Спорт
Чешка – тест за можностите на Македонија
Ракометната репрезентација на Македонија, вечерва го игра можеби најзначајниот натпревар во последните три години, натпревар, по кој ќе биде познато, дали „црвено-жолтите“ ќе го продолжат настапот на 10-то Европско првенство, кое од 15-29. јануари се одржува во Србија.
Ракометната репрезентација на Македонија, вечерва го игра можеби најзначајниот натпревар во последните три години, натпревар, по кој ќе биде познато, дали „црвено-жолтите“ ќе го продолжат настапот на 10-то Европско првенство, кое од 15-29. јануари се одржува во Србија. Чешка е противникот против кој Македонија ќе се обиде да ја оствари проектираната цел, пласман во втората рунда, чии натпревари ќе се играат во Белград. Чешка не е наивен противник, но Македонија има доволно квалитет за да може да се справи со оваа екипа. Дека избраниците на селекторот Шундовски го поседуваат квалитетот за настап на големите натпреварувања, потврдија првите две средби, против Шведска и Германија, од кои за жал наместо три или четири бода, освоија само еден. Против Шведска, ремито беше реален исход, против Германија, Македонија загуби добиен натпревар. Токму психолошкиот момент ќе биде многу важен за овој меч, и логично е дека се наметнува прашањето, дали македонските ракометари веќе заборавија и го архивираа незаслужениот пораз од Германија. Доколку го надминат тој момент, тогаш, без оглед што Чешка има квалитет, Македонија ќе биде блиску до пласман во вториот круг и до првата победа, воопшто, на европските првенства. За да стигне до посакуваниот резултат „црвено-жолтите“ ќе мора да ја подобрат играта во нападот, бидејќи одбраната во првите два меча функционираше речиси беспрекорно. Против Шведска, а особено против Германија, избраниците на Шундовски одигра одбрана достојна на најголемите европски селекции. Но, ако одбраната функционираше, нападот и не одеше така добро, без проблем функционираше само соработката на надворешната линија со пивотот Стоилов, останатите елементи во напаѓачката игра мора да се поправат, особено кога Македонија напаѓа со играч повеќе. Токму нападот со играч повеќе и лошата реализација на ударите од седум метри, се причините што ракометарите имаат само еден бод на своето конто. Според информациите кои доаѓаат од нашиот табор токму на овие елементи на последниот тренинг, (кој Шундовски го затвори за новинарите), работеле селекторот и ракометарите. Што се однесува до Чешка, тоа е репрезентација која во последните две години бележи релативно добри резултати, на ЕП во Австрија во 2012 година, Чесите го освоија 10-то место, а на СП во Шведска завршија на 12-то место. Европското во Србија е седмо учество на ЕП, а најдобриот пласман го забележале во 1996 година, кога завршија на шестото место. Играта на Чешка во многу нешта зависи од Филип Јиха, еден од најдобрите ракометари во светот, но внимание треба да им се посвети и на Кубеш, Ночар и Филип. Деветмина од овој состав на Чешка играат во Бундес лигата, што значи дека во играта негуваат сличен стил како и Германија. Статистички Македонија со Чешка нема добро искуство, двете селекции во минатото се соочиле пет пати, Македонија има само една победа, во квалификациите за СП во 2007 година, 36:31. Еден натпревар завршил нерешено, 27:27, во квалификациите за пласман на ЕП во 1996, а Чешка има три победи, последната е забележана во квалификациите за пласман на СП во 2007 година. Натпреварот Македонија-Чешка, во нишкиот „Чаир“ ќе започне во 20:15 часот. крај/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Фенер во Монако и на Олимпијакос во Барселона
Кошаркарите на Фенербахче и Олимпијакос славеа како гости бво Монако и Барселона, во првите плеј-оф натпревари во Евролигата.
Фенербахче, во малото кнежевство славеше по дополнителните пет минути со 95:91. Во регуларниот дел натпреварот заврши 81:81. Победата на Фенер ја засени повредата на Скоти Вилбекин, кој веројатно нема да биде подготвен за вториот натпревар.
