Спорт
Чорлука на позајмица во Леверкузен
Фудбалскиот репрезентативец на Хрватска, Ведран Чорлука, до крајот на сезоната ќе игра во бундеслигашот Баер од Леверкузен, соопшти неговиот клуб Тотенхем.
Фудбалскиот репрезентативец на Хрватска, Ведран Чорлука, до крајот на сезоната ќе игра во бундеслигашот Баер од Леверкузен, соопшти неговиот клуб Тотенхем. „Тој е врвен професионалец и за нашиот клуб ќе биде големо засилување“, рече извршниот директор на Баер, Волфган Холцаузер. Според договорот на двата клуба, Баер на крајот од сезоната ќе може да го откупи договорот на Чорлука. Хрватскиот репрезентативец во Тотенхем се пресели во јуни 2008 година од Манчестер Сити, за лондонскиот клуб има одиграно 91 натпревар и постигнато еден гол. Новиот тим на Чорлука, наскоро, во осмина финалето во Лигата на шампиони ќе игра против Барселона. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дуплантис (повторно) го собори сопствениот рекорд
Швеѓанецот Арманд Дуплантис продолжи да ги поместува границите во дисциплината скок со стап. Тој го собори сопствениот светски рекорд за еден сантиметар на митингот во Дијамантската лига во Ксианмен, Кина.
Новиот светски рекорд сега изнесува 6,24 метри, претходниот рекорд го постави лани во септември на митингот во Јуџин, САД.
„Прв пат се натпрварувам во Кина и одлично е вака да се започне сезоната на отворено“, изјави Дуплантис, кој натпреварувањето го започна на 5,62 метри.
Потоа скокна 5,82, па 6,00, а потоа го постави новиот светски рекорд.
„За да се постави светски рекорд, сè треба да биде на своето место. Сите работи се поклопија денеска. Дефинитивно по тој скок од 6.00 метри почувствував дека можам да направам нешто вакво. На овој начин се извадив за лошата сезона во сала, иако скокнав 6,10 во Глазгов. Ми требаше малку оган, сакав да си докажам дека можам подобро отколку тогаш“, рече Дуплантис.
DINGUUUUEEEE 🤯🤯
ARMAND “MONDO” DUPLANTIS 🇸🇪 AMÉLIORE SON RECORD DU MONDE DU SAUT À LA PERCHE EN PLEIN MOIS D’AVRIL !!! 😱
6.24M À SON PREMIER ESSAI #XiamenDL #Athlétisme
pic.twitter.com/Cl99Yr4ulr— MR.CARTER (@NelsonCarterJr) April 20, 2024
Спорт
Ѓоковиќ нема да игра на Мастерсот во Мадрид
Новак Ѓоковиќ очекувано нема да игра на Мастерсот во Мадрид.
Ѓоковиќ по трет пат во последните четири години нема да игра во Мадрид, а во последниот настап (2022) стигна до полуфиналето.
Исто така, светскиот број 1 го пропушти турнирот во Мадрид во 2014 и 2015 година.
Условите за игра во шпанската престолнина, земајќи ја предвид надморската височина, се различни од сите други турнири на земјена подлога, вклучувајќи го и Ролан Гарос, што е примарна цел на Ѓоковиќ во овој дел од сезоната.
Следен турнир на Новак најверојатно ќе биде Рим, на кој има освоено шест титули. Мастерсот во Рим е на програмата од 6 до 19 мај.
Спорт
(Видео) Хаос на белградските улици – Тепачка меѓу Делии и Гробари
Сериозни инциденти се се случија во Белград, пред 173-то вечно дерби, меѓу Црвена звезда и Партизан.
Низ улиците на Белград се случиле неколку тепачки, а според видеата на социјалните мрежи, најсериозната тепачка е снимена во центарот на Блеград.
На видеото на страницата „Мој Белград“ се гледаат како летаат камења, а хулиганите имаат палки. Полицијата интервенираше, а имаше и апсења.
Според натписите на сведоците на социјалните мрежи, се слушнале и истрели, а полицијата брзо интервенирала.
Профилот на Инстаграм „Србија во живо Белград“ објави видео на кое хулиганите трчаат со палки во рацете.
Српските медуми објавија дека полицијата уапсила 50 хулигани.