Спорт
Пол Пирс влезе меѓу легендите на Селтикс
Пол Пирс ја одбележа ноќта во НБА лигата, тој го предводеше тимот на Бостон до петтата победа во низа, а на клупската листа го мина Лери Бирд на второто место.
Пол Пирс ја одбележа ноќта во НБА лигата, тој го предводеше тимот на Бостон до петтата победа во низа, а на клупската листа го мина Лери Бирд на второто место. Пирс во победата на Бостон над Шарлот од 94:84, постигна 15 поени и сега на своето конто има 21.797 поени. Пред него на вечната листа, на најдобри стрелци во историјата на Бостон, сега е само Џон Хавличек кој има постигнато 26.395 поени. Во историскиот меч на Пирс малку му недостигаше да забележи „трипл-дабл“, покраЈ 15-те поени имаше уште 8 скока и 9 асистенции. Мајами забележа убедлива победа над Кливленд од 107:91, Леброн Џејмс против својот поранешен клуб постигна 24 поени, два повеќе уфрли Двејн Вејд, додека Крис Бош заврши со 15 поени и 9 скока. Ентоан Џејмисон со 25 поени го предводеше Кливлен, који оваа сезона е еден од најслабите тимови во лигата. Кевин Дурент одигра уште еден брилијантен натпревар, тој имаше учинок од 33 поени, 10 скока и 7 асистенции, со кој ја предводеше Оклахома во победата над Голден Стејт од 119:116. Вообичаено на Дурент му асистираа Расел Вестбрук со 31 и Џејмс Харден со 19 поени. Голден Стејт не успе да го избегне поразот и покрај тоа што Монта Елис уфрли 48 поени, Дејвид Ли додаде 25, а Стивен Кари 16 поени. Стив Неш со победа го прослави својот 38 роденеден. Ветеранот со положување на пет секунди до крајот на Феникс му донесе победа над Милвоки од 107:105. Неш мечот го заврши со 18 поени и 11 асистенции. Индијана, во интересен меч забележа победа над Јута од 104:99, Пејсерси тешко стигнаа до победата иако во третиот период имаа 21 поен предност. Дарен Колисон 25 поени и Рој Хиберт со 17 поени и 10 скока беа најзабележителни во домашниот тим. Тесна победа забележа и минесота, 86:84 над Сакраменто. Во отсуство на првата звезда Кевин Лав, Минесота ја предводеше Црногорецот Никола Пековиќ со 23 поени и 10 скока. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА ќе го разгледа предлогот секој тим да има по 26 фудбалери на ЕП
Европската фудбалска унија (УЕФА) ќе разговара за можноста за проширување на бројот на играчи за претстојното ЕП 2024 во Германија на состанок следниот месец.
Според актуелните правила, секоја репрезентација може да има по 23 пријавени фудбалери на ЕП. Српскиот селектор, Драган Стојковиќ Пикси, предложи, секоја селектор да може да пријави 26 играчи. Овој предлог доби поддршка од селекторите на 24 репрезентации кои ќе учествуваат на континеталниот шампионат.
„Добивме неколку пораки од селекторите на репрезентациите во врска со бројот на играчи ЕП 2024. Работната група на УЕФА и претставниците на репрезентациите учесници ќе ги разгледаат предлозите на селекторите на 8 април и ќе ги проучиме сите можни решенија и идеи“, најавија од УЕФА.
На последното ЕП во 2021 година, поради епидемијата на коронавирус, секоја репрезентација имаше 26 фудбалери.
Спорт
Колку заработи Иванишевиќ од соработката со Ѓоковиќ?
Прекинот на соработката меѓу Новак Ѓоковиќ и Горан Иванишевиќ е топ тема кај регионалната спортска јавност.
Ниту една страна не ги откри точните причини за разделбата, освен што Ѓоковиќ изјави дека „достигнале точка на заситеност“.
Ѓоковиќ најверојатно пукна по лошиот почеток на сезоната во која се уште нема освоено трофеј, пред најважните турнири во годината, додека Хрватите пишуваат дека, без разлика на се, Иванишевиќ добро заработил од оваа соработка.
Соработката на ова дуо траеше речиси шест години, во кои Ѓоковиќ освои 12 грен слем титули.
Наводно, Ѓоковиќ му плаќал на Иванишевиќ од 6.000 до 10.000 евра неделно, односно легендарниот Хрват добивал 10 отсто премија од заработката на српскиот тенисер на турнирите.
Иванишевиќ заработил повеќе од 300.000 евра само од плата минатата година.
Ако ја земеме таа бројка како просечна заработка на Иванишевиќ за време на соработката со Ѓоковиќ и процентот од освоените турнири, Иванишевиќ во последните шест години како тренер на најдобриот тенисер во светот заработил помеѓу два и четири милиони евра.
Инаку, Иванишевиќ во кариерата како активен играч заработи околу 16 милиони евра. Кариерата во која освои еден грен слем (Вимблдон), Иванишевиќ ја заврши во 2011 година.
Спорт
Калафиори: Татко ми го презира Јувентус, а јас го почитувам татко ми
Јувентус бара нови играчи во одбраната, откако е извесно дека Бремер ќе се пресели во Манчестер јунајтед.
Еден од можните наследници на Бразилецот е фудбалерот на Болоња, 21-годишниот Рикардо Калафиори. Барем така сметаат во клубот, бидејќи фудбалерот не е ни најмалку импресиониран од интересот што за него го покажа славниот италијански клуб.
Играчот чија вредност според „Трансфермаркт“, скокна од пет милиони евра на 25 милиони евра од октомври минатата година е под договор со Болоња до летото 2027 година.
Калафиори вели дека сака да го испочитува договорот што го има со актуелниот клуб отколку да се пресели во Јувентус.
„За мене Јувентус би бил чекор назад во споредба со Болоња, клуб кој работи на вистински начин. Попрво би останал овде отколку да го облечам дресот на Јувентус. Татко ми го презира Јувентус, а јас го почитувам татко ми. Нема пари за кои јас би отишол таму“, изјави Калафиори.