Спорт
Вон ја надмина Јаница, цели кон рекордот на Херминаторот
Линдзи Вон е нова рекордерка според бројот на освоени бодови во една сезона во Светскиот куп, во женска конкуренција. Досегашната рекордерка беше Јаница Костелиќ, која во сезоната 2005/06, освои 1.970 бодови.
Линдзи Вон е нова рекордерка според бројот на освоени бодови во една сезона во Светскиот куп, во женска конкуренција. Досегашната рекордерка беше Јаница Костелиќ, која во сезоната 2005/06, освои 1.970 бодови. Вон на слаломот во Шладминг, на кој победи Михаела Киршгасер, го освои осмото место и со тие бодови за десет бода го надмина рекордот на Јаница.„Многу сум среќна што успеав. Возбудена сум, сакав да го соборам рекордот на Јаница. Во слалом многу се мачев изминатите години. Оваа сезона често останував без бодови во оваа дисциплина, така што ова е добар резулата за мене“, изјави 27-годишната Американка. Пред Линдзи Вон сега стои уште само еден рекорд, оној на Австриецот Херман Маер. Херминаторот пред 12 години победи во Светскиот куп освојуваќи равно 2.000 бодови. Доколку Вон, на велеслаломската трка во недела го освои 13-то место, тогаш ќе го израмни достигнувањето на Маер.„Ќе скијам максимално напаѓачки. Да ќе ризикувам, но во исто време ќе скијам паметно“, рече Вон. Теоретски Американката може да стигне и до петтиот глобус во оваа сезона, откако веќе го освои големиот Кристален глобус и малите во спуст, супервелеслалом и суперкомбинација. Но за да стигне до глобусот во велеслалом, Вон мора да победи, а во исто време водечката Викторија Ребензбург да не освои ниту еден бод. „Шансите ми се минимални ни ќе дадам се од себе“, вели една од најдобрите во историјата на скијањето. крај/index.hr/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.