Спорт
Продолжува кампањата “Избери живот-избери спорт”
“Избери живот-избери спорт”, под ова мото Агенцијата за млади и спорт(АМС) во четврток ги промовираше новите пет спотови како продолжение на кампањата
“Избери живот-избери спорт”, под ова мото Агенцијата за млади и спорт(АМС) во четврток ги промовираше новите пет спотови како продолжение на кампањата за промоција на спортот во земјава.
Врбица Стефанов, Артим Шаќири, Томи Стефановски, Наталија Тодоровска и Вели Мумин се главните актери во кампањата насочена кон младите.
Од АМС, која го покрена проектот се горди што кампањата доживува второ издание.
“Опфативме повеќе спортови и целта ни е да упатиме силна порака до младите спортот секогаш да биде нивниот избор. Со оглед на одличниот прием што го имаше првата кампања се одлучивме да направиме продолжение и се надеваме дека овојпат ефектот ќе биде двојно поголем. Пораката е едноставна, младите да се држат настрана од пороците и секогаш да го избираат спортот”, рече директорот на Агенцијата, Драган Ѓурчевски и им се заблагодари на спортистите за соработката.
“Ова е одличен начин нашата енергија да им ја пренесеме на младите во Македонија и да им покажеме дека спортот секогаш треба да биде нивниот избор”, рече кошаркарот Врбица Стефанов.
Тој истакна дека снимањето на спотовите било исцрпувачко но најважен е ефектот што ќе се постигне.
Кампањата е предвидено да трае во следните три месеци со активно прикажување во медиумите./крај/вм
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Миовски избран во тимот на сезоната во Шкотска
Maкедонскиот репрезентативец Бојан Миовски доби награда за извонредите парти во Премиер лигата на Шкотска. Миовски е избран во идеалниот тим на сезоната.
Миовски го предводи нападот во формацијата 4-3-3 заедно со Лоренс Шанкленд од Хартс, Тио Бер од Мадервил.
🏆 PFA Scotland Premiership Team of the Year.
As voted by the players, here’s your selection for 23/24:
Jack Butland
James Tavernier
Cameron Carter-Vickers
Liam Scales
Owen BeckMatt O’Riley
John Lundstram
Callum McGregorBojan Miovski
Lawrence Shankland
Theo Bair… pic.twitter.com/FjQ5HNpQgm— PFA Scotland (@PFAScotland) April 20, 2024
Инаку, Миовски денеска постигна гол во полуфиналето на Купот против Селтик, но неговиот тим не успеа да се пласира во финалето.
Натпреварот заврши 3:3, а Селтик пебал-серијата ја доби со 6:5.
Bojan Miovski LOVES Hampden Park! 😍
A dream start for @AberdeenFC as they take the lead against Celtic 🔴#ScottishCup pic.twitter.com/ePvLHsIF81
— Premier Sports (@PremSportsTV) April 20, 2024
Спорт
УЕФА го суспендира Емилијано Мартинез
Голманот на Астон Вила, Емилијано Мартинез, поради суспензија ќе го пропушти првиот полуфинален натпревар од Конференциската лига против Олимпијакос, потврди Европската фудбалска унија (УЕФА).
Мартинез, во четвртокот, во реваншот од четвртфиналето против Лил доби жолт картон во 39. минута, а втор жолт картон при изведувањето на пенали поради неспортско однесување кон домашните навивачи.
Аргентинскиот голман не беше исклучен, бидејќи жолтите картони во текот на натпреварот не важат во пенал серијата.
Сепак светскиот првак со Аргентина доби суспензија. УЕФА го казни Мартинез бидејќи во пенал-серијата константно ја провоцираше домашната публика.
Астон Вила по изведувањето пенали го победи Лил со 4:3, а Мартинез одбрани два пенали, во првата и петтата серија им одбрани на Бенталеб и Андре.
Првиот натпревар од полуфиналето на Конференциската лига меѓу Астон Вила и Олимпијакос ќе се одигра на 2 мај во Бирмингем, а реваншот седум дена подоцна во Грција.
Спорт
Барселона сака да го врати Олмо
Дани Олмо, веројатно ќе го напушти Лајпциг во летниот преоден рок. Шпанскиот репрезентативец има откупна клаузула од 60.000.000 евра, сума која за богатите клубови не претставува никаков проблем.
Меѓу заинтересираните екипи се Манчестер јунајтед, Баерн и Барселона, од чија младинска школа потекнува Олмо.
Шпанецот оваа сезона одигра 22 натпревари за Лајпциг, постигна осум гола и забележа пет асистенции.
Како јуниор од Барселона премина во Динамо Загреб, како дел од трансферот на Ален Халиловиќ, а потоа за 29 милиони евра се пресели во Лајпциг.