Спорт
Реакции по жребот за СП во Јужна Африка
Селекторот на фудбалската репрезентација на Србија Радомир Антиќ истакна дека верува оти неговата екипа ќе успее да ја мине групната фаза на натпреварите на Светското првенство
Селекторот на фудбалската репрезентација на Србија Радомир Антиќ истакна дека верува оти неговата екипа ќе успее да ја мине групната фаза на натпреварите на Светското првенство во Јужна Африка. „Задоволен сум. Мораме да имаме доверба во себе. Ова е голема шанса. И до сега бев оптимист и повеќе нема причина да не бидам“, изјави Антиќ по жребот. Србија се наоѓа во групата Д, заедно со Германија, Австралија и Гана. Задоволство од противниците во групата изрази и играчот за врска на англиската репрезентација Стивен Џерард. Она што не сакав пред жребот е да се сретнеме со непознати репрезентации и тоа го избегнавме, а не сакавме и многу тешка група, како онаа во која се најде Бразил. Против две репрезентациите во групата(Словенија и САД) игравме и знаеме што може да очекуваме“, рече Џерард. Напаѓачот на Уругвај Диего Форлан беше резервиран околу шансите за успех, додавајќи дека се квалификувале на СП и сега ќе се сконцентрират на нивните противници. Во нивната група се и домаќинот Јужна Африка, Мексико и Франција. Словенечкиот селектор Матјаж Кек изрази надеж дека неговата екипа ќе остави добар впечаток. „Факт е дека на светската табела сите екипи се подобро рангирани од Словенија и фаворит во нашата група е Англија“, рече Кек. Селекторот на Мексико Хавиер Агуира смета дека не е баш поволно што во првиот натпревар играат против домаќинот на СП. Германскиот одбрамбен фудбалер Филип Лахм смета дека ова е праведен жреб и се надева на пласман во осминафиналето. Швајцарскиот селектор Отмар Хицвелд смета дека од нивната група сигурни фаворити за во вториот круг се Германија и Србија, додека селекторот на Австралија додава дека противниците во нивната група се предизвик. Во петок вечер во Кејптаун беа извлечени репрезентациите по групи за настап на СП во Јужна Африка. Во групата А се:Јужна Африка, Мексико, Уругвај и Франција. Група Б:Аргентина, Нигерија, Република Кореја и Грција. Група Ц:Англија, САД, Алжир и Словенија. Група Д:Германија, Австралија, Србија и Гана. Група Е:Холандија, Данска, Јапонија и Камерун. Група Ф:Италија, Парагвај, Нов Зеланд и Словачка. Група Г:Бразил, Северна Кореја, Брегот на Слоновата Коска и Португалија. Група Х:Шпанија, Швајцарија, Хондурас и Чиле. /крај/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Интер сериозно заинтересиран за голманот на Бразил
Бразилскиот голман Бенто (24), максимално ја искористи шансата која му се укажа по повредите на Алисон Бекер и Едерсон.
Бенто го бранеше голот на Бразил на неодамнешните пријателски натпревари против Англија (1:0) и Шпанија (3:3).
Она што го демонстрираше на „Вембли“ и „Сантијаго Бернабеу“ не мина незабележано, иако од претходно е на радарот на европските клубови. Наводно интерес за Бенто покажуваат Интер, Челзи, Нотингем Форест.
Бразилските медиуми пишуваат дека Атлетико Параненсе за него ќе бара отштета од 20.000.000 евра, а италијанските медиуми пренесуваат дека најблиску до него е Интер. Во клубот сметаат дека добро е Јан Сомер да добие силна конкуренција, а исто така Бразилецот би бич залог за иднината бидејќи има само 24 години.
Спорт
Јувентус најде тренер за следната сезона
Болоња е хитот на сезоната во Серија А. Тимот кој од клупата го предводи Тиаго Мота се бори за место во Лигата на шампионите. Она што е извесно е дека Мота на крајот од сезоната ќе ја напушти Болоња.
Медиумите на Апенинскиот полуостров го поврзуваа со Милан, но тоа нема да се случи. Поранешниот фудбалер на Интер, во овој момент е најблиску до клупата на Јувентус.
Мота ќе го наследи Масимилијано Алегри од чија работа во клубот од Торино не се задоволни.
До пред два месеци Јувентус се тркаше со Интер за шампионската титула, но откако на последните осум натпревари „старата дама“ забележа една победа, тимот на Алегри сега се бори за второот место со Милан.
Наводно, челниците на Јувентус и Алегри спогодбено ќе го раскинат неговиот договор кој важи до јуни 2025 година. За да се реализираа ова работа, двете страни треба само да ја договорат оштетата која ќе му биде исплатена на тренерот.
Спорт
Проблеми за Сити пред дербито со Арсенал – шестмина првотимци повредени
Пеп Гвардиола го нарече предизвикот да се одбрани тројната круна „невозможен“, но неговиот Манчестер сити сè уште е во конкуренција за сите три големи трофеи. Во Премиер лигата заостанува бод зад лидерите Ливерпул и Арсенал, во полуфиналето на ФА Купот Сити игра против Челзи, додека во Лигата на шампионите трета сезона по ред игра против Реал Мадрид.
Во недела, Сити ќе го одигра еден од најзначајните натпревари во сезоната, во Манчестер доаѓа Арсенал.
Репрезентативната пауза му донесе големи проблеми на Гвардиола. Шестмина со повреди се вратија воклубот. Станува збор за норвешкиот напаѓач Ерлинг Халанд, Англичаните Џон Стоунс и Кајл Вокер и двајцата Португалци Рубен Дијаш и Бернардо Силва.
Сите тие се под знак прашалник за големото дерби каде Сити може да го прескокне тимот на поранешниот помошник на Гвардиола, Микел Артета. Заедно со шестмината, репрезентативната пауза поради претходни повреди ја прескокнаа и Кевин Де Брујн и Мануел Аканџи.