Спорт
Наполи не ја совлада Болоња на свој терен
Во последниот натпревар од 18-то коло на италијанското фудбалско првенство, Наполи и Болоња ги поделија бодовите одигрувајќи скромни 1:1.
Во последниот натпревар од 18-то коло на италијанското фудбалско првенство, Наполи и Болоња ги поделија бодовите одигрувајќи скромни 1:1.Гостите поведоа со голот на Роберто Аквафреска во 14 минута благодарение на грешката на домашниот одбрабен играч Кампањаро. Изедначувањето за Наполи го донесе во 71 минута Единсон Кавани од пенал по контакт со раце на гостинскиот фудбалер Перез, што предизвика негодувања кај играчите на Болоња.Македонскиот интернационалец Горан Пандев имаше просечно издание, а во два наврата го проигра во изгледни ситуации Кавани, во првиот дел во 25 минута убаво во празно го проигра својот соиграч, но гостинскиот одбранбен играч ја отстрани опасноста, а во слична ситуација во 68 минута против Кавани беше досуден офсајд. Пандев во 77 минута се обиде низ тројца противници со дриблинг да мине низ средината но Черубин со лизгачки старт го затвори неговиот продор. Наполи со овој резултат остана на шестата позиција, но сега со четири бодови помалку од шестиот Интер кој во градското дерби со актуалниот шампион Милан во неделата навечер славеше со 1:0. Болоња, пак се искачи за едно место погоре на табелата и е 16-та со 19 бодови што не и’ дава спокој во идните мечеви од Серија А во кои ќе мора да си обезбеди опстанок.По коплетирањето на 18-то коло во Италија, нема промени на врвот од табелата, Јувентус е прв со 38 бодови, Милан откако ја пропушти можноста да го мине остана на 37, трет е Удинезе со 35 а четврт е Лацио со 33 бодови./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.
Спорт
„Заминувам ако Алегри остане тренер“
Федерико Киеза (26) е подготвен да го напушти Јувентус. „Газета дело Спорт“, дури тврди дека италијанскиот репрезентативец им поставил ултиматум на клупските челници.
Енрико Киеза, сезонава не игра на вообичаеното ниво откако се опорави од тешката повреда.
Иако италијанскиот репрезентативец постигна скромни осум гола и две асистенции за неговите стандарди, Јувентус би сакал да го задржи, но се уште нема никаков напредок во преговорите.
Неговиот актуелен договор е до 2025 година, што значително го намалува просторот за маневрирање на клубот.
Киеза на лето би можел да влезе во последната година од договорот и тоа ќе биде последна шанса да клубот заработи од неговиот трансфер.
„Газета дело Спорт“, пишува дека Киеза својот потенцијален останок во клубот го условува со ултиматум. Италијанскиот весник пишува дека Киеза на затворен состанок јасно им кажал на клупските челници дека сигурно ќе го напушти клубот доколку Масимилијано Алегри остане тренер и во следната сезона.
Сериозен интерес за Киеза покажа Рома, односно нејзниот тренер Даниеле Де Роси, кој ќе ја доби довербата да го предводи тимот и наредната сезона.
Спорт
Барселона подготвува мегатрансфер, го продава Араухо за 100 милиони евра
Барселона е подготвена да го продаде Роналд Араухо (25), објави каталонски „Спорт“. Овој извор наведува дека Барселона мора да заработи од трансфери на играчи во летниот преоден рок за да избегне финансиски проблеми и да ги исполни критериумите од финансискиот фер-плеј.
Уругвајскиот дефанзивец е еден од фудбалерите кои имаат најголема пазарна вредност. Раководството на Барселона смета дека од неговиот трансфер би можеле да заработат повеќе од 100 милиони евра.
„Трансфермаркт“, неговата вредност ја проценува на 70 милиони евра, а неговиот договор со Барселона истекува во јуни 2026 година.
Барселона смета, тврди „Спорт“, дека во суперталентот Пау Кубарси (17), има квалитетна дефанзивна опција. Доколку би го продале Араухо, Барселона би се обидела да донесе слободен играч кој би му бил партнер на Кубарси.
Араухо ја започна својата кариера во уругвајските клубови Рентистас и Бостон Ривер. Во 2018 година Барселона го донесе за речиси пет милиони евра, а оттогаш забележа 147 настапи, постигна осум гола. Со Барселона има освоено три трофеи.