Спорт
Мајами супериорен против шампионот
Мајами Хит, на отворањето на НБА сезоната, во натпревар кој беше реприза на минатосезонското финале, го победи Далас, со 105:94.
Мајами Хит, на отворањето на НБА сезоната, во натпревар кој беше реприза на минатосезонското финале, го победи Далас, со 105:94. Леброн, Вејд и останатите, уште еднаш им честитаа на Маверикси за освоената титула, а потоа со Новицки и друштвото едноставно го пребришаа паркетот, иако тоа конечниот резултат не го покажува, во „Американ Ерлајнс Центар“. Мајами доминираше од самиот почеток, и многу бргу стигна до двоцифрена предност 21:11, која во продолжение на натпреварот само се зголемуваше. Првиот период Мајами го доби со 32:17, во втората четвртина екипата предводена од Леброн Џејмс на таа предност додаде уште шест поени, за конечни и огромни на полувремето 62:41. Третиот период „жешките“ го отворија со серија од 16:2, стигнувајќи до највисоката предност од 78:43. Актуелните шампиони, катастрофата ја избегнаа во последниот период, кога играчите на Мајами притиснаа на сопирачките, дозволувајќи му на противникот овој дел од натпреварот да го добие со 29:9. Мајами уште во првиот натпревар покажа дека сезонава е првиот фаворит за шампионскиот прстен, а Леброн Џејмс дека е решен да го тргне проклетството од себе. Далас, од друга страна, тешко ќе може да ја одбрани титулата, заминувањето на Џеј Џеј Бареа и Џош Хауард, како и пензионирањето на Стојаковиќ се чини дека направи голема дупка на надоворешните позиции, а особено ненадоместливо ќе биде заминувањето во Њујорк, на главниот дефанзивец, Тајсон Чендлер. Во победата на Мајами, најекспониран играч беше Леброн Џејмс со 37 поени, 10 скока и 6 асистенции, Двеј Вејд го следеше со 26 поени, 8 скока и 6 асистенции. Кај Далас, Џејсон Тери постигна 23, а Дирк Новицки 21 поен, но со лоша реализација од поле, Германецот погоди само шест од 15-те удари кон противничкиот кош. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.