Спорт
Шундовски го објави списокот за Еуро 2012
Селекторот на ракометната репрезентација на Македонија, Звонко Шундовски, реши кои шеснаесет играчи ќе патуваат на Европското првенство во Србија, кое ќе започне во недела. По вечерашниот тренинг, Шундовски реши со репрезентацијата да патува и Ванчо Димовски, чии настап беше неизвесен.
Селекторот на ракометната репрезентација на Македонија, Звонко Шундовски, реши кои шеснаесет играчи ќе патуваат на Европското првенство во Србија, кое ќе започне во недела. По вечерашниот тренинг, Шундовски реши со репрезентацијата да патува и Ванчо Димовски, чии настап беше неизвесен.
Македонија првиот натпревар, на Еуро 2012 против Шведска, на 15. јануари, во Ниш, ќе го дочека со следниве играчи:
Голмани: Борко Ристовски (Вардар Про), Петар Ангелов (Металург)
Бекови: Кирил Лазаров (Атлетико Мадрид), Наумче Мојсоски (Металург), Филип Миркуловски (Металург), Бранко Ангеловски (Констанца), Филип Лазаров (Вардар Про), Велко Маркоски (Металург), Ацо Јоноски (Металург), Влатко Митков (Бармбах)
Крила: Стевче Алушовски (Металург), Владимир Темелков (Башараж), Златко Мојсоски (Металург), Дејан Манасков (Металург)
Пивоти: Ванчо Димовски (Металург), Стојанче Стоилов (Вардар Про)
Од спискотот отпаднаа голманот Никола Митревски и играчите Милорад Кукоски и Никола Марковски.Покрај Шведска, противници на Македонија ќе бидат и Германија, на 17. јануари, односно Чешка, на 19. јануари. Три репрезентации од групата ќе изборат пласман во втората фаза од шампионатот.
Македонската ракометна експедиција за Ниш ќе замине во текот на утрешниот ден. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.
Спорт
Помошникот на Артета ќе го преземе Феенорд?
Челниците на Феенорд се свесни дека тренерот Арне Слот ќе го напушти клубот во летниот преоден рок.
Англиските медиуми пренесуваат дека тој ќе го наследи Јирген Клоп во Ливерпул. Овие извири тврдат дека двете страни се блиску до конечен договор.
Ливерпул ќе треба да му плати на Феенорд десет милиони евра како обештетување, бидејќи Слот има уште две години од договорот со клубот од Ротердам.
Замената за Слот, како што пишува холандскиот весник „АД“, Феенорд ќе ја донесе од Арсенал. Според овој извор, нов тренер на Феенорд ќе биде асистентот на Микел Артета во Арсенал, Алберт Стуивенберг (54).
Стуиенберг, работел во јуниорските категории на Феенорд, потоа во Англија му беше помошник на Луис ван Гал во Манчестер Јунајтед.
Тој е со Артета во Арсенал од 2019 година, а доколку биде ангажиран во Феенорд, тоа би му била прва самостојна работа.
Спорт
Удинезе и Рома го завршија прекинатиот натпревар, славеа гостите
Фудбалерите на Удинезе и Рома го завршија прекинатиот натпревар од 32. коло во италијанската Серија А. Гостите од Рим славеа со гол во судиското надополнување со 1:2.
Натпреварот кој се играше на 14 април беше прекинат во 72. минута, откако дефанзивецот на Рома, Еван Ендика колабираше на теренот. Вечерва се одиграа преостанатите 18 минути.
Од 72.минута дуелот продолжи со резултат 1:1. Рома забележа значајна победа со голот на Брајан Кристанте во судиското надополнување, на асистенција на Пауло Дибала.
На двете екипи им беа неопходни бодови, Удинезе бидејќи се бори за опстанок, Рома е во трака за место Лигата на шампионите. Рома е петта на табелата со 58 бодови, четири помалку од Болоња на четвртото место. Удинезе е на 17. место со 28 бодови, колку шт има и Фросиноне.