекрши ветувањето што му го дал на претседателот Макрон
Кошаркарот на Филаделфија, Џоел Ембид му ветил на францускиот претседател Емануел Макрон во 2021 година дека ќе игра за Франција. Три години подоцна го прекрши ветувањето.
Ембид, се ремисли и реши на олимписките игри во Париз да го носи дресот на Соединетите Американски Држави.
Ембид имаше можност да игра за Камерун, земјата во која е роден.
„РМЦ Спорт“ го објави писмото Ембид што му го испратиl на претседателот Макрон во 2021 година.
„Откако разговарав со луѓе од Француската кошаркарска федерација, донесов одлука. Сакам да преземам чекори за да станам „натурализиран“ играч и на тој начин да можам да бидам член на „триколорите“. Затоа не сакам да играм за која било друга репрезентација. Никогаш не сум ги носел боите на ниту една репрезентација. За мене би било голема чест да се приклучам на оваа француска репрезентација за да учествувам на следните големи натпреварувања, особено на Олимписките игри во 2024 година“, пишува меѓудугото во писмото на Ембид.
Joel Embiid a envoyé une lettre à Emmanuel Macron en 2021, dans laquelle il a promis de jouer pour l’équipe de France afin d’obtenir la nationalité française, selon @RMCsport.
Extrait de la lettre : « Mon choix est arrêté […] Je ne souhaite jouer pour aucune autre équipe… pic.twitter.com/mVLV7xrhkF
— Benjamin Moubèche (@BenjaminMoubech) April 18, 2024
Инаку, Ембид е на списокот од 12 играчи на САД кои ќе играат во Париз.
Во ростерот на Стив Кер се и Стеф Кари, Тајрис Халибартон, Џру Холидеј, Ентони Едвардс, Девин Букер, Кевин Дурант, Џејсон Тејтум, Ентони Дејвис, Леброн Џејмс, Каваи Ленард и Бем Адебајо.
Спорт
Имобиле ќе го напушти Лацио, замената доаѓа од Џенова
По осум години минати во клубот, капитенот на Лацио, Чиро Имобиле ќе го напушти „Олимпико“, на крајот од сезоната.
Имобиле четири пати беше најдобар стрелец во италијанската Серија А, 34-годишниот се смета за еден од најдобрите напаѓачи во историјата на клубот.
Иако договорот му истекува дури во летото 2026 година, најдобриот стрелец во клупската историја не е во плановите на новиот тренер Игор Тудор, кој веќе најде замена за него.
Како што пишува италијанска „Ла Република“, следното лето Лацио ќе тргне по центарфорот на Џенова, Матео Ретеги, италијанскиот репрезентативец, роден во Аргентина.
Ретеги има 24 години, а оваа сезона за Џенова постигна осум гола на 26 натпревари, а за селекцијата на „аѕурите“ одигра шест натпревари и постигна четири гола.
Џенова за трансферот на Ретеги ќе бара околу 25.000.000 евра.
Спорт
Себаљос заминува од Реал
Играчот од средниот ред на Реал Мадрид, Дани Себаљос (27) ќе го напушти клубот по завршувањето на сезоната. Шпанските и италијанските медиуми тврдат дека тој ќе се пресели во Милан.
Себаљос е член на Реал од 2017 година, а од 2019 до 2021 година беше на позајмица во Арсенал. Се шпекулираше и пред почетокот на минатата сезона дека ќе го напушти клубот, но реши да остане, убеден дека ќе добие шанса од Карло Анчелоти.
Она што го планираше не му се оствари, тековната сезона ј минува на клупата за резерви.
Поради тоа е подготвен да го напушти Мадрид, а според информациите Реал нема да се противи на трансферот, што покажува и обесштетувањето кое го бара за Себаљос, а кое изнесува 8.000.000 евра.
Шпанските и италијанските медиуми пренесуваат дека најголем интерес покажал Милан, а како потенцијални дестинации се споменуваат и Атлетико Мадрид, односно Бетис.