Спорт
Радуловиќ во Фени, Штерјов во МЗТ
Најдобрите два тима во кошаркарското првенство на Македонија, Фени индустри и МЗТ, ден пред стартот на Супер лигата, своите редови ги засилија со по еден нов играч. Во прашање се кошаркарите на Вардар, кој првенството ќе го продолжи во „плеј-аут“ лигата, Дарко Радуловиќ и Александар Штерјов.
Најдобрите два тима во кошаркарското првенство на Македонија, Фени индустри и МЗТ, ден пред стартот на Супер лигата, своите редови ги засилија со по еден нов играч. Во прашање се кошаркарите на Вардар, кој првенството ќе го продолжи во „плеј-аут“ лигата, Дарко Радуловиќ и Александар Штерјов. Радуловиќ, кој во првиот дел од првенството имаше просек од 17 поени по натпревар, кариерата ќе ја продолжи во редовите на актуелниот првак Фени индустри. „Добро се познавам со останатите играчи на Фени Индустри и со тренерот Рајковиќ, добро знам како функционира тимот и пред сè се надевам на брза адаптација, затоа што претстои густ распоред и не очекуваат тешки натпревари“, изјави за интернет страницата на Кошаркарската федерација на Македонија, Дарко Радуловиќ. Александар Штерјов ја засили конкуренцијата во центарската линија на МЗТ, тој првиот дел од првенството го заврши со просек од 13 поени по натпревар. „Се договоривме со Штерјов со кого потпишавме договор до крајот на оваа сезона, со можност за продолжување на соработката и за наредната. Со тоа го комплетиравме тимот за годинава и воедно костурот за наредната, во која ќе настапуваме во Јадранската лига, иако до тогаш има уште време и веројатно ќе има и уште засилувања“, изјави за сајтот на КФМ Сашо Босилков, претседателот на МЗТ Скопје Аеродром. Радуловиќ и Штерјов за своите нови екипи ќе дебитираат утре кога ќе се одигра првото коло во Супер лигата, во него МЗТ ќе го игра „вечното дерби“ со Работнички, додека Фени индустри ќе гостува со Куманово. крај/basketball.org.mk/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.
Спорт
Помошникот на Артета ќе го преземе Феенорд?
Челниците на Феенорд се свесни дека тренерот Арне Слот ќе го напушти клубот во летниот преоден рок.
Англиските медиуми пренесуваат дека тој ќе го наследи Јирген Клоп во Ливерпул. Овие извири тврдат дека двете страни се блиску до конечен договор.
Ливерпул ќе треба да му плати на Феенорд десет милиони евра како обештетување, бидејќи Слот има уште две години од договорот со клубот од Ротердам.
Замената за Слот, како што пишува холандскиот весник „АД“, Феенорд ќе ја донесе од Арсенал. Според овој извор, нов тренер на Феенорд ќе биде асистентот на Микел Артета во Арсенал, Алберт Стуивенберг (54).
Стуиенберг, работел во јуниорските категории на Феенорд, потоа во Англија му беше помошник на Луис ван Гал во Манчестер Јунајтед.
Тој е со Артета во Арсенал од 2019 година, а доколку биде ангажиран во Феенорд, тоа би му била прва самостојна работа.
Спорт
Удинезе и Рома го завршија прекинатиот натпревар, славеа гостите
Фудбалерите на Удинезе и Рома го завршија прекинатиот натпревар од 32. коло во италијанската Серија А. Гостите од Рим славеа со гол во судиското надополнување со 1:2.
Натпреварот кој се играше на 14 април беше прекинат во 72. минута, откако дефанзивецот на Рома, Еван Ендика колабираше на теренот. Вечерва се одиграа преостанатите 18 минути.
Од 72.минута дуелот продолжи со резултат 1:1. Рома забележа значајна победа со голот на Брајан Кристанте во судиското надополнување, на асистенција на Пауло Дибала.
На двете екипи им беа неопходни бодови, Удинезе бидејќи се бори за опстанок, Рома е во трака за место Лигата на шампионите. Рома е петта на табелата со 58 бодови, четири помалку од Болоња на четвртото место. Удинезе е на 17. место со 28 бодови, колку шт има и Фросиноне.