Спорт
Илјадници навивачи се простија од Роберт Енке
Околу 40.000 навивачи присуствуваа на Меморијалната служба за Роберт Енке, што се одржа во недела на стадионот на АВД Арената во Хановер
Околу 40.000 навивачи присуствуваа на Меморијалната служба за Роберт Енке, што се одржа во недела на стадионот на АВД Арената во Хановер
Голманот на фудбалскиот клуб Хановер 96, Роберт Енке, изврши самоубиство на 10 ноември.
Ковчегот со телото на Роберт Енке беше сместен на средината на теренот, покриен со бели рози, а навивачите облечени во црно станаа и со аплауз ја поздравија вдовицата на Роберт Енке, Тереза Енке која пристигна на стадионот со пријател. Покрај навивачите на Хановер, на меморијалната служба присуствуваа и Германски политичари. Погребот ќе биде приватен, а ќе се одржи поладнево во гробиштата во Хановер.
Роберт Енке ќе биде закопан во гробот до неговата двегодишна ќерка Лара која почина од срцева маана со 2006 година.
„Не ни требаат беспрекорни роботи. Ни требаат човечки суштества, со сите слабости и прекрасни квалитети. Можам само да претпоставам колкав притисок го притискал Роберт“ изјави Гувернерот на долна Саксонија, Кристијан Вулф.
Тренерот на националниот тим Јоакин Лев го опиша Роберт Енке како „исклучителен спортист и прекрасно човечко суштество“. На крајот на меморијалната служба ковчегот беше изнесен од стадионот од страна на соиграчите на Енке.
Роберт Енке се самоуби фрлајќи се под воз на 10 ноември под долгогодишна борба со депресија која беше предизвикана од смртта на неговата ќерка. Зад себе тој ја остави сопругата, Тереза и посвоената ќерка Лејла./крај/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА ќе го разгледа предлогот секој тим да има по 26 фудбалери на ЕП
Европската фудбалска унија (УЕФА) ќе разговара за можноста за проширување на бројот на играчи за претстојното ЕП 2024 во Германија на состанок следниот месец.
Според актуелните правила, секоја репрезентација може да има по 23 пријавени фудбалери на ЕП. Српскиот селектор, Драган Стојковиќ Пикси, предложи, секоја селектор да може да пријави 26 играчи. Овој предлог доби поддршка од селекторите на 24 репрезентации кои ќе учествуваат на континеталниот шампионат.
„Добивме неколку пораки од селекторите на репрезентациите во врска со бројот на играчи ЕП 2024. Работната група на УЕФА и претставниците на репрезентациите учесници ќе ги разгледаат предлозите на селекторите на 8 април и ќе ги проучиме сите можни решенија и идеи“, најавија од УЕФА.
На последното ЕП во 2021 година, поради епидемијата на коронавирус, секоја репрезентација имаше 26 фудбалери.
Спорт
Колку заработи Иванишевиќ од соработката со Ѓоковиќ?
Прекинот на соработката меѓу Новак Ѓоковиќ и Горан Иванишевиќ е топ тема кај регионалната спортска јавност.
Ниту една страна не ги откри точните причини за разделбата, освен што Ѓоковиќ изјави дека „достигнале точка на заситеност“.
Ѓоковиќ најверојатно пукна по лошиот почеток на сезоната во која се уште нема освоено трофеј, пред најважните турнири во годината, додека Хрватите пишуваат дека, без разлика на се, Иванишевиќ добро заработил од оваа соработка.
Соработката на ова дуо траеше речиси шест години, во кои Ѓоковиќ освои 12 грен слем титули.
Наводно, Ѓоковиќ му плаќал на Иванишевиќ од 6.000 до 10.000 евра неделно, односно легендарниот Хрват добивал 10 отсто премија од заработката на српскиот тенисер на турнирите.
Иванишевиќ заработил повеќе од 300.000 евра само од плата минатата година.
Ако ја земеме таа бројка како просечна заработка на Иванишевиќ за време на соработката со Ѓоковиќ и процентот од освоените турнири, Иванишевиќ во последните шест години како тренер на најдобриот тенисер во светот заработил помеѓу два и четири милиони евра.
Инаку, Иванишевиќ во кариерата како активен играч заработи околу 16 милиони евра. Кариерата во која освои еден грен слем (Вимблдон), Иванишевиќ ја заврши во 2011 година.
Спорт
Калафиори: Татко ми го презира Јувентус, а јас го почитувам татко ми
Јувентус бара нови играчи во одбраната, откако е извесно дека Бремер ќе се пресели во Манчестер јунајтед.
Еден од можните наследници на Бразилецот е фудбалерот на Болоња, 21-годишниот Рикардо Калафиори. Барем така сметаат во клубот, бидејќи фудбалерот не е ни најмалку импресиониран од интересот што за него го покажа славниот италијански клуб.
Играчот чија вредност според „Трансфермаркт“, скокна од пет милиони евра на 25 милиони евра од октомври минатата година е под договор со Болоња до летото 2027 година.
Калафиори вели дека сака да го испочитува договорот што го има со актуелниот клуб отколку да се пресели во Јувентус.
„За мене Јувентус би бил чекор назад во споредба со Болоња, клуб кој работи на вистински начин. Попрво би останал овде отколку да го облечам дресот на Јувентус. Татко ми го презира Јувентус, а јас го почитувам татко ми. Нема пари за кои јас би отишол таму“, изјави Калафиори.