Во победничкиот тим најефикасен беше Најџел Хејс-Дејвис со 19 поени, Ник Калатес додаде 17, а Нејтан Сестина 16 поени.
Во редовите на Монако Ели Окобо имаше 19, а Џордан Лојд и Мајк Џејмс постигнаа по 16.
Следниот натпревар се игра на истото место во петок на 26 април од 19 часот.
Олимпијакос во „Палау Блауграна“, го контролираше натпреварот од првата до последната секунда и заслужено ја победи Барселона со 77:75. Имаше Олимпијакос 13 поени предност во третиот период, Барселона се врати во мечот со серија 8:0. До крајот на натпреварот играчите на грчкиот тим ги одбија сите напади на Барселона.
Црвено-белите до брејк стигнаа со 15 поени на Најџел Вилијамс-Гос, 14 на Ајзеа Кенан, додека Петрушев имаше 12 со пет скока, а Мустафа Фал 11 поени.
Во тимот на Барселона Вили Ернангомез и Џабари Паркер постигнаа по 13 поени, Алекс Абриаес 11, а Рики Рубио 10 поени.
Вториот меч на програмата е во петок во Барселона.
Спорт
(Видео) Аталанта ќе се бори за трофејот во Купот на Италија
Аталанта вечерва избори пласман во финалето, во Кушот на Италија. Во реваншот, талнат ја победи Фиорентина со 4:1.
Предноста со која Фиорентина допатува во Бергамо ја анулира Копмајнерс во осмата минута.
Фиорентина остана со фудбалер помалку во 53.минута, кога Миленковиќ како последен човек во одбраната направи фаул врс Скамака.
И со играч помалку Фиорентина успеа да изедначи преку Мартинез Кватра во 68.минута. Работите во вкупниот резултат ги врати Скамака со евро-гол во 75.минута.
Драмата кулминираше во самиот финиш Лукман погоди во 95. за 3.1, а три минути подоцна точка на натпреварот стави Пашалиќ.
Фиорентина сигурно ќе има жестоки поплаки за судењето на Ла Пења. Впечаток е дека Фиорентина не доби пенал при водство на Аталанта 1:0, а исто така спорен е почетокот на акцијата при третиот гол, кога Бираги беше фаулиран, а и спорна е позицијата на стрелецот на голот Лукман.
Таму ги чека Јувентус кој претходно го победи Лацио.
Финалето е закажано за 15 мај.
Спорт
(Видео) Евертон ги згасна шампионските сништа на Ливерпул
Шампионските сништа на Ливерпул во „Мерсисајд“ дербито ги згасна Евертон. „Карамелите“, вечерва славеа со 2:0 и прв пат по 14 години славеа како домаќини над градскиот ривал.
Корнерите му пресудија на Ливерпул на „Гудисон парк“. Најпрвин реализираше Брејтвајт во 27., а точка на мечот стави Калверт-Лувин во 58.минута.
Ливерпул остана втор на табелата со три бода помалку од Арсенал, трет е Манчестер сити со четири бода и два натпревари помалку.
Евертон, со сите проблеми што ги има сезонава (одземањето на бодови), се чини дека со овој триумф го обезбеди опстанокот во лигата.
На „Олд Трафорд“, нова мачна партија на Манчестер јунајтед. Тимот на Тен Хаг губеше до 61.минута од најслабиот тим во Премиер лигата. На крајот „црвените ѓавли“ славеа со 4:2.
Шефилд поведе во 35. минута преку Богл, а Мегваер израмни во 42. Гостите го вратија водството во 50. минута, кога Чилеанецот Бреретон-Дијаз го совлада Онана. Бруно Фернандеш од пенал во 61. минута изедначи на 2:2.
Во финишот дојде до израз напаѓачкиот квалитет на Јунајтед, па домашните славеа со головите на Бруно Фернандеш во 81. минута и Хојлунд во 85. минута.
Кристал Палас е во одлична форма под водство на новиот менаџер Оливер Глезнер, а по Ливерпул и Вест Хем неговата сила ја почувствува и Њукасл. Двоен стрелец беше Матета во 55. и 88. минута.
Во Вулверхемптон, Бурнемаут со голот на Семења во 37. минута победи со 1:0.