Спорт
Дурент и Леброн не запираат
Десет натпревари се одиграа во НБА лигата, на нив по пет победи забележаа домашните и гостинските тимови.
Десет натпревари се одиграа во НБА лигата, на нив по пет победи забележаа домашните и гостинските тимови. Мајами ја забележа третата победа од стартот на сезоната, „жешките“, во неизвесен натпревар победија во Шарлот со 96:95. Леброн Џејмс го предводеше својот тим со 35 поени, 6 скока и 7 асистенции. Значаен придонес во победата на Мајами даде и Крис Бош, кој постигна 25 поени, третата голема звезда на мајами, Двејн Вејд немаше своја вечер, постигна само 10 коша. Шарлот во поразот го предводеа Хендерсон со 21 и Аугустин со 20 поени. Три победи од почетокот на сезоната има и екипата на Оклахома, Тандерс во Мемфис славеа со 98:95. Кевин Дурент повторно беше лидер на својот тим, мечот го заврши со 32 поени, на спротивната страна тројца играчи имаа двоен ефект: Зак Рендолф (24 поени, 12 скокови), Марк Гасол (16 поени, 12 скокови) и Руди Гај (19 поени и 12 скокови). За обележување се поразите на Бостон и Њујорк. Бостон во новата сезона сеуште нема победа, третиот пораз, 97:78, Селтикси го забележаа во Њу Орлеанс. Петмина кошаркари на Њу Орлеанс во победата постигнаа двоцифрен број на поени, најмногу 21 Џек, Лендри постигна 20, Окафор и Белинели по 13, а Каман 12 поени. Њујорк запиша пораз на гостувањето во Оукленд, кај Голден Стејт од 92:78. Монта Елис со 22 поени ги предводеше „воините“ до победата. На другите натпревари:Торонто-Индијана 85:90Детроит-Кливленд 89:105Феникс-Филаделфија 83:103ЛА Клиперс-Сан Антонио 90:115Денвер-Јута 117:100Атланта-Вашингтон 101:83. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.