Спорт
„Би-Би-Си“ го обвини Азербејџан за купување медали во бокс
Меѓународната боксерска федерација (АИБА) поднесе тужба до британскиот радиодефузер „Би-Би-Си“, кој ги има правата од 30. Летни Олимписки игри во Лондон, затоа медиумот ги повторил обвиненијата за Азербејџан дека оваа земја си купила два златни медали на Игрите.
„Би-Би-Си“ лани во својот документарец „Newsnight“ утврди дека неименуван поединец од Азербејџан платил десет милиони долари на ВСБ (Светската серија во бокс), професионално натпреварување под капата на АИБА и сето тоа во замена за две златни медали на Игрите во Лондон.
Интернационалниот Олимписки Комитет (ИОК) и АИБА почнале истрага, но не утврдиле криминал.
Во четвртокот, британскиот сервис ги повтори обвиненијата и тоа откако двајцата боксери од Азербејџан стигнаа до полуфинале.
Магомедрасул Меџхидов во супертешка и Тејмир Мамадов во тешка категорија не минаа во финале.
Чинг Куо Ву, првиот човек на АИБА реши да поднесе тужба до „Би-Би-Си“.
„Британците повторно ги објавија своите обвинувања иако се знаеше дека се невистинити. Затоа веќе ја ангажиравме лондонската адвокатска фирма ’ПСБ Ло’ да ја подготви тужбата за ББЦ“, вели Ву./крај/bbc/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
МЗТ влезе во полуфиналето во АБА2 лигата
Кошаркарите на МЗТ Скопје Аеродром изборија пласман во полуфиналето на плеј-офот, во АБА 2 лигата. МЗТ загуби од Широки со 70:68 и со +13 влезе во полуфиналето Првиот натпревар во Скопје заврши со победа на МЗТ со 85:69.
На гости кај Широки кошаркарите на МЗТ одиграа лошо прво и одлично втро полувреме. Широки во втората четвртина имаше предност од 15 поени, на полувреме таа изнесуваше 11. Првиот дел со тројка го заклучи Војдан Стојановски.
Во вториот дел играчите на МЗТ ја стигнаа предноста на Широки, имаа водство 65:64 на четири минути до крајот по што беше јасно кој ќе излезе како победник од овој двомеч.
МЗТ на овој натпревар го предводеше Делалиќ со 18 поени, четири скока и две украдени топки, браќата Стојановски постигнаа по 13 коша, имаа по три асистенции, Дамјан имаше осум, а Војдан три скока. Двоцифрен со 10 поени беше и Баковиќ.
МЗТ во полуфиналето ќе игра прптив Спартак.
Спорт
Џонтeј Портер доживотно суспендиран од НБА
Кошаркарот на Торонто Репторс, Џонтеј Портер, доживотно е суспендиран од НБА лигата поради коцкање.
Челниците на НБА одлучија дека тој повеќе не може да се натпреварува во најдобрата кошаркарска лига во светот.
Така на неславен начин ја заврши кариерата. Џонтеј е брат на кошаркарот на Денвер Нагетс, Мајкл Портер Јуниор.
По аферата која изби во изминатите два месеци, пронајдени се непобитни докази дека Портер се коцкал обложувајќи се на себе.
За комесарот на лигата Адам Силвер немаше дилема, тој мораше да ја донесе оваа одлука.
Според правилата на НБА, секој играч кој ќе се обложи со пари или ќе вложи било каква вредност на натпревар или настан организиран од лигата или Развојната лига може да се соочи со казни од комесарот на лигата Адам Силвер.
Портер, кој е брат на Мајкл Портер од Денвер, во 26 натпревари имаше просек од 4,4 поени, 3,2 скока и 2,3 асистенции.
Спорт
Надал елиминиран од Де Минор
Рафаел Надал го заврши својот настап во второто коло на турнирот во Барселона. Шпанецот во два сета загуби од Алекс Де Минор (5:7, 1:6).
Надал против Де Минор се држеше до финишот на првиот сет. Австралиецот во 11.гем направи брејк, а патоа и го освои сетот. Во вториот сет немаше никава неизвесност, Де Минор го прегази својот противник.
Тој ја забележа првата победа во дуелите со Надал на земјана подлога и втора во петтата меѓсебна пресметка со еден од најдобрите во историјата на тенисот.
Де Минор во третото коло ќе игра против подобриот од пресметката меѓу Даниел Алтмаер и Артур Фис.
На крајот публиката со овации го испрати Надал. Веројатно ова беше последен пат во кариерата да настапи на турнирот кој го освоил 12 пати.