Спорт
Еуро 2012: Франција стартуваше со пораз
Репрезентацијата на Шпанија, иако се наоѓа меѓу фаворитите за освојување на медал на Еуро 2012, направи мало изненадување, победувајќи ја Франција со 29:26.
Репрезентацијата на Шпанија, иако се наоѓа меѓу фаворитите за освојување на медал на Еуро 2012, направи мало изненадување, победувајќи ја Франција со 29:26. Шпанија до победата стигна со разновидна игра во нападот и сигурна и цврста одбрана со која диригираше голманот Хомбрадос. Угалде, Ентрериос и Канелас постигнаа по четири гола, но јунак на Шпанците е голамнот Хомбрадос кој имаше 15 одбрани. Жером Фернандез и Лук Абало со седум, односно шест гола беа најекспонирани во составот на Франција, репрезентација која е актуелен европски, светски и олимписки првак. Во вториот натпревар, од првото коло во Ц групата, Русија и Унгарија ги поделија бодовите играјќи 31:31. Натпреварот беше сличен на оној кој го одиграа Македонија и Шведска, на крајот и Русите и Унгарците се задоволни од освоениот бод, двете селекции во финишот имаа можност да забележат победа. Чипурин постигна пет гола, а уште четворица играчи на Русија по четири пати се запишаа меѓу стрелците. Унгарија ја предовдеа Кашар со осум и Иваншик со шест гола. Првото коло вечерва се комплетираше и во Д групата. Хрватска, дури во финишот, со серија од 4:0, го скрши Исланд и забележа победа од 31:29. Голманот Алиловиќ со 17 интервенции беше најзаслужен за победата на „коцкестите“, додека најефикасни беа Штрлек со осум, и Бунтиќ, односно Чушиќ со пет гола. Кај Исланѓаните најефикасен беше Сигурдсон со осум гола. Норвешка до првата победа на ЕП стигна со минималецот од 28:27 против Словенија. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Инзаги по освојувањето на титулата: Неверојатно чувство, момците се исклучителни
Со победата од 2:1 над градскиот ривал Милан, фудбалерите на Интер синоќа ја освоија 20. титула во италијанската Серија А и ја сошија втората ѕвезда над грбот на својот клуб.
Интер ја круниса доминантна сезона во Италија и на пет кола до крајот има 17 бода повеќе од Милан.
„Нероаѕурите“ беа убедливи во текот на целата сезона, на 33 натпревари претрпеа само еден пораз, и тоа на домашен терен од Сасуоло.
Тренерот Симоне Инзаги конечно стигна до Скудетото во неговата трета сезона во Интер.
Едвај ја задржа работата на крајот од првата сезона, кога во финишот на сезоната 2021/2022. му ја предаде титулата на Милан, но минатата сезона го одведе Интер до финалето на Лигата на шампионите, а сега ја освои Серија А.
„Неверојатно е чувството, постигнавме нешто извонредно. Има многу протагонисти во овој успех. Пред се, играчите, исто така и директорите, а потоа и Стивен Жанг, за се што ни овозможи на ова патување. Моите мисли одат и кај моето семејство, сопругата и децата, родителите… Мојата мана е што понекогаш не можам да ја напуштам работата и да ја носам дома, но моето семејство е основата на сè“, рече Инзаги.
Спорт
И Аргентинец ќе суди на ЕП во Германија
Европската фудбалска федерација (УЕФА) го објави списокот на судии на кои смета за претстојното Европско првенство во Германија.
Најмногу претставници, по двајца имаат Англија, Италија, Франција и Германија. Од судиите од регионот, во Германија ќе го видиме само Славко Винчиќ од Словенија, кој ќе работи заедно со неговите помошници Томаж Кланчник и Андраж Ковачиќ.
Словенија ќе има претставници и во ВАР-собата, Нејц Кајтазовиќ (како ВАР судија), Раде Обреновиќ и Јуре Прапротник (како помошни ВАР судии или четврти судија).
Меѓу ВАР судиите ќе бидат и Ирфан Пељто и Сенад Ибришимбеговиќ од Босна и Херцеговина.
Факундо Тељо од Аргентина доби специјална покана врз основа на соработката на УЕФА и КОНМЕБОЛ.
Судии на ЕУРО:
Ентони Тејлор, Мајкл Оливер (Англија), Марко Гуида, Даниеле Орсато (Италија), Даниел Зиберт, Феликс Цвајер (Германија), Клемон Турпан, Франсоа Летексиер (Франција), Дани Макели (Холандија), Шимон Марчињак (Полска), Артур Диас (Португалија), Иштван Ковач (Романија), Иван Крузлиак (Словачка), Славко Винчиќ (Словенија), Хесус Хил Манзано (Шпанија), Глен Ниберг (Шведска), Сандро Шерер (Швајцарија) и Халил Умут Мелер (Турција) + Факундо Тељо (Аргентина).
Спорт
Коман го пропушта Евро 2024
Кингсли Коман (27), крилниот напаѓач на Баерн го повреди адукторот во 49. минута од првенствениот меч со Келн (2:0), го напушти теренот на носилки бидејќи не можеше да застане на десната нога, а се испостави дека станува збор за сериозна повреда.
Требаше да паузира неколку недели, а се испостави дека францускиот репрезентативец ќе го пропушти ЕП во Германија, дознава „Лекип“.
Магнетна резонанца утврди дека закрепнувањето ќе трае подолго од очекуваното, а од самиот почеток беше јасно дека сезоната за него е завршена, но имаше индикации дека ќе се опорави за ЕП, со оглед на тоа што селекторот на триколорите, Дидие Дешам сериозно сметаше на него.
Франција го игра воведниот натпревар против Австрија во Дизелдорф.
Инаку, Коман поради претходни повреди оваа сезона веќе пропушти 13 натпревари во сите натпреварувања, а на тоа ќе додаде уште најмалку шест, во зависност од тоа дали Баерн ќе се пласира во финалето на Лигата на шампионите.
Коман, роден во Париз, ги помина сите младински селекции на Франција, а за сениорската селекција дебитираше во 2015 година. Досега има 55 настапи со осум постигнати голови.