Спорт
НБА: Лин ги урна Лејкерси
Само четири победи на домашните тимови, во 12-те натпревари кои се одиграа изминатата ноќ, во НБА лигата, која мина во знакот на кошаркарот на Њујорк Никс, Џереми Лин.
Само четири победи на домашните тимови, во 12-те натпревари кои се одиграа изминатата ноќ, во НБА лигата, која мина во знакот на кошаркарот на Њујорк Никс, Џереми Лин. Њујорк во „Медисон Сквер Гаред“ забележа победа над ЛА Лејкерс со 92:85, а Лин, постигна рекордни во кариерата 38 поени. Кај Лејкерси Коби Брајант натпреварот го заврши со 34 поени и 10 скока. Воедно, ова беше прва победа на Њујорк против ЛА Лејкерс уште од 2007 година. Мајами, второпласираната екипа во Источната конференција го совлада Вашингтон, екипа која го има вториот најлош скор во лигата, со 106:89. Двејн Вејд постигна 26 поени, а Крис Бош имаше учинок од 24 поени и 11 скока. Вашингтон во поразот го предводеа Џавал Мекги со 24 поени и 13 скока, односно Нил Јанг со 22 поени. Лидерската позиција на Истокот му припаѓа на Чикаго, Булси забележаа лесна победа од 95:64 во Шарлот, најслабиот тим во лигата. Лидерот во НБА лигата, Оклахома Тандерс, стигна до 21-та победа во првенството, откако во Солт Лејк Сити ја победи Јута со 101:87. Расел Вестбрук со 28 и Кевн Дурент со 19 поени беа предводници во победата на Оклахома. Бостон го забележа вториот последовен пораз, Селтикси загубија во Торонто од домаќинот со 86:74. Демар Дерозен постигна 21 поен во победничкиот тим, поразениот Бостон го предводеше Кевин Гарнет со 17 поени и 8 скока. Актуелниот првак Далас, во Минеаполис, ја совлада Минесота со 104:97. Дирк Новицки потсети на старите времиња, со 33 поени тој беше најефикасен играч на натпреварот. Кај Минесота, Кевин Лав, кој се врати по суспензијата од два натпревари, мечот го заврши со 32 поени и 12 скока. Атланта, предводена од Џош Смит, 23 поени и 19 скока, победи во Орландо со 89:87. Орландо го предводеа Рајан Андерсон со 21 поен и Двајт Хауард кој имаше двоен ефект, 18 поени и исто толку скокови. На другите натпревари:Филаделфија-ЛА Клиперс 77:78Детроит-Њу Џерси 109:92Кливленд-Милвоки 112:113Мамфис-Индијана 98:92Њу Орлеанс-Портланд 86:94. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.