Спорт
Сити го победи Челзи, КПР го шокира Ливерпул
Фудбалерите на Манчестер Сити го совладаа Челзи со 2:1, во дербито на 29-то коло во Премиер лигата. „Граѓаните“ со овие три бода останаа во трка за титулата, екипата на Манчини има еден бод помалку од градскиот ривал Манчестер Јунајтед.
Дефанзивецот на Челзи, Гери Кејхил, во второто полувреме го отвори резултатот, Сити пресвртот го направи во последните десет минути со головите на Агуеро од пенал и Насри. На оваа среда, во тимот на Манчестер Сити се појави Карлос Тевес, кој претходно последен пат настапи во септември на мечот со Баерн во ЛШ. Поразот во Манчестер беше прв за новиот менаџер на „сините“, Роберто ди Матео, по серијата од четири победи. Манчестер Сити на второто место има бод помалку од „црвените ѓаволи“. Арсенал со победата на „Гудисон Парк“ против Евертон од 1:0, го мина на табелата Тетенхем кој одигра само 1.1 против Стоук. Вермален го постигна единствениот гол за Арсенал, кој сега на третото место има 55 бода, еден повеќе од Тотенхем, кој ремизираше со Стоук. Ван дер Варт во 92-та минута им донесе бод на Спарси. Важни бодови во борбата за опстанок освои КПР, кој со волшебен пресврт го совлада Ливерпул со 3.2. „Црвените“ водеа со 2:0 се до 78. минута, за до крајот Дери, Сисе и Меки со своите погодоци да му донесат победа на КПР. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.