Спорт
Шведска е првиот предизвик за ракометната репрезентација
Ракометната репрезентација на Македонија, вечерва ќе го одигра првиот натпревар на Европското првенство, чии домаќин е Србија. Во салата „Чаир“, противник на избраниците на селекторот Звонко Шундовски, ќе биде селекцијата на Шведска.
Ракометната репрезентација на Македонија, вечерва ќе го одигра првиот натпревар на Европското првенство, чии домаќин е Србија. Во салата „Чаир“, противник на избраниците на селекторот Звонко Шундовски, ќе биде селекцијата на Шведска.
Репрезентацијата на „Трите круни“ е противник со најдобро педигре, од репрезентациите со кои нашата селекција ќе се сретне во Б групата. Швеѓаните, имаат осум учества на Европските првенства, на кои четири пати (1994, 1998, 2000, 2002) ја освојувале титулата. Во досието на шведската селекција стои дека тие имаат уште четири златни, три сребрени и четири бронзени медали од Светските првенства и три сребрени медали од Олимписките игри.
Но сепак Шведска, од 2002 година нема медал на големите натпреварувања, на последното Европско првенство тие го освоија 15-то место. Ангажманот, на селекторската позиција, на некогаш славните ракометари, Ола Линдгрен и Штафан Олсон, кои ја подмладија селекцијата, резултираше со освојување на четвртото место на Светското првенство, кое се одржа минатата година.
Сепак прогнозите и предвидувањата се дека Шведска нема да може да го повтори овој резултат, селекторскиот двоец се соочи со проблеми, откако поради проблеми настапот на Еуро 2102 го откажаа десниот бек Оскар Карлен и левото крило Јонас Калман.
Движечка сила на селекцијата на Лингрен и Олсон, се Никлас Екберг, Ким Ектал Ду Риц, Далибор Додер, голманот Јохан Сјострад и секако еден од најдобрите десни бекови на светот Ким Андресон. Проекциите на Швеѓаните пласман на едно од местата кои водат на предолимпискиот турнир.
Место на предолимпискиот турнир ќе бркаат и македонските ракометари. Шеснаесмината на селекторот Шундовски, полни со оптимизам стигнаа во Ниш, најавуваат победа во стартниот натпревар и не се оптоварени со рејтингот, Македонија е најслабо рангирана од сите учеснички на континенталниот собир.
Репрезентативците веруваат дека мечот со Шведска, во голема мерка може да го одреди понатамошниот тек на Македонија на ова ЕП. Сите се согласни дека Шведска ќе мине во втората фаза, затоа два бода од овој дуел се исклучително важни.
Одбраната, треба да биде главниот фактор во нашата игра, доколку на вистински начин профункционира зоната 6-0, тогаш навистина не е лесно да се игра против Македонија. Јасни се и опциите и во нападот, Кире Лазаров е нашето најсилно оружје, но вниманието кое противникот ќе го насочи кон него, сигурно е дека ќе го користат пред сите Наумче Мојсоски и Филип Миркуловски, доколку во играта „учествуваат“ и крилните напаѓачи, тогаш успехот нема да изостане.
Она на што Македонија, вечерва ќе треба да обрне посебно внимание е „брзиот центар“ кој практикува да го игра Шведска.
Македонија, на Еуро 2012, по втор пат ќе учествува на европските првенства, мечот со Шведска ќе биде можност да се забележи првата победа на овие шампионати. На ЕП во Италија, во 1998 година, Македонија загуби на пет натпревари, а еден одигра нерешено.
Дуелот Македонија-Шведска ќе започне во 19:30 часот, претходно, од 17:20 часот, во нашата, Б група, натпреварот Германија-Чешка ќе го отвори Европското првенство. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.