Спорт
Македонија-Германија 12:12 (полувреме)
Вистинска ракометна „војна“ во овие моменти во Ниш водат ракометните репрезентации на Македонија и Германија. По 30 минути игра, во пеколна атмосфера, што ја создадоа македонските навивачи – резултатот е 12:12.
Вистинска ракометна „војна“ во овие моменти во Ниш водат ракометните репрезентации на Македонија и Германија. По 30 минути игра, во пеколна атмосфера, што ја создадоа македонските навивачи – резултатот е 12:12, јавува репортерот на Макфакс од Ниш.
Германците го отворија натпреварот со три гола, нашиот напад се мачеше против силната и цврста 6-0 одбрана на противникот во првите пет минути, којашто прв ја проби Кире Лазаров. До шестата минута Македонија успеа да израмни на 3:3.
Следува период на играта во кој се игра гол за гол, а Германците свесни за важноста на натпреварот и со провокации се обидуваат да извлечат нешто повеќе. Македонија до првата предност стигна во 16 минута – 7:6, со вторито гол на Стоилов.
Македонија од 17 до 19 минута игра со двајца ракометари помалку, поради исклучувањата на Марковски и Јоновски.
Во овој период од играта во кој во преден план е германскиот голман Лихтлеин кој со три одбрани не и’ дозволува на Македонија да се одлепи на пристојна разлика. Германија, користејќи ги нашите грешки, во 26 минута оди на два разлика 9:11.
Предноста Германија ја има само две минути. Стоилов и Алушовски постигнуваат голови за 11:11.
Пивотот Стојанче Стоилов е прво име во нашиот состав, тој постигна пет голови. Во нашиот состав уште само тројца се запишаа меѓу стрелците Лазаров постигна четири гола, Мојсоски – два и Алушовски еден, нашите голмани во првиот дел искомбинираа само три одбрани: Ристовски два, Ангелов една.
Наспроти нив, во противничкиот табор Кауфман со четири гола и голманот Лихтлеин со пет одбрани се први имиња во репрезентацијата на Германија. /крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.