Спорт
Перо Антиќ најдобар кај Олимпијакос
Капитенот на кошаркарската репрезентација на Македонија, одигра извонреден меч за Олимпијакос и беше најзаслужниот за победата на неговата екипа над Нанси од 74:79.
Капитенот на кошаркарската репрезентација на Македонија, одигра извонреден меч за Олимпијакос и беше најзаслужниот за победата на неговата екипа над Нанси од 74:79.
Антиќ, во отсуство на повредениот Спанулс, го предводеше својот тим со 20 поени, 4 скока и 3 асистенции. Со оваа победа Олимпијакос го освои првото место во А групата, во евролигашката конкуренција.
Во оваа конкуренција пласман во Топ 16 изборија Фенербахче и Билбао, со победите на Канту, односно Каха Лаборал.
Вистинска драма се случи во Ц групата, каде се решаваше последниот патник во Топ 16. Армани победи во Белград против Партизан со 66:72 и го освои четвртото место во групата. Партизан ќе одеше понатаму и со пораз, но тој да беше изразен со помалку од четири коша.
Група А:Билабо-Каха Лаборал 77:72Канту-Фенербахче Улкер 76:83Нанси-Олимпијакос 74:79
Табела: Олимпијакос 6-4, Фенербахче 6-4, Канту 5-5, Билбао 5-5, Каха Лаборал 5-5, Нанси 3-7
Група Ц:Анадолу Ефес-Реал Мадрид 66:75Партизан-Армани 66:72Шарлроа-Макаби 69:86
Табела: Реал 8-2, Макаби 7-3, Ефес 5-5, Армани 4-6, Партизан 4-6, Шарлроа 2-8. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.
Спорт
Помошникот на Артета ќе го преземе Феенорд?
Челниците на Феенорд се свесни дека тренерот Арне Слот ќе го напушти клубот во летниот преоден рок.
Англиските медиуми пренесуваат дека тој ќе го наследи Јирген Клоп во Ливерпул. Овие извири тврдат дека двете страни се блиску до конечен договор.
Ливерпул ќе треба да му плати на Феенорд десет милиони евра како обештетување, бидејќи Слот има уште две години од договорот со клубот од Ротердам.
Замената за Слот, како што пишува холандскиот весник „АД“, Феенорд ќе ја донесе од Арсенал. Според овој извор, нов тренер на Феенорд ќе биде асистентот на Микел Артета во Арсенал, Алберт Стуивенберг (54).
Стуиенберг, работел во јуниорските категории на Феенорд, потоа во Англија му беше помошник на Луис ван Гал во Манчестер Јунајтед.
Тој е со Артета во Арсенал од 2019 година, а доколку биде ангажиран во Феенорд, тоа би му била прва самостојна работа.
Спорт
Удинезе и Рома го завршија прекинатиот натпревар, славеа гостите
Фудбалерите на Удинезе и Рома го завршија прекинатиот натпревар од 32. коло во италијанската Серија А. Гостите од Рим славеа со гол во судиското надополнување со 1:2.
Натпреварот кој се играше на 14 април беше прекинат во 72. минута, откако дефанзивецот на Рома, Еван Ендика колабираше на теренот. Вечерва се одиграа преостанатите 18 минути.
Од 72.минута дуелот продолжи со резултат 1:1. Рома забележа значајна победа со голот на Брајан Кристанте во судиското надополнување, на асистенција на Пауло Дибала.
На двете екипи им беа неопходни бодови, Удинезе бидејќи се бори за опстанок, Рома е во трака за место Лигата на шампионите. Рома е петта на табелата со 58 бодови, четири помалку од Болоња на четвртото место. Удинезе е на 17. место со 28 бодови, колку шт има и Фросиноне.