Спорт
Денот „Д“ за македонските ракометари на Еуро 2012
Македонските ракометари, вечерва, против домаќинот Србија ќе го одиграат последниот натпревар во четврфиналната Група 1.
Македонските ракометари, вечерва, против домаќинот Србија ќе го одиграат последниот натпревар во четврфиналната Група 1. Овој натпревар, без оглед како ќе завршат претходните два натпревари, ќе даде одговор на многу прашања, кои се поставуваат деновиве, околу тоа дали Македонија може да избори директен пласман на Олимписките игри, или пак патот до Лондон ќе го бара низ квалификациски турнир. Најдобра варијанта, за нашите ракометари е онаа која е најтешка: Шведска да ја совлада Данска, Полска да ја победи Германија, но не со поголема предност од два гола и логично, Македонија да ја победи Србија, тогаш „црвено-жолтите“ би биле полуфиналисти. Колку и да изгледа „луда“ оваа комбинација, таа е остварлива, но проблемот е скандинавската пресметка, огромна е веројатноста дека Шведска нема да и пружи отпор на Данска. За потсетување, колку добри комшиски односи имаат овие две земји, присетете се на ЕП во фудбал кое се одигра во Португалија. Тогаш Данска и Шведска со единствениот резултат 2:2, што им одговараше, ја елиминираа Италија. Што ќе се случи доколку не се оствари првото сценарио, односно не се пласираме во полуфиналето. Тогаш Македонија ќе брка пласман на еден од трите квалификациски турнири, каде Европа има уште две места. Од европските репрезентации место во квалификациите за Лондон имаат обезбедено Хрватска, Данска, Шпанија, Исланд, Унгарија и Шведска. Значи покрај Македонија, од учесниците на Еуро 2012 место во предквалификациите бркаат Германија, Србија, Полска и Словенија. Најдобрата варијанта за нашите ракометари е Србија или Германија да ја освојат европската титула (шампионот на Европа директно патува на олимпијадата), а во конечниот пласман да бидат пред Полска и Словенија. Математики и комбинации има доста, а како се ќе се заврши ќе биде јасно вечерва нешто по 21:30 часот кога Македонија и Србија ќе го завршат својот натпревар. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.