Спорт
НБА: Паркер броеше до 42, нов пораз на Лејкерси
Изминатата ноќ во НБА лигата беа одиграни 13 натпревари на кои белег стави бекот на Сан Антонио Тони Паркер кој против Оклахома постигна 42 поени.
Изминатата ноќ во НБА лигата беа одиграни 13 натпревари на кои белег стави бекот на Сан Антонио Тони Паркер кој против Оклахома постигна 42 поени. Покрај Паркер, во победата на Сан Антонио од 107:96 забележителен настап имаше и Тим Данкан, 13 поени и 15 скока. Оклахома ја предводеше Кевин Дурент со 22 поени и 11 скока. Оклахома и покрај поразот го задржа водечкото место во лигата, со скор од 18 победи и 5 порази, Сан Антонио, од друга страна, има речиси перфектен ефект на домашен терен, 13 победи и само еден пораз или вкупно 16 победи и 9 порази, што му го носи третото место во Западната конференција. Лидерот на Истокот, Чикаго забележа победа над Милвоки од 113:90. Дерим Роуз имаше учинок од 26 поени и 13 асистенции, а Луол Денг заврши со 21 поен и 10 скока, кај Милвоки Дру Гуден се истакна со 24 поени. ЛА Клиперси без проблеми го совладаа Вашингтон, тимот кој го има вториот најлош резултат во лигата, 4 победи и 20 порази. Блејк Грифин со 21 поен и 11 скока ги предводеше Клиперси до победата од 107:81. Градскиот ривал на Клиперси, ЛА Лејкерс го запишаа осмиот пораз во 11-от натпревар на гостински терен. ЈУта ги совладаа „езерџиите“ со 96:87, благодарение на Ал Џеферсон кој реализира 18 поени, кај Лејкерси тројца кошаркари постигнаа над 20 поени: Брајант 26, Гасол 24 со 16 скока и Бајнам 21. Минесота забележа победа над Хјустон од 100:91, Тимбервулфски ги предводеше Кевин Лав со 25 поени и 18 скока, а одлична помош доби од Рики Рубио кој мечот го заврши со 13 поени и 11 асистенции. На останатите натпревари:Атланта-Филаделфија 87:98Индијана-Орландо 81:85Њујорк-Њу Џерси 99:92Детроит-Њу Орлеанс 89:87Кливленд-Далас 91:88Феникс-Шарлот 95:89Сакраменто-Голден Стејт 114:106Портланд-Денвер 117:97. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата им забрани на собирачите на топки да ја враќаат топката во игра
Премиер лигата воведе ново правило кое се однесува на момчињата кои ги собираат топките, пишуваат англиските медиуми. Тие повеќе нема да смеат да им ги фрлаат топките на играчите, туку ќе мора да ги ставаат на одредени места до теренот. Оваа измена е воведена за домашните екипи да не имаат неправедна предност.
Во последниве години, тренерите почнаа да им придаваат се поголемо значење на собирачите на топки, некои од нив дури лично да им даваат инструкции како да ја вршат својата работа.
Најчесто акцентот се ставаше на побрзо фрлање на топката кон играчите за да се забрза играта во обид да се изненади противникот. Исто така, собирачите на топки знаеја да прават мали опструкции кога нивниот тим ја има предноста.
Со воведувањето на оваа промена, Премиер лигата се обидува да создаде еднакви услови и за домашните и за гостинските екипи.
Спорт
Чаби Алонсо ги одби гигантите ќе остане во Леверкузен
Чаби Алонсо потврди дека и наредната сезона ќе го предводи Баер Леверкузен. Шпанецот со „фармацевтите“ е на добра пат да ја освои првата Бундес лигата во клупската историја. Неговиот тим, во сите натпреварувања од почетокот на сезоната, нема доживеано ниту еден пораз.
Чаби Алонсо долго време се поврзуваше со Ливерпул и Баерн Минен, клубови за кои играше во кариерата, но денес стави крај на тие шпекулации.
„Имав многу добри разговори со челниците на клубот и им кажав дека сакам да останам во Баер. Ова е најдоброто место за мене “, изјави Чаби Алонсо и продолжи:
„Нема да коментирам за Ливерпул или Баерн. Тие се големи клубови и јас сум поврзан со нив. Сепак, сега сум таму каде што сакам да бидам. Сега не е време да зборувам за иднината, сакам да се развивам понатаму во Баер. Веќе им ја соопштив одлуката на играчите “, рече 42-годишниот тренер.
Алонсо го презеде Леверкузен во октомври 2022 година, а пред тоа го тренираше вториот тим на Реал Сосиедад.
Спорт
Шекил: Сакам Симонс да ме научи како за 55 натпревари заработи 80 милиони долари
Изјавата на Шекил О’Нил во еден подкаст, во пресрет на почетокот на плеј-офот во НБА лигата, привлече големо внимание во САД.
Еден од најдобрите центри во историјата на кошарката, саркастично одговори на прашањето за кои играчи би платил карта да ги гледа во живо.
„Бен Симонс, затоа што сакам да научам како можеш да заработиш 80 милиони, а да одиграш само 55 натпревари. Научи ме човеку. Научи ме како можеш да одиграш 55 натпревари во три сезони и да добиеш 30 милиони, 40 милиони и уште 40 милиони само за да рекол дека го боли грбот“, рече четирикратниот шампион во НБА.
Симонс во 2016 година беше прв пик на драфтот, го избра Филалделфија, во чии редови беше до 2022 година кога се пресели во Бруклин Нетс. За Бруклин во првата сезона одигра 40 натпревари, а оваа само 15